Stal ríkisstjórnin 1.420 milljörðum frá skattgreiðendum?

Ríkisstjórnin verður rétt eins og aðrir borgarar að haga sér í samræmi við lög og stjórnarskrá

Án heimilda og í trássi við það sem stjórnaskrá segir um það að ekki megi skuldbinda ríkið hefur ríkisstjórnin sólundað eftirfarandi af framtíðartekum ríkissjóðs og tekjum almennings:

Seðlabankinn fyrir hrun sem ríkisjóður tók síðan á sig     520 milljarðar

Sett í peningamarkaðssjóði eftir bankahrunið                 200 milljarðar

Innistæður Íslendinga í Íslenskum bönkum                     600 til 800 milljarðar

Þetta á almenningur skuldarar og skattpínt lág- og meðaltekjufólk að taka á sig að greiða til þess að bjarga fjármagnseigendum.

Gleymum því ekki að fjármagnseigendur sem greiða 10% í skatt og skulda ekkert þurfa ekki nema að litlu leyti að standa undir þessari byrði. Þeir eru hinir raunverulegu ölmusuþegar í samfélaginu.

Nýja Lýðveldið Ísland hafnar að standa undir þessum skuldbindingum sjá hér

Þjóðarsátt í þröngum hópi

Athugasemdir

[Vilhjálmur Þorsteinsson, 5.5.2009 kl. 21:06]

Engar af þessum tölum, eða forsendum, eru réttar.

[Einar Karl, 5.5.2009 kl. 21:15]

1420 milljarðar "gefnir" sparifjáreigendum segirðu?

En þessi gjaldaliður kemur samt ekki fram í ríkisfjárlögunum? Finnst þér það ekkert grunsamlegt?

Fólk á ekki að bera áfram bull, sérstaklega ekki bull sem það skilur ekki, og alveg sérstaklega ekki ef það er til að etja saman ímynduðum fylkingum "skattpíndra skulfara" og svo hinna "ríku sparfjáreigenda".(Sjá færslu mína frá því í gær.)

[Jakobína Ingunn Ólafsdóttir, 5.5.2009 kl. 21:15]

Þá mátt þú gjarnan leiðrétta þær ef þú veist betur

[Jakobína Ingunn Ólafsdóttir, 5.5.2009 kl. 21:17]

Ég man eftir því þegar Davíð Oddsson hennti 520 milljörðum í bankana fyrir hrun.

Hvaðan kom fjármagn í peningamarkaðssjóðina

Og hvaðan kemur fjármagn til þess að tryggja innistæðueigendum sitt?

[Guðrún Jónsdóttir (IP-tala skráð) 6.5.2009 kl. 00:01]

Þetta er það sem vilji þjóðarinnar ákvað að réði eftir kosningar.  Vonandi getur núverandi ríkisstjórn greitt úr nálefnum okkar sem erum í erfiðleikum með að greiða af húsnæði og eigum erfitt með að ná endum saman.  Því miður sé ekki að neitt sé að gert fyrir okkur.  VG og Samfylkingin gera akúrat ekki neitt til að rétta okkar hag.  Eina sem þau gera er að karpa um ESB og virkjanir.  Þau eru að reyna að ná saman um valdastólana, þau eru ekki að gera neitt fyrir fólkið og fyrirtækin í landinu.  Þau eru ekki að hugsa nokurn skapaðan hlut um velferð almenings.  Hvers vegna eru þau ekki búin að mynda stjórn, þau sem voru þegar í stjórn? Hvað með skuldir heimilana og einstaklingana, sem þurfa að velta áfram skuldum og hlaða á sig vöxtum og enn þyngist greiðslubyrgðin.  Hvenær kemur að því að við, fólkið í landinu fáum hjálp?

[Jakobína Ingunn Ólafsdóttir, 6.5.2009 kl. 00:11]

Guðrún þessi ríkisstjórn er alls ekki að taka á vandmálun skuldara. Hún stendur vörð um fjármagnseygendur en þykist bara vera vinstri.

Við þurfum bráðum að taka fram búsáhöldin en ég bendi þér a´að þú getur gerst þegn í Nýju Lýðveldi Íslands hér

[Guðrún Jónsdóttir (IP-tala skráð) 6.5.2009 kl. 02:40]

Ég hef aldrei farið á Austurvöll, en kanske verður einhver tíma alt fyrst.

[Vilhjálmur Þorsteinsson, 8.5.2009 kl. 01:10]

Ekki gleyma því að Elvis lifir, og að forseta Bandaríkjanna er stjórnað af geimverum.