Vitlaus hugmynd framsóknar en það er til leið sem virkar

Ég mæli með lausn sem hagfræðiprófessorinn og fyrrum Wall Street sérfræðingurinn Michael Hudson hefur komið á framfæri.

Það er að greiðslubyrði lána verði færð niður að greiðslugetu fólks. Það þarf að fyrirbyggja að fólk gefist upp og tryggja greiðsluflæði til stofnanna. Greiðslubyrði lána þarf að vera færð til samræmis við ráðstöfunartekjur fólks þannig að afgangur sé til þess að halda uppi annarri neyslu.

Það þarf að aðstoða fólk sem hefur keypt sér of stórar eignir til þess að flytja sig í minni eignir og aðlaga fjárhaginn að því. Þær aðgerðir sem gripið er til þurfa að skapa fólki raunhæfan kost og leysa það úr skuldaánauð.

Það þarf að færa skuldir niður sem eru umfram markaðsvirði eigna. Þetta er sjálfsagt og ekki óeðlilegt að lánadrottnar taki þannig á sig hluta af tapinu.

Raunhæfur kostur þýðir að fólk á ekki að greiða margfalt markaðsvirði fyrir eignir. Ef gerðar eru óeðlilegar kröfur til fólks gefst það upp og flýr land.

Fyrirgreiðslur til fyrirtækja þurfa að taka mið að því að halda upp atvinnulífi í landinu. Það á ekki að gefa fyrri eigendum fyrirtæki sem þeir eru búnir að setja í þrot heldur á að gefa starfsmönnum kost á að eignast fyrirtækin. Starfsmenn eru mun líklegri til þess að gæta þess að keyra ekki fyrirtæki í þrot aftur með óráðssíu.

Af gefinni reynslu:

Varist kosningaloforð framsóknarmanna


mbl.is Hvar á að taka þessa peninga?
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Hvað með fólk sem situr fast í litlum íbúðum vegna þess að það var varkárt og horfir núna upp á það sem það lagði í kofann brenna upp á verðtryggingarbáli? Við getum alveg borgað en við getum ekki stofnað fjölskyldu þar sem það er varla pláss fyrir okkur í íbúðarherberginu.

Ég og minn maður flytjum af landi brott ef það á að dæma okkur í framtíðarfangelsi í einstaklingskitrunni sem við höfum hýrst í allt of lengi vegna þess að okkur fannst fasteignamarkaðurinn bull og að hann hlyti að lækka. Vill Ísland losna við menntað og skynsamt fólk sem fór sér ekki að voða?

Kolbrún (IP-tala skráð) 2.3.2009 kl. 17:47

2 Smámynd: Björgmundur Örn Guðmundsson

Þetta er fáránlegt hjá þér:

1. hver reiknar greiðslubirði? Ef ég sem verktaki reikna mér 0 kr í laun í 2 mánuði og er þar af leiðandi með 0 ráðstöfunartekjur.. fæ ég þá alla skuldina niðurfellda?

2. Hver á að skera úr um markaðsvirði eigna... það treystir sé enginn til þess á Íslandi... þú færð engann fasteignasala til að kvitta upp á eitthvað markaðsvirði.

Þetta hljómar fallega en bíður upp á spillingu og aftur spillingu. Ef þú þekkir góðan fasteignasala og góðan útibússtjóra þá getur þú lækkað lánin þín um helming en ef þú gerir það ekki þá kannski lækka þau ekki neitt....

Mat í hverju tilfelli fyrir sig býður bara upp á leiðindi, pólitískt pot og spillingu.

Starfsmenn eru starfsmenn vegna þess að þeir vilja það, ekki vegna þess að þeir eru æstir í að reka sitt eigið fyrirtæki. Þú munt ekki finna mörg fyrirtæki þar sem starfsmenn eru tilbúnir að taka yfir fyrirtæki sem er fallvalt... kannski fyrirtæki sem gengur vel en ekki fallvalt fyrirtæki.

Björgmundur Örn Guðmundsson, 2.3.2009 kl. 18:04

3 Smámynd: Jakobína Ingunn Ólafsdóttir

Björgmundur það er alveg sama hvaða aðferðum er beitt þær bjóða allar upp á spillingu meðan framsókn fær að ráða einhverju.

Hefur það ekki sýnt sig?

Hvernig veist þú hvað starfsmenn vilja? Hefur þú rannsakað Það?

Jakobína Ingunn Ólafsdóttir, 2.3.2009 kl. 18:10

4 Smámynd: Jakobína Ingunn Ólafsdóttir

Kolbrún sennilega er góður tími framundan til þess að skipta upp í stærri íbúð. Líklegt að margir vilji minnka við sig.

Jakobína Ingunn Ólafsdóttir, 2.3.2009 kl. 18:11

5 identicon

Michael Hudson hefur örugglega ekki tekið Ísland með í pakkann þegar hann hafði sína lausn í huga.  Flest sem tengist meðferð fjármagns/fjármuna á Íslandi er ofar skilningi hagfræðinnar.

Þú segir "greiðslubyrði lána þarf að vera í samræmi við ráðstöfunartekjur fólks".  Ég veit ekki betur en að það sé gert í upphafi lántöku hjá öllum siðmenntuðum þjóðum en það dugir ekki til á Íslandi því hér eru ýmsir furðulegir þættir sem öðrum þjóðum dettur ekki í hug að taka upp og útfæra eins og við gerum eins og til dæmis "verðtrygging lána" + breytilegir vextir og margt fleira sem aðrar þjóðir hrista hausinn yfir.

Hvaða vanda leysir það að flytja fólk úr minni íbúðum í stærri.  Minni íbúðir (kjallaraholur og annað svipað) eru skuldsettar "uppfyrir haus", verðbótaþátturinn hefur séð um það og hver á að kaupa stærri íbúðirnar sem margar eru topp veðsettar og meira til af sömu ástæðum.  Ránum peningakerfisins .

"Færa skuldir niður umfram markaðsvirði eigna segir þú".  Það er í rétta átt.  Ég tel þó að réttast væri að afskrifa að fullu "verðbótaþáttinn" sem lagst hefur á upphaflega lánahöfuðstólinn, það er ekkert annað en "tilbúningur verðlausra peninga" og "gerviverðmæti" sem er ekki ósvipað og þegar "útrásarvíkingar" fundu upp "loftbóluleiðina" til að hækka verðmæti fyrirtækja.

Íslenska "hagkerfið" er eitt af undrum veraldar, reyndar byggt af heimskum mönnum sem við kjánarnir látum bjóða okkur uppá.  

Páll A. Þorgeirsson (IP-tala skráð) 2.3.2009 kl. 18:20

6 Smámynd: Björgmundur Örn Guðmundsson

Mér sýnist þú Jakobína vera komin langt út fyrir röksemdir þegar þú skellir fram þeirri fullyrðingu að það sé spilling þar sem Framsókn er. Held þú ættir að slaka aðeins á í gífuryrðum og koma þér niður á jörðina svo hægt sé að takast á með rökum en ekki pólitískum skyrslettum.

Það kann að vera að það sé flott að vera með svona fullyrðingar í þínum fjölskylduboðum en þegar þú skrifar athugasemdir við fréttir á mbl.is þá ertu að taka þátt í umræðu ekki skyrslettum.

Að láta fólk meta aðstæður annars fólks er að bjóða upp á spillingu og ójafnræði.

Síðustu 18 mánuði hefur vísitalan hækkað lánin okkar um 20%, tillaga Framsóknar gengur út á að skila þessu arðráni til baka. Lánveitandinn fær vextina sína og það allt, bara verið að færa niður lánin sem hafa hækkað um 20% vegna vísitölu síðustu 18 mánuði.

Síðan Samfylking komst í ríkisstjórn hafa lánin hækkað um 25%... spáðu í því.... bara vegna vísitölu.... þá eru vextir ótaldir.

Björgmundur Örn Guðmundsson, 2.3.2009 kl. 18:21

7 Smámynd: Matthías Ásgeirsson

Síðan Samfylking komst í ríkisstjórn hafa lánin hækkað um 25%... spáðu í því.... bara vegna vísitölu.... þá eru vextir ótaldir.
Ætli flestir séu ekki sammála um að Framsóknarflokkurinn beri örlítið meiri ábyrgð á því heldur en Samfylkingin sem við honum tók.

Matthías Ásgeirsson, 2.3.2009 kl. 18:23

8 Smámynd: Jakobína Ingunn Ólafsdóttir

Björgmundur þessi leið sem framsókn boðar er jafn arfavitlaust og annað sem hefur komið frá framsókn þegar flokkurinn vill kaupa sér atkvæði.

FASTEIGNALOFTBÓLAN ER FRAMSÓKN AÐ KENNA.

Framsókn hækkaði (með handafli) fasteignamat á íbúðum fyrir nokkrum árum síðan. Þetta hafði í för með sér að mikil innspýting varð af lánsfé á fasteignamarkaða. Fasteignabraskarar og lóðabraskarar kýldu upp fasteignaverðið í kjölfarið. Hækkun fasteignamats sem er skattstofn leiddi til þess að vaxtabætur þurrkuðust út hjá mörgum og fasteignagjöld hækkuðu.

Og fjölskyldur lentu í skítnum í boði framsóknar.

Jakobína Ingunn Ólafsdóttir, 2.3.2009 kl. 18:33

9 Smámynd: Jakobína Ingunn Ólafsdóttir

Vandi fjölskyldufólks er framsókn að kenna

Jakobína Ingunn Ólafsdóttir, 2.3.2009 kl. 18:35

10 Smámynd: Jakobína Ingunn Ólafsdóttir

Páll A. Þorgeirsson það er í raun ekkert vit í því að krefna fólk um afborganir og vexti umfram greiðslugetu. Það tapa bara allir á því þegar fólk fer í þrot.

Þetta með flutning í stærri íbúð var bara svar til Kolbrúnar en tengist ekki færslunni beint.

Jakobína Ingunn Ólafsdóttir, 2.3.2009 kl. 18:39

11 Smámynd: Stefán Bogi Sveinsson

Þetta verður ekkert sannara þó þú skrifir þetta með stærra letri.

Íbúðalánasjóður bauð 90% lán með fremur lágri hámarkslánsfjárhæð og viðmiði við opniberar matstölur. Það gat enginn fengið 90% lán hjá ÍLS nema til kaupa á fremur ódýru húsnæði.

Bankarnir buðu upp á 100% lán fyrir hverju sem er og ekkert hámark. Þeir lánuðu tugi milljóna á sömu eignirnar. 100% lán í boði til að kaupa 300 fm einbýlishús?

Heildarútlán ÍLS drógust raunar saman, þar sem bankapeningarnir flæddu in´n á markaðinn og fólk borgaði upp ÍLS lánin sín í stórum stíl.

Hverjum er þá bólan að kenna, ÍLS og Framsókn eða bönkunum? Ætlarðu að halda áfram að láta bankana ljúga að þér?

Stefán Bogi Sveinsson, 2.3.2009 kl. 18:52

12 Smámynd: Jakobína Ingunn Ólafsdóttir

Framsókn hækkaði fasteignamatið og þar með veðhæfni eigna. En hlutfall láns er reiknað af veðhæfni.

Aukin skuldsetning heimilanna er því framsókna að kenna

Jakobína Ingunn Ólafsdóttir, 2.3.2009 kl. 19:16

13 Smámynd: Jakobína Ingunn Ólafsdóttir

Bankar og ILS hækkuðu ekki veðhæfni fasteigna heldur gerði framsókn það.

Jakobína Ingunn Ólafsdóttir, 2.3.2009 kl. 19:19

14 identicon

Ekki er ég hrifinn af Framsókn en mér finnst nú samt ekki hægt að kenna þeim einum um þetta. Þeir voru ef ég man rétt með Sjálfstæðisflokknum í stjórn þegar þetta var. Því vil ég meina að báðir þeir flokkar séu ábyrgir. Ég er líka sammála Björgmundi að það sé ekki við hæfi að vera með svona skyrslettur eins og hann kallar það hér á blogginu. Og það sem hann sagði um starfsmenn er rétt, í það minnsta í 95% tilvika. Fæstir hafa áhuga á því í raun að reka eigið fyrirtæki, það fylgja ýmsir kostir því að vera eiginn herra en líka ýmsir ókostir og því velja margir sér að vera frekar starfsmenn.

Burkni (IP-tala skráð) 2.3.2009 kl. 20:18

15 Smámynd: Jakobína Ingunn Ólafsdóttir

Framsóknarmenn stóðu fyrir aðgerðum hjá Fasteignamati Ríkisins á sínum tíma. Þeim hefur fundist þetta flott framtak til þess að auka útlán bankanna en þar átti flokkseigandaklíkan hagsmuni að gæta.

Þetta riðlaði öllu kerfinu og leiddi þá sem hafa keypt fasteignir á tímabilinu í þrot.

Líklega hafa síðan einhverjir af þeim sem þarna stóðu að baki hlaupið með fjármuni til Tortola eða á önnur aflandssvæði.

Gróðann af braskinu

Jakobína Ingunn Ólafsdóttir, 2.3.2009 kl. 20:30

16 Smámynd: Björgmundur Örn Guðmundsson

Svakalega ertu bitur Jakobína.

Ótrúlega fyndið að sjá þig reyna að skrifa með stórum stöfum og vona þá að orð þín fái meira vægi.

Í fyrsta lagi er það staðreynd að útlán ÍLS lækkuðu.

Í öðru lagi þá lánuðu bankar hlutfall af markaðsvirði en ekki fasteignamati. Fasteignamat er fyrir löngu síðan hætt að stjórna verði og veðsetningu hjá bönkum. Hins vegar var í byrjun miðað við brunabótamat en bankarnir leystu það með því að bæta við tryggingum.

Í þriðja lagi ef þetta var svona rosalega slæmt, afhverju tóku þá Samfylking og Sjálfstæðisflokkur þá á ekki á málunum?

Í fjórða lagi þá jókst verðbólgan ekki fyrr en Samfylking fór í ríkisstjórn og dældi út peningum í mestu útgjaldafjárlögum sögunnar.

Í fimmta lagi þá voru hámarkslán ÍLS undir 20 milljónum.

Í sjötta lagi þá hefur þú ekki svarað efnislegri gagnrýni sem ég setti fram á þínar hugmyndir heldur haldið á með skyrslettur og fúkyrði.

Björgmundur Örn Guðmundsson, 3.3.2009 kl. 08:33

17 Smámynd: Björgmundur Örn Guðmundsson

Síðan gleymdi ég náttúrulega aðalatriðinu.

Vísitalan án húsnæðis hefur hækkað meira þannig að það er allt annað sem er að hækka vísitöluna og keyra hana í 25%

 Við erum bara að sjá það sama gerast nú og gerðist þegar Kratar og íhald voru við stjórn 91-95, landið var ein rjúkandi rúst eftir það kjörtímabil. Núna tók það þá ekki nema tæp tvö ár að rústa landinu.

Björgmundur Örn Guðmundsson, 3.3.2009 kl. 09:21

18 Smámynd: Jakobína Ingunn Ólafsdóttir

 Það er dæmigert fyrir mann með vondan málstað að kalla konu bitra. Þú verður að fyrir gefa Björgmundur en þú getur bara sjálfur verið bitur. Pirra konur þig sem kyngja ekki því sem þú segir möglunarlaust?

Björgmundur þú verður að kynna þér málin betur þannig að þú farir ekki með tómar fleipur og settu lokið á skyrdósina.

Þegar framsókn hækkaði fasteignamatið og brunabótamatið voru þetta stofna annars vegar vegna skattalegra útreikninga og hins vegar veðstofn. þessar breytingar ýttu af stað verðbólu.

Hækkun á fasteignamati þurrkaði út vaxtabætur fyrir marga og setti þetta af stað skuldaspíral hjá fólki.

Hækkun á fasteignamati hækkaði fasteignagjöld

Fasteignabólan sem framsókn kom á stað leiddi síðan til óðaverðbólgu

Landið er rjúkandi rúst eftir stjórn framsóknar og sjálfstæðisflokk.

Björgmundur síðan hvenær er ekki spilling í framsókn þessu höfuðvígi einkavinavæðinga og kvótabrasks?

Hvað varðar þetta sem þú kallar efnisleg gagnrýni er engin efnisleg gagnrýni heldur fullyrðingar sem þú rökstyður ekki eða byggir á haldbærum upplýsingum.

Það hefur hingað til verið gert að reikna út greiðslubyrði og það eru til aðferðir til þess að gera það.

Það er líka hægt að finna út markaðsverð þegar hreyfing kemst á markað ef til þess er beitt vitsmunalegum aðgerðum (annars virðast menn ekki vera í vandræðum með að reikna verðmæti eigna bankanna sem eru harðfrosnar en slíkar kúnstir eru margfalt vafasamari en mat á markaðsvirði fasteigna hér á landi)

Hugmynd framsóknar kemur fólki sem braskaði með peninga bankanna mjög vel og ekki skrítið að framsókn vilji kaupa atkvæði þeirra enda ekki ólíklegt að á þeim bæ sé samúð með bröskurum. Hins vega tryggir aðferðin ekki lausn fyrir marga skuldara.

Jakobína Ingunn Ólafsdóttir, 3.3.2009 kl. 11:16

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband