Fár-klikkað samfélag

Margir bíða nú eftir því að geta vaknað á morgnanna án þess að hugsa hvern fjandann gera stjórnmálamenn af sér í dag? Hvaða vitleysingar verða dregnir upp úr einhverri holu og falið trúnaðarstörf? Hvernær kemur sá dagur sem þessu kjaftæði lýkur?

Fjórflokkurinn er samur við sig. Endalaust klúður sem Kristrún heimisdóttir vill ekki kalla klúður en talar samt um að sé klúður hefur sett landið í grafalvarlega stöðu.

Enginn er sekur um neitt

Þorgerður Katrín vissi ekki að hún stakk undan 850 milljónum inn í einkahlutafélag

Árni þór græddi milljónir (sem hann vill ekki nefna) af hugsjón

Össur græddi 30 milljónir af einskærri heimsku eða barnaskap að því er virðist

Bjarni Ben skrifaði undir þjófnað upp á 10 milljarða óvart og græddi á því sálfur óvart

Hin nýja skæra stjarna stjórnmálanna Tryggvi Þór Herbertsson lét hlutafélag lána sjálfum á "gráu svæði"

Ásgrímur Óttarsson greiddi sjálfum sér ólöglega en hann er önnur skær stjarna sjálfstæðismanna.

....og þjóðin virðist treysta fórflokknum best

Senda út athugasemdabréf

Svavar Gestsson hefur aldrei gagnrýnt eigin verk að eigin sögn

Gefur einfaldlega ekki upp skoðun á eigin verkum eftir því sem hann tjáir mönnum á RUV.

Það er ekki furða þótt þessi einstaklingur sem er með stúdentspróf hafi ekki þurft að láta uppi skoðanir eigin verkum. Maður sem hefur ekki þurft að sækja um vinnu í áratugi heldur bara þegið bitlinga frá stjórnmálaflokkum.

Hrokagikkur fandans gubbar út úr sér kenningum sem hann rökstyður á engann hátt í útvarpi allra landsmanna. Hrokinn er yfirgengilegur og í góðri samsvörun við hroka Steingríms sem kallar erlenda sérfræðinga sem virtir eru á heimsmælikvarða snillinga.

Ég held að þessir stúdentar ættu að fara að hugsa sinn gang og horfast í augu við eigin vanmátt fremur en að rakka niður alvöru þekkingu.

Kerfi innstæðutrygginganna er einfaldlega þannig að það er tryggingarsjóðurinn sem er skuldbundinn.

Samkvæmt þessu kerfi er ekki heimilt að veita þessum sjóði ríkisábyrgð.

Þetta felst í Brussel viðmiðum sem Svavar Gestsson segist hafa farið eftir við gerð Icesavesamningsins.

Svavari Gestssyni finnst flott að hafa getað frestað greiðslubyrðinni í sjö ár en að þeim tíma liðnum verður hann og margir þeir sem aðhyllast þennan samning komnir á eftirlaun og aðrir teknir við.

Kostnaðinn af þessari frestun á að legga á komandi kynslóðir.

Flækur sem fáir skilja

Atburðarásin í Icesavemálinu hefur verið furðuleg frá upphafi.

Tilurð Icesave byggist á spillingu í sjálfstæðisflokki og framsóknarflokki. Glæpaklíkur sem voru hluti stjórnvaldi Íslands stjórnuðu bæði bönkum og lögjöf. Í viðskiptaráði sátu menn og skrifuðu lög sem síðan voru send í gegn u ráðuneytin og inn á Alþingi til stimplunar.

Fyrri ríkisstjórnir og glæpaklíkurnar voru samofnar. Dómskerfinu var spillt með klíkuráðningum. Stjórnsýslunni var spillt með langvarandi klíkuráðningum og fékk það hlutverk að vera varðhundar stjórnvalds og glæpaklíkunnar.

Viðvarandi upplausn hefur ríkt í samfélaginnu enda margir enn við völd sem fléttuðust inn í þessa glæpastarfsemi.

Það voru gríðarleg vonbrigði þegar að Steingrímur Joð stakk sér beint í vasa þessara afla og hélt áfram á sömu braut. Einkavæðing, sala auðlinda, erlendir fjárfestar, stóriðja, skuldaþrælkun unga fólksins og klíkuráðningar eru enn "the buzzwords" í ríkisstjórn Jóhönnu.

Tryggingarsjóður innstæðna ber ábyrgð á skuld við Breta og Hollendinga en það gerir íslenska þjóðin ekki.

Lee Buchheit verður ráðgjafi

Alla þá ráðgjafa og SNILLINGA

Segir Steingrímur

Icesavemálið er eitthvert það undarlegasta sem ég hef orðið vitni að.

Getur það verið að Svavar hafi ekki nennt að kynna sér umboðið sem alþingi veitti*

Því heldur Kristrún Heimis fram.

Getur verið að Svavar hafi ekki nennt að kynna sér Brussel viðmiðin?

Því heldur Kristrún Heimis fram.

Getur verið að Steingrímur hafi verið að berjast í því að troða þessum óþverrasamningi ofan í kok á fólki til þess að vernda snillinginn Svavar.

Undarlegt mál og undarlegir menn.

Hvað varð annars af leyndarmáli Steingríms?

Þessu þið vitið sem hann notaði í hræðsluáróðrinum.

 

Kröfðust pólitískra sátta

Það sem ekki fer hátt

Sjálfstæðismenn hafa sett þjóðarbúið á hausinn. Sveitafélög og fyrirtæki blæða en almenningur er látinn fármagna bankanna til þess að greiða skuldir Ólafs Ólafsonar sem síðan fær meira gefins.

Ég fékk athyglisvert bréf frá Frakklandi en á síðu Landsbankans segir eftirfarandi:

Reykjavík, 1. febrúar, 2010 - NASDAQ OMX Group, Inc. (Nasdaq:NDAQ) tilkynnti í dag að Clearstream, dótturfyrirtæki Deutsche Börse Group,  verði með beina aðild að íslenskum markaði frá og með deginum í dag. Aðild Clearstream þýðir greiðari aðgang erlendra fjárfesta að skráðum hluta- og skuldabréfum hjá Verðbréfaskráningu Íslands.

Í bréfinu frá Frakklandi stóð eftirfarand:

Mér lýst ekki vel á ýmislegt sem er verið að gera og sumt skil eg hreinlega ekki. Dæmi: nýlega tilkynnti Kauphöllin það hróðug mjög að Clearstream væri kominn með beina aðild að Kauphöllinni og að það auðveldaði aðgang erlendra fjárfesta........

ég hef ekki heyrt hina vægustu stunu út af þessu. Þetta er banki þekktur fyrir peningaþvætti og hefur verið mjög liðlegur við flutning fjármagns í Paradísir þessa heims. Það var þessi banki sem um var að ræða í málaferlum Sarkosis forseta og fyrrv. forsætisráðherra hans nýlega. Það ekkert til að vera hróðugur af að vera bendlaður við þannan banka og er fólki á Íslandi ekki kunnugt um það? 

Atburðarásin í samfélaginu bendir til þess að helsta áhugamál ESB í málefnum Íslands sé að ýta á að alþjóðaglæpaklíkur geti rakað fjármunum frá Íslandi.

Fjárhaldsstjórn skipuð

Þakklæti til kjósenda

Ég vil þakka þeim sem studdu mig í forvali VG en það mun hafa verið drjúgur fjöldi

Þeir sem studdu mig er fólk sem þekkir mig vel

Vinir, vandamenn og fólk sem ég hef staðið við hliðin á í byltingunni

Fólk sem ég treysti eins og það treysti mér

Þegar Árni Þór hvæsti á mig

Ég vil þakka þeim sem studdu mig í forvali VG en það mun hafa verið drjúgur fjöldi

Þeir sem studdu mig er fólk sem þekkir mig vel

Vinir, vandamenn og fólk sem ég hef staðið við hliðin á í byltingunni

Fólk sem ég treysti eins og það treysti mér

 

Ég gekk til liðs við VG fyrir prófkör flokksins fyrir síðustu Alþingiskosningar og studdi Lilju Mósesdóttur sem ég trúði á að gæti komið inn með þekkingu og stuðning í starfi sínu sem alþingismaður. Hún hefur ekki valdið mér vonbrigðum en það hafa ýmsir aðrir framármenn vinstri grænna gert.

Ég var stödd á fundi VG í fyrra þar sem Icesave var rætt. Ég fór í pontu og benti á alvarlegar afleiðingar þess að skera heilbrigðiskerfið harkalega niður vegna ríkisábyrgðar á einkaskuldum. Ég benti á að ef þessari stefnu yrði haldið til streitu myndi það kosta mannslíf og spurði jafnframt hvort að stjórnmálamenn sem styðja Icesave gætu horfst í augu við þá staðreynd.

Björn Valur sem er mikill taglhnýtingur foringjans gekk þá í pontu og brigslaði mig um að ásaka sig fyrir að vilja að drepa fólk. Svarið var að mínu mati á lágu plani og fremur ósmekklegt. En rannsóknir hafa sýnt að þar sem harður niðurskurður hefur farið fram í velferðarkerfi hefur dánartíðni aukist og það var ég að benda á.

Þegar ég gekk að sæti mín hvæsti Árni Þór á mig: skammastu þín, sagði hann.

Stjórnmálamenn vilja ekki að við fjöllum um alvarlegar afleiðingar stefnu ríkisstórnarinnar fyrir fölskyldur og börn og jafnvel mannslíf. Þeir vilja að umræðan snúist um þjóðhagsspár, landsframleiðslu og vergar tölur.

Það er þægilegra að horfa bara á tölurnar en hunsa veruleikann sem skapast að baki þeim.

Þegar konur eins og ég stíga fram á sjónarsviðið sem tala um óþægilegann raunveruleikann fer maskínan í gang. Það þarf að þagga niður í þessari konu því veruleikinn sem verið er að skapa í landinu er ekki vel fallin til umræðu fyrir þá sem hafa valið að standa með fjármálakerfinu og hunsa velferð barna og þeirra sem hafa ekki styrk til þess að berjast gegn ofureflinu.

Ég var að lesa grein í the Guardian sem fjallar um fórnarlömbin á Íslandi: BÖRNIN.

Lítið hefur farið fyrir fréttaflutningi hér á landi um bága stöðu fjölda barna vegna þeirra hamfara sem sjálfstæðismenn, framsóknarmenn auk samfylkingar kölluðu yfir þjóðina og karlar eins og Björn Valur og Árni Þór telja að ekki sé viðeigandi umræðuefni.

Foringinn sendi vin sinn til margra ára, stúdentinn, á vit samninga en stúdentinn mætti síðan á kajan með slæm örlög barna Íslands í farteskinu. Foringinn kallaði þennan afrakstur fararinnar glæsilegan samning.

En þótt Árni Þór og Björn Valur vilja ekki gera örlög íslenskra barna eða lífsskilyrði að umræðuefni er Guardian á öðru máli og telur litla skömm af því að ræða hlutskipti þeirra sem jafnan hafa ekki háa rödd í samfélaginu.

Guardian vekur athygli á auknum fjölda barnaverndarmála, áhyggjur af geðheilsu barna á Íslandi og vanrækslu og vísar í sérfræðinga máli sínu til stuðnings. Við erum í upphafi kreppu. 25% af fyrirætlunum um niðurskurð hafa verið framkvæmdar. Framundan er stríð gegn þeim öflum sem gera vilja glæpi fortíðarinnar að vandamálum barna okkar.

Iceland's children paying for slump kallar the Guardian greinina.

Sóley sigraði í Reykjavík

Hvað þýðir bankahrunið fyrir venjulega Íslendinginn?

Það þarf nú kannski að svara því fyrst hvað er venjulegur Íslendingur. Eru stjórnmálamenn venjulegir Íslendingar? Til dæmis stjórnmálmaður sem hefur verið í forsjá flokks síns og skattgreiðenda frá því að hann lauk skólagöngu. Hvað með Íslendinginn sem fékk 20 milljónir í mánaðarlaun?

Hinn venjulegi Íslendingur fékk á bilinu 150 til 600 þúsund í mánaðarlaun. Hann keypti hús eða íbúð á uppsprengdu verði og skuldsetti sig upp í rjáfur. Stjórnmálamenn sem fengu góða styrki frá byggingaverktökum tóku ákvarðanir sem leiddu til gerviverðs á húsnæðismarkaði. Ríkisstjórn Sjálfstæðisflokks og Framsóknar handfærði upp fasteignamat til þess að auka veðhæfni húsnæðis. Sama ríkisstjórn færði veðmörk upp í 90%. Þá var fyrirkomulagi á úthlutun lóða hagað þannig að því fylgdi lóðabrask. Í kjölfar þessara ákvarðanna hækkuðu fasteignagjöld og vaxtabætur þurrkuðust út hjá mörgum fjölskyldum.

Ríkissjóður græddi, borgarsjóður græddi, byggingarverktakar og lóðarbraskarar græddu en síðast en ekki síst græddu bankarnir sem voru komnir í eigu vildarvina Sjálfstæðisflokks og Framsóknarflokks.

En fyrst að svo margir græddu þá hljóta einhverjir að hafa tapað. Það liggur nefnilega í eðli málsins að þegar að einn græðir þá tapar annar. Jú þeir sem töpuðu voru þeir sem keyptu sér húsnæði á tímabilinu 2003 til 2008. Sérstaklega þeir sem voru að kaupa í fyrsta skipti, þ.e.a.s. unga fólkið.

Þetta ferli hófst ekki óvart. Stjórnmálamenn voru á mála hjá bönkum og bröskurum. Í stað þess að taka ákvarðanir sem voru góðar fyrir „venjulega Íslendinga" tóku þeir ákvarðanir sem voru góðar fyrir óvenjulega Íslendinga, þ.e.a.s. fyrir fólk sem hafði milljónir í mánaðartekjur og fyrir stjórnmálamenn sem þáðu greiða af óvenjulegu Íslendingunum.

Auk þess sem venjulegum Íslendingum er ætlað að greiða gerviverð fyrir húsnæði sitt er þeim ætlað að fjármagna bankanna. Fjármagna banka sem nú þegar eru búnir að hafa af þeim gríðarlegt fjármagn vegna vaxta og verðbóta af lánum. Lánum sem fjármagna gerviverð sem nú er að hjaðna niður í byggingarkostnað án þess þó að skuldir vegna húnæðis hjaðni.

Óvenjulegum Íslendingum er ekki ætlað að bera skaðann. Þýðir þetta að venjulegur Íslendingur er sá sem tapar en óvenjulegur Íslendingur er sá sem græðir?

Óvissu um framtíð Haga eytt

Forval á laugardag

Stjórnmálin eru okkar eign en ekki eign pólitíkusa.

 Borgin er okkur nálæg sem búum í Reykjavík. Við notum strætó, börning okkar og barnabörn ganga í grunnskólann eða verja deginum í leikskóla. Við notum vatn, orku og hita sem fyrirtæki borgarinnar skaffa. Göturnar, gangstéttarnar, lýsingin í skammdeginu, allt er þetta í boði borgarinnar sem við skattgreiðendur fjármögnum. 

Sumir þurfa meiri stuðning en aðrir og gæta þarf að því að deila til þeirra sem eru í raunverulegri þörf í félagslega kerfinu. Vinna þarf að því að skapa tækifæri fyrir aðra. Það skiptir gríðalegu máli að deila á skilvirkann og sanngjarnan máta þegar kreppir að. Það er ekki hlutverk borgarbúa að kosta lúxusferðir til fjarlægra landa fyrir borgarfulltrúa. 

Það skiptir máli að þeir sem fara með völdin í borginni fari vel með þessa sameign okkar.

Ég er stjórnsýslufræðingur með mikla þekkingu á málefnum borgarinnar. Ég tel það baráttumál í niðurskurði og kreppu að við verjum grunnstoðir fyrir niðurskurði. Fjármunum verður að verja með fyrirhyggju. Ég hef opnað stuðningsmannasíðu á facebook sem finna má hér

Ljótt að hugsa um þetta mál af einfeldni

Fyrirliggjandi samningur setur ALLA áhættuna af Icesave samtals 750 milljarða á axlir Íslendinga.

Það varð bankahrun árið 2008 og það geru endurtekið sig. Hvar standa Íslendingar ef eignir Landsbankans gufa upp í einhverri lægð.

Málið er grafalvarlegt og það er verulega ljótt að líta fram hjá tilteknum hliðum þess. 

Með því að samþykkja ríkisábyrgð er í raun verið að samþykkja allt að 1.000 milljarða skuldbindingu. 

Nýtt mat liggur ekki fyrir