Múgsefjun í boði sjálfsstæðisflokks.

Fólk er að kalla eftir heiðarlegu fólki á þing en ekki falsspámönnum sem hafa verið að mála hjá valdhöfum við að falsa upplýsingar fyrir almenning.

Rotið og morkið valdakerfið spriklar tilraunum sínum við að viðhalda sjálfu sér. Barist er um að halda áfram að mergsjúga fjölskyldurnar til þess að bjarga auðmönnum og valdakerfinu. Boðberar þessara afla birtast í fjölmiðlum og reyna að sefa þjóðina sér til fylgislags með falsupplýsingum og með því að reyna telja þjóðinni trú um að hún eigi sök á því hvernig komið er

Sjálfstæðisflokkur, framsókn og samfylking bera ábyrgð á ástandinu.

Ástandið er mjög alvarlegt og bitnar mest á börnum og ungum fjölskyldum.

Þetta verður þjóðin að skilja og hafna þessum sjúku kerfisköllum sem vilja viðhalda fátækt almennings.

Tryggvi Þór Herbertsson vill á þing

Athugasemdir

[Jón Ólafur Vilhjálmsson, 19.2.2009 kl. 20:00]

Það skyldi þó aldrei vera að aðrir komist að því að það séu einu úrræðin gömlu íhaldsúrræðin sem duga mér sýnist Steingrímur og Ögmundur vera búnir að tileinka sér þau að þónokkur það er nú eigusinni þannig að ef þarf að greiða skuldir sem hvíla á þjóðinni þá verður hún látin borga þær ef skera á niður þá eru ekki margir málaflokkar sem hægt er að skera í svo nokkru nemi , því miður svona eru hlutirnir, en ég er alveg á því að gefa sjálfstæðismönnum frí í  nokkur ár því þeir hafa plantað sýnum mönnum í lykilstöður sem matreiða hlutina á sinn hátt til okkar sem seigir oft ekki allan sanleikan .

[Jakobína Ingunn Ólafsdóttir, 19.2.2009 kl. 20:25]

Svo virðist vera sem að stjórnmálamennirnir séu flæktir í nýfrjálshyggjuhugmyndafræðina og sjá ekki aðrar lausnir en hún býður upp á. Stjórnmálamenn fara að spila eftir leikreglum sjálfstæðisflokks, gleyma fókinu í landinu og fara að byggja undir kerfi sem er dauðadæmt.

Meðan á þessu stendur brennur atvinnulífið, velferðakerfið og velsæld almennings.

[Guðmundur Björn, 19.2.2009 kl. 20:55]

Hver er með múgsefjun og fordæmingar?  Líttu í eigin barm!

[Ómar Geirsson, 19.2.2009 kl. 22:40]

Blessuð Jakobína.

Mig langar aðeins til að benda á eitt í sambandi við sveitunga minn Tryggva.  Ég sá það haft eftir honum í Fréttablaðinu að hann reiknar bara með að tíundi hver ríkisstarfsmaður verði rekinn.  Hann segir að ekki sé hægt með góðu móti að skera meir niður.  

En var ekki ein af forsendum hans að halli ríkissjóðs væri óverulegur 2010 og jafnvægi 2011.  Þetta eru skilyrði Alþjóðagjaldeyrissjóðsins og þau þarf að uppfylla.  

Í fyrsta lagi ef rétt er, þá er skuldastaðan verri en sagt er frá því ef frjálshyggjumaður eins og Tryggvi treystir sér ekki í meiri slátrun, þá verður hallinn meiri en sjóðurinn gaf upp að yrði.

Í öðru lagi þá er þetta enn einn flóttinn og flóttamaðurinn.  Mér er orðið það til efs að Háskólabíó dygði undir alla kallara Alþjóðagjaldeyrissjóðsins sem síðan vilja ekki kannast við meðöl hans.  Er ekki tími til kominn að einhver vitiborinn fjölmiðlamaður (Silfrið, Spegillinn) kalli þessa menn fyrir og spyrji þá af hverju þeir vilja sjóðinn en ekki afleiðingarnar af komu hans.  Þetta eru jú mennirnir sem blekktu þjóðina til fylgis við þessa skaðræðisstofnun.  Þetta eru mennirnir sem kröfðust þess að Grensásdeildin væri eyðilögð og núna á að láta þá komast upp með að þvo hendur sínar af gjaldþroti hagkerfisins sem var í þeirra boði.

Hvenær sjá fjölmiðlamennirnir í gegnum þessa svikamillu?

Kveðja að austan. 

[Offari, 19.2.2009 kl. 23:13]

Tímabili auðvaldsins er að ljúka. Verst er að vita ekki hvað dauðastritið varir lengi en dauðastrit er alltaf kvalarfullt. Nýtt tímabil mun hefjast þegar þessu tímabili líkur.

[Kristín Magdalena Ágústsdóttir, 19.2.2009 kl. 23:14]

Ég hef sagt og segi enn; Við eigum að leggja niður embætti sem eru ekki algerlega nauðsynleg fyrir stjórnkerfi Íslands og byrja að skera niður þar, áður en farið er að skera niður nauðsynjar eins og heilbrigðisþjónustu.

Eins mætti kíkja á hvernig læknir í 10% starfi getur verið að fá 3millur á mánuði??? 

Þetta er eitthvað skrítið. 

Þetta með stjórnmálamenn, það er eins og þeir spillist við það eitt að komast í ríkisstjórn.  Ég vona bara að þau sem stýra núna landinu, standist freistinganna.

[TH (IP-tala skráð) 19.2.2009 kl. 23:25]

Sammála þér Jakobína og þá sérstaklega hvernig þú segir hlutina á íslensku.

Ég skil ekki hvaða erindi Tryggvi Þór þykist eiga á þing - býst hann við að vera kosinn út á verk sín.

Ef endurnýjunin í Sjálfstæðisflokknum á að vera fyrrum bankastjórar nær gjaldþrota banka þá mun Flokkurinn ná nýjum áður óþekktum lægðum í fylgi.  Húrra fyrir því!

[TH (IP-tala skráð) 19.2.2009 kl. 23:33]

Sumum finnst líka þægilegra að hlusta á fréttir um 3 milljarða niðurskurð í heilbrigðiskerfinu og 2 milljarða niðurskurð í menntakerfinu án þess að beinar og augljósar afleiðingar þess séu útskýrðar í leiðinni.

Nú þegar eru foreldrar farnir að skera niður ýmsan óþarfa í kjölfarið s.s. tannlækningar barna, heimsóknir til heilsugæslulæknis (nema í neyðartilvikum), frístundir barna, frístundanámskeið o.fl.

[Haraldur Pálsson, 20.2.2009 kl. 01:30]

Ef ég man rétt þá gekk Tryggvi Þór út þegar hæst lét og hætti sem ráðgjafi.
Ekki voru ástæður tilgreindar en manni dettur helst í hug að það hafi ekki verið farið að hans ráðum.
Það er ekki hægt að hengja flokkinn fyrir það hörmulega siðferði sem átti sér stað hjá þeim einstaklingum sem stýrðu bönkunum. Það er ekki pólitíkusum að kenna. En það er vissulega leiðinlegt hvað fjármálaeftirlitið var hrikalega illa starfrækt. Siðferði stjórnendabankana er þó hörmulegt eins og sést hefur og er því um að kenna hvernig fór sem fór. Það voru ekki ákvarðanir Geirs að slíkt myndi gerast....

Ég er stoltur af Tryggva Þór að fara fram og hef þvílíka trú á þessum manni, hann er hrikalega klárhagfræðingur og mun eflaust finna okkur góðar leiðir.
TH það er ekki rétt að hann hafi verið einhver bankastjóri eins og þú virðist vilja halda fram.

[Jakobína Ingunn Ólafsdóttir, 20.2.2009 kl. 01:51]

Geir var bara forsætisráðherra. Valdamesti maðurinn í landinu og réði engu?

Auðvaldið og flokkurinn er hið sama. Siðferði auðvaldsins er siðferði flokksins.

[TH (IP-tala skráð) 20.2.2009 kl. 09:58]

Haraldur.

Tryggvi Þór Herbertsson var forstjóri Askar Capital  fjárfestingarbanka fram að hruni en þá fór hann í ráðgjafastörf fyrir Geir.  Þetta starf kallast bankastjóri.

Askar Capital er (var) í eigu Moderna, Milestone eða hvað þetta nú heitir allt sem er í gjörgæslu.

Rekstur Askar Capital... - fæst orð hafa minnsta ábyrgð - en ef TÞH hefði haft auga fyrir hagfræði hefði hann átt að leggja til að bankinn hætti í fjárfestingastarfsemi.

Þessi maður getur ekki kennt okkur neitt nema breiða yfir sannleikann.