Húrra! Frétt á Mogganum

Það fer lítið fyrir fréttum af spillingarmálum á Mogganum sem þekja þó síður annarra fréttamiðla.

  • Bróðir Árna Matt fékk 4 milljarða í ÍLS sem dregið er í efa að verði endurgreiddir.
  • Spilltir og klíkuráðnir hæstaréttardómarar telja það ekki kynferðislegt ofbeldi þegar karlar misþyrma kynfærum konu.
  • spilling_ja.jpg
  • Bjarni Ben var launaður stjórnarformaður N1 þegar félagið tók fjóra milljarða að láni úr lífeyrissjóðunum. Þessir fjórir milljarðar voru afskrifaðir og auðvitað kemur tapið fram sem skerðing á lífeyri til gamalmenna.
  • Nú einnig eru miklar fréttir af meðferð fjármuna í Eir en þar var Vilhjálmur Þ formaður. Forstjórinn og fjölskyldan notaði þróunarsjóðinn til þess að kosta skemmtiferðir og lúxus fyrir fjölskylduna. Já skítt með gamalmennin.
  • Einstakt tengslanet framsóknarflokksins og spilling við mannaráðningar hefur kostað skattgreiðendur hundruð milljarða. Páll Pétursson kom syni sínum fyrir sem forstjóra fjármálaeftirlitsins, illa menntuðum vini sínum og flokksbróður sem forstjóra Íbúðarlánasjóðs, smiðir og iðnaðarmenn (fólk ólæst á hagtölur og fjármál) var skipað í stjórn.
  •  
  •  Mútugreiðslur útgerðarmanna til stjórnmálaflokka eru auðvitað athyglisverðar fréttir í ljósi atburðarrásarinnar frá kosningum.

Já það er gaman á Íslandi ......fyrir suma


mbl.is Ólafur tók við undirskriftum
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Kanntu ekkert um eitthvað nær í veröldinni. Skrítið.

Hellingur af að taka, en sumir sjá aðeins blóm í sínum garði en illgresi hjá náunganum. Það er fólkið sem nærir spillinguna.

Karl Birgis (IP-tala skráð) 6.7.2013 kl. 16:53

2 Smámynd: Jakobína Ingunn Ólafsdóttir

Ég skil ekki þessa athugasem Karl Birgis.

Öll þau atriði sem ég tel upp í þessum pistli eru atriði sem gera Ísland að vondu samfélagi. Samfélagi sem ég þarf að skammast mín fyrir. 

Hvað varðar þessa þætti sem ég tel upp hér að ofan þá er ég algjörlega saklaus af því að hafa framið nokkuð þeirra. Þarf ekki að  ímynda mér um illgresi í annarra manna görðum í þeim efnum. 

Það eru valdhafar sem næra spillinguna og græða á henni. Almenningur tapar alltaf á vondu samfélagi. 

Vont samfélag er sköpunarverk þeirra sem fara með völdin.

Jakobína Ingunn Ólafsdóttir, 6.7.2013 kl. 17:08

3 Smámynd: Elle_

Jakobína, hvar var gagnrýnin gegn mannvonsku landsöluflokkanna í ríkisstjórn Jóhönnu og Steingríms?

Elle_, 6.7.2013 kl. 17:22

4 Smámynd: Jakobína Ingunn Ólafsdóttir

Elle hvað kemur það spillingu sjálfstæðisflokksins við eða lélegum fréttafluttningi Moggans eða lágkúrunni í framsókn?

Jakobína Ingunn Ólafsdóttir, 6.7.2013 kl. 17:28

5 identicon

Sæl.

Þessi færsla þín er voðalega mikið rant og tengist fréttinni lítið.

Ef þú skammast þín fyrir þetta samfélag okkar þarftu að átta þig á því hvað það er sem gerir það slæmt. Svarið er auðvitað sósíalismi, jafnaðarmennska og afskipti hins opinbera. Ef þér er illa við spillingu getur þú t.d. beitt þér fyrir því að stjórnmálamenn hafi minni völd. Einnig væri gott ef eftir stjórnarskránni sé farið áður en reynt er að breyta henni og setja inni í hana merkingarlaus orð.  

Þú segir: "Vont samfélag er sköpunarverk þeirra sem fara með völdin". Þetta er bara að hluta til rétt. Hverjir rétta völdin upp í hendurnar á valdhöfunum? Það er almenningur, fólk eins og þú, sem skilur hvorki upp né niður í efnahagsmálum og heldur að hið opinbera geti bjargað öllu og hafi það hlutverk að gera lífið betra, útrýma fátækt og glæpum og öðru slíku. Voðalega fáir átta sig á því hvað hinn útblásni opinberi geiri hér vinnur mikinn skaða á lífskjörum fólks.

Nú veit ég ekki hvort þú styður óbreytt/há veiðigjöld en hverjar ætli séu nú afleiðingar þeirra? Veistu það?

Það sem mun gerast er að fyrirtæki munu fara á hausinn, fólk mun missa vinnuna og lifistandard þeirra sem áður höfðu vinnu mun lækka. Finnst þér það í lagi?

Þetta mun líka hafa áhrif á byggð í landinu. Er það í lagi?

Atvinnuleysi er heldur ekki gott fyrir sálina og mun ábyggilega hafa slæm áhrif á fjölskyldur þeirra sem missa vinnuna. Finnst þér það í lagi?

Það sem mun líka gerast er að öryggismálum sjómanna verður stefnt í tvísýnu vegna þrengri fjárhags sumra útgerða. Er það í lagi?

Það sem mun líka gerast er að nú verður mun erfiðara en áður að fá fjármagn inni í þessa grein. Þér er sennilega sama um það og skilur ekki afleiðingar þess þannig að ég sleppi því að spyrja.

Það sem mun líka gerast er að samkeppnisstaða íslenskra sjávarútvegsfyrirtækja á erlendri grundu verður erfiðari vegna aukins kostnaðar. Það hefur svo í för með sér minni gjaldeyrisekjur fyrir þjóðarbúið sem þýðir skert lífskjör fyrir okkur sem þetta land enn byggjum. Er það í lagi?

Gerir þú þér ekki grein fyrir afleiðingum þessa háa veiðigjalds eða er þér sama?

Helgi (IP-tala skráð) 6.7.2013 kl. 17:30

6 Smámynd: Jakobína Ingunn Ólafsdóttir

Það hefur enginn flokkur selt útlendingum eins mikið af Íslandi og sjálfstæðisflokkurinn. Hann er búin að færa bankanna og orkuframleiðsluna í fangið á erlendum aðilum. Sjávarútvegurinn er meira og minna veðsettur í fjármálafyrirtækjum í eigu erlendra aðila. Erlendir aðilar eru búnir að kaupa upp gríðalega mikið af jörðum í tíð sjálfstæðisflokksins. Húrra fyrir LANDSSÖLU SJÁLFSTÆÐISFLOKKSINS!

Jakobína Ingunn Ólafsdóttir, 6.7.2013 kl. 17:32

7 Smámynd: Jakobína Ingunn Ólafsdóttir

Helgi ég er allaf dálítið hrifin af svona kommúnistum eins og þér. Svona mönnum sem eru kommúnistar af hagvæmnisástæðum því ef ríkið er ekki að stjórna fiskveiðum þá fera bara allt á hausinn.

Ég er hrifnari af frjálshyggjunni sem boðar að öllum er frjálst að veiða þangað til veitt hefur verið upp í heildarkvóta (verndarsjónarmið)

Hvað segir það um þínan pólitísku hugsýn ef þú trúir ekki að fyrirtæki geti plummað sig nema undir verndarvæng ríkisins.

Þeir sem fara á hausinn kunna ekki að reka fyrirtæki. Ég þekki marga smábátaeigendur sem lifa góðu lífi af veiðum.

Jakobína Ingunn Ólafsdóttir, 6.7.2013 kl. 17:37

8 Smámynd: Jakobína Ingunn Ólafsdóttir

Helgi af hverju á ég að hafa áhyggjur af því hvort að erfitt er að fá fjármagn inn í hina eða þessa greinina.

Þeir sem fara út í atvinnurekstur þurfa að hafa vit og rænu til þess að afla fjárs fyrir stafsemina en þú virðist líta svo á að "hinir" eigi að bera af því fórnarkostnaðinn.

Svona kommúnistar eins og þú eru voðalega skrítnir.

Jakobína Ingunn Ólafsdóttir, 6.7.2013 kl. 17:41

9 identicon

Elle og ófáar stallsystur hennar mættu taka Jakobínu Ingunni til fyrirmyndar.

Hún er greinilega sterk greind kona með góða menntun og hefur réttlætiskenndina að leiðarljósi.

Helmingur kjósenda virðast hinsvegar vera pólitískir analphabetar, aumingjar sem gera kleptókrötum og hagsmunaklíkum kleift að færa fé frá einfeldningum til braskara og þjófa.

 

Haukur Kristinsson (IP-tala skráð) 6.7.2013 kl. 17:56

10 identicon

Sæl.

Þú snýrð hér öllu á hvolf og snýrð út úr því sem þú reynir að svara. Hvernig get ég verið kommúnisti þegar ég er á móti opinberum afskiptum? Það eina sem ég var að reyna að benda þér á er að þetta háa veiðigjald hefur afleiðingar sem of margir skilja ekki. Þú skilur ekki hvað kommúnismi gengur út á. Hver er munurinn á sósíalisma og kommúnisma? Svo svaraðir þú heldur ekki síðustu spurningu minni. Hvers vegna?

Ég segi hvergi að fyrirtæki geti ekki plummað sig nema undir verndarvæng ríksins. Það er auðvelt fyrir þig á koma höggi á fólk með því að leggja því orð í munn en mjög ómálefnalegt - en það einkennir ykkur félagshyggjufólkið - þið reynið alltaf að fá veruleikann til að falla að ykkar hugarheim en ekki öfugt.

Það sem ég er að reyna að fá þig og fleiri til að skilja er að það eru takmörk fyrir því hve mikið hið opinbera getur slitið af heimilum og fyrirtækjum án þess að það hafi áhrif. Þegar slæmar afleiðingar hás veiðgjalds koma fram nokkrum árum eftir að það kemst á kannast þú auðvitað ekkert við orsakatengslin sem þar eru á milli. Hver ætlar þá að viðurkenna sín mistök og biðja fólk sem missti sitt lifibrauð afsökunar.  

Þú segir að þeir sem fara út í atvinnurekstur eigi að hafa á því rænu að afla fjár fyrir starfsemina. Það er eins og þú hafir alla þína ævi verið á ríkisjötunni. Það sem hækkað veiðigjald gerir er að breyta dæminu eftir á, þegar starfsemi er hafin. Hvers vegna skilur þú þetta ekki? Ef þú hefur 200 kall í tekjur og ríkið tekur núna af þér 50 kall hefur þú 150 kall til að spila úr. Ef hið opinbera skiptir svo um skoðun og ákveður seinna að taka nú af þér 80 kall í stað 50 hefur þú úr mun minna að spila en áður var, þú þarft þá að skipuleggja þín útgjöld upp á nýtt. Kannski hefur þetta ekki áhrif á þig en þetta hefur áhrif á venjulegt fólk.

Svo eitt undir lokin: Hvað finnst þér vera eðlilegt skattprósenta á fyrirtæki og einstaklinga? 

Helgi (IP-tala skráð) 6.7.2013 kl. 18:11

11 identicon

@HK: Eru útgerðarmenn s.s. braskarar og þjófar? Finnst þér ekki við hæfi að rökstyðja svona?

Helgi (IP-tala skráð) 6.7.2013 kl. 18:13

12 Smámynd: Elle_

Jakobína, ekki nema þannig að landsöluflokkar Jóhönnu og Steingríms voru við völd sl. 4 ár og ráku hættulegustu og verstu stjórn lýðveldisins og þú, vel skriffær, skrifaðir ekki neitt að ég viti um þann hrylling.  Þessvegna spurði ég, var hissa að sjá að þú kæmir aftur fram loksins þegar við losnuðum við mesta skaðann.

Elle_, 6.7.2013 kl. 18:19

13 Smámynd: Elle_

Minni líka á að Morgunblaðið var eina fréttablaðið, eina í landinu, sem skrifaði af viti gegn kúguninni ICESAVE. 

Elle_, 6.7.2013 kl. 18:27

14 identicon

http://eeelle.blog.is/

Höfundur hefur læst bloggi sínu með lykilorði. 

Einar (IP-tala skráð) 6.7.2013 kl. 18:30

15 Smámynd: Elle_

Lítill hlær að litlu.  Hvar er þitt blogg?

Elle_, 6.7.2013 kl. 18:39

16 identicon

@Helgi. Mörgum leiðist "heimavinna", nenna því ekki, því ignorantar og bulla út og suður. Þú ert einn af þeim, einn af þeim verri.

Hér fyrir neðan er slóð í síðasta pistil Ólafs Örns Jónssonar. Lestu hann og fetaðu þig svo til baka í hans fyrri pistla. Þá ættir þú að ná áttum á því að útgerðarmenn voru upp til hópa braskarar og ílla innrætnir. 

Nú eiga þeir verðugan fulltrúa á þingi, Páll Jóhann Pálsson, heitir sá.

Hann virðist mér vera asni og ekki sá fyrsti úr Suðurlandskjördæminu.

http://olafurjonsson.blog.is/blog/olafurjonsson/entry/1305317/

Haukur Kristinsson (IP-tala skráð) 6.7.2013 kl. 18:52

17 Smámynd: Elle_

Helgi, þú ert fínn og vel skiljanlegur.  Ofanverður Haukur er oftast ekki svaraverður.

Elle_, 6.7.2013 kl. 18:57

18 identicon

@HK:

Þú er jafn málefnalegur og Jakobína. Ég jós þig hvergi skít og ekki er það mitt að vinna heimavinnu fyrir þig, þú kallaðir útgerðarmenn braskara og þjófa - ekki ég. Ég spurði þig bara hvort þér þætti ekki eðlilegt að rökstyðja þá fullyrðingu? Fyrir það er ég ignorant? Svakalega málfefnalegt að vera með skítkast, Jakobína gerir mér upp skoðanir og þú ert með skítkast.

Svo segir þú allt í einu hér fyrir ofan að útgerðarmenn séu braskarar. Eru þeir þá ekki lengur þjófar? Nú eru þeir illa innrættir. Hvernig veistu það?

Ég þekki ekkert til þessa þingmanns en þú hefur þá um leið afar lítið álit á þeim sem hann kusu - fólk sem þú þekkir ekki. Er ekki vafasamt að draga ályktanir um fjölda fólks sem maður ekki þekkir?

Voru Bill Gates, Steve Jobs og fleiri af þeirra sauðahúsi braskarar? Eru þeir illa innrættir?

Hvernig vilt þú annars að sjávarútvegsmálum sé háttað? Eiga skattar að vera háir á útgerðina? Hversu háir? Mega útgerðarmenn græða? Hve hátt vilt þú hafa veiðileyfagjaldið? Skiptir engu máli að sjávarútvegurinn hér er mun betur rekinn en sá á meginlandinu?

Það sem félagshyggjufólk skilur ekki er að hið opinbera framleiðir ekki verðmæti, það tekur þau af einum og lætur annan hafa. Þær sífelldu árásir á þá sem framleiða verðmæti, eins og t.d. sjávarútveginn og stóriðjuna, leiða bara til lífskjararýrnun þjóðarinnar.

Áttar þú þig þá ekki heldur á afleiðingum hækkaðs veiðileyfagjalds? Hvernig eigum við að borga okkar skuldir ef draga á úr verðmætasköpun í sjávarútvegi og erlend fyrirtæki sem vilja koma upp starfsemi hérlendis eru rekin af landi brott?

Helgi (IP-tala skráð) 6.7.2013 kl. 19:08

19 identicon

@Elle:

Þakka þér, mér fundust þínar athugasemdir líka málefnalegar og eðlilegt að láta fólk standa fyrir sínu máli - fullyrðingar út í loftið eru fyrir börn. Haltu áfram að tala málefnalega til félagshyggjufólks og láta rökstyðja sína skoðun.

Mér finnst mjög nauðsynlegt að takast málefnalega á við vinstrisinna enda lítið mál að máta það fólk á þeim vettvangi, ég hef ekki tölu á því hve oft ég hef verið kallar alls kyns ónefnum fyrir það eitt að vera ósammála fólki eins og Hauki og Jakobínu.

Haltu endilega áfram að láta þetta ágæta fólk standa fyrir sínu máli enda aldrei að vita nema einhverjir sem okkar skrif lesa kveiki á perunni.

Ég gef ekki upp vonina varðandi Hauk, aldrei. Ef hann væri með blog myndi ég kíkja oft í heimsókn þangað :-)

Helgi (IP-tala skráð) 6.7.2013 kl. 19:19

20 Smámynd: Elle_

Helgi, þú hefur það fram yfir mig að nenna að lesa bloggið hans ef hann væri með það.  En ég hætti að fara inn í rakalaus blogg nema mér sé nánast ýtt eða þvælist e-n veginn þangað inn.  Já, fullyrðingar út í loftið, ónefni líka, oft lygar og rógur.  Samt er ég hissa á Jakobínu sem barðist gegn ICESAVE eins og við.

Elle_, 6.7.2013 kl. 19:27

21 Smámynd: Jakobína Ingunn Ólafsdóttir

Það er vel þekkt að útgerðarmenn hafa sogið fjármuni út úr útgerðinni.

Það er búið að skuldsetja útgerðina margfalt það sem farið hefur í fjárfestingar.

Útgerðarmenn hafa greitt sér háar fjárhæðir í arð og stundum ólöglega (sbr. Ásbjörn Óttar þingmaður sjálfstæðisflokksins)

Þeir hafa komið miklu fé fyrri erlendis og átt þátt í því að gera þjóðarbúið nánast gjaldþrota.

Sannur frjálshyggjumaður vill gera veiðar frjálsar og hans hugsýn er að þar ríki lögmál samkeppninnar. 

Kommúnistinn vill ríkisafskipti og reglur sem ríkið setur. Þeir sem styðja núverandi fiskveiðikerfi eru því kommúnistar en ekki frálshyggjumenn. 

Að vísu setja þeir nýjan vinkil á kommúnismann þar sem þeir vilja að hópur sem oft er kallaður sægreifar séu framlenging af ríkinu og hafi einkarétt á auðlindinni. Þeir halda því fram að veiðigjöld séu skattur og því hefur þessi framlenging á ríkinu sem kallast sægreifar innheimt skatt af kvótalausum. Sem styrkir náttúrulega þessa skilgreiningu mína á hinum nýja kommúnisma sjálfstæðismanna.

Jakobína Ingunn Ólafsdóttir, 6.7.2013 kl. 19:57

22 Smámynd: Jakobína Ingunn Ólafsdóttir

Elle ég hef oft skrifað um fyrri ríkisstjórn og alls ekki verið sammála henni. Hvað varðar Icesave þá var það Valgerður Sverrisdóttir sem heimilaði Icesave þegar hún var viðskiptaráðherra og það voru Árni Mathiesen og Baldur Guðlaugsson sem voru höfundar af fyrstu drögum Icesavesamningsins sem var langversta útgáfa af þeim samningi.

Ég endurtek ef einhver stjórnmálaflokkur á skilið heitið landsöluflokkur og svikari þá er það sjálfstæðirflokkurinn sem er búin að selja og veðsetja hálf Ísland og þar með talið fiskinn í sjónum.

Jakobína Ingunn Ólafsdóttir, 6.7.2013 kl. 20:00

23 Smámynd: Elle_

ICESAVE kúgunin alfarið Samfylkingarinnar og VG.  Og þú hlýtur að vita að ég er að meina ríkisábyrgð á ICESAVE, Jakobína.  LANDSÖLUFLOKKARNIR, Samfylkingin og VG voru flokkarnir sem ætluðu að pína ICESAVE ríkisábyrgð yfir þjóðina. 

Nú skil ég hvað líkl. olli að þú barðist gegn ICESAVE.  Nú skil ég hvað Helgi var að meina í sambandi við þinn málflutning.  Hatur þitt á Framsókn og Sjálfstæðisflokknum líkist heilkenni Steingríms.  Og það er það sem er aumt við pistilinn þinn.  Fyrir það hatur skal brengla söguna, en Árni Matt og Valgerður komu ekki nærri neinni ríkisábyrgð á ICESAVE.

Elle_, 6.7.2013 kl. 20:19

24 Smámynd: Jakobína Ingunn Ólafsdóttir

Elle

Það voru Árni Mathiesen og Baldur Guðlaugsson sem áttu fundi með Hollendingum og Bretum og samþykktu fyrstu drögin af Icesave. Þetta var haustið 2008 og Árni var fjármálaráðherra og Baldur ráðuneytisstjóri. Frumvarp var svo samþykkt á Alþingi sem heimilaði Árna og Baldri að skuldbinda ríkissjóð í desember 2008. Þannig varð ríkisábyrgðarkrafan til. Sjálfstæðisflokkurinn átti frumkvæðið að þessu dæmi en Samfylkingin og VG tóku svo við þessum ófögnuði og keyrðu hann áfram.

Jakobína Ingunn Ólafsdóttir, 6.7.2013 kl. 20:27

25 Smámynd: Jakobína Ingunn Ólafsdóttir

Hvað varðar athugasemdir um hatur þá gerir þú þig ómerka með svona skrifum. Þú ert væntanlega ekki sálfræðingur en jafnvel góður sálfræðingur getur ekki metið sálarástand einhvers sem hann þekkir ekki.

Notkun á svona orðskrípum er algeng meðal þeirra sem skortir vit til þess að bera fram góð rök, sannreyna staðreyndir eða hafa einfaldlega vondan málstað. 

Orð eins og hatur, öfundsýki eða biturð eru algeng og gjaldfella ummæli. 

Jakobína Ingunn Ólafsdóttir, 6.7.2013 kl. 20:31

26 Smámynd: Elle_

Jakobína, ég veit vel að Árni Matt ræddi samkomulag við Breta og Hollendinga.  En það er gríðarlegur munur á að ræða samkomulag og þeirri viðbjóðslegu kúgun sem Jóhanna og Steingrímur og þeirra ómanneskjulegu flokkar ætluðu þjóðinni.  Steingrímur og Össur ættu ekki, alls ekki, að vera enn í stjórnmálum.  Það er fáránlegt og þeir ættu að vera fyrir dómstólum.

Elle_, 6.7.2013 kl. 20:33

27 Smámynd: Elle_

Hvaða orðskrípi?  Meinarðu orðin 'líkist heilkenni'?  En ég sagði líkist og það var engin fullyrðing um eitt eða neitt nema að mínum dómi líkist.  En hvað ætti maður að segja þegar fólk gengur eins og langt og þú í að brengla söguna?

Elle_, 6.7.2013 kl. 20:38

28 Smámynd: Elle_

Minn málstaður er ekki vondur.  Hatur er ekki vont orð og vit mitt er ekki minna en þitt.

Elle_, 6.7.2013 kl. 20:43

29 Smámynd: Jakobína Ingunn Ólafsdóttir

Elle

Nei fyrsti samningurinn varð til í samningum á milli Breta og Hollendinga og Árna og Baldurs. Ég hef fengið þetta staðfest bæði af þingmanni sjálfstæðisflokks og vinstriflokks. Sá samningur lá fyrir þegar vinstrstjórnin tók við. Satt skal vera satt.

Forsendur þessarar viðbjóðslegu kúgunnar varð til í stjórnartíð sjálfstæðisflokks. Það var sjálfstæðisflokkur sem föttuðu upp á orðinu kjölfestufjárfestir og gerðu Björgólfanna að kjölfestufjárfestum sem létu annan ríkisbanka fjármagna kaupin á Landsbankanum.

Stjórnendur Landsbankans komu úr forystu sjálfstæðisflokksins og það voru þeir sem stofnuðu Icesave og það voru síðan Árni og Baldur sem komu Icesave í þennan samningafarveg (kúgunin) og það var ríkisstjórn Geirs Haarde sem af hugleysi ákvað að kæra ekki Breta fyrir hryðjuverkalögin sem settu íslensk fyrirtæki á hausinn. 

Allt var þetta búið og gert þegar að vinstri stjórnin tók við en hún tók við keflinu af sjálfstæðisflokknum og hélt sömu stefnu. 

Jakobína Ingunn Ólafsdóttir, 6.7.2013 kl. 20:48

30 Smámynd: Jakobína Ingunn Ólafsdóttir

Stærstu mistök vinstri stjórnarinnar var að detta ofan í ormagryfju sjálfstæðisflokksins

Jakobína Ingunn Ólafsdóttir, 6.7.2013 kl. 20:50

31 Smámynd: Elle_

Kúgunin varð ekki fyrr en Jóhanna og Steingrímur og þeirra flokkar komust til valda.  Mikill stigsmunur var á milli.  Hinsvegar ver ég ekki Framsóknarflokkinn og Sjálfstæðisflokkinn en hef ímugust á sögubrenglun ýmissa svonefndra vinstrimanna.  Jóhanna og Steingrímur og þeirra flokkar voru engan veginn skyldug að kúga þjóðina.  En kusu það og vildu það. 

En þú svaraðir ekki spurningunni um hvaða orð voru svo slæm að þú kallaðir það skort á viti.  Nota ég verri orð en þú?

Elle_, 6.7.2013 kl. 21:03

32 identicon

Icesave skömmin var og er skilgetið afkvæmi Sjallabankans, gamla Landsbankans.

Davíð Oddsson afhenti Rússíá-Mafíunni bankann og fékk ekki einu greitt fyrir. Það gleymdist.

Síðan fór Landsbankinn í víking til útlanda með forseta ræfillinn í broddi fylkingar og stal þar sparifé, m.a. barna, unglinga og gamalmenna. „Tær snilld“ sagði bankastjórinn, „great“ sagði forsetinn, „sjáið ekki veisluna“ sagði fjármálaráðherrann.

Þegar sparifjáreigendur vildu svo taka út fé sitt fannst það ekki, hafði „gufað upp“, eins og það var orðað. Leitað var til Geirs Haarde og Dabba um bætur, en þeir rifu bara kjaft, sögðust ekki borga skuldir óreiðumanna með tilvitnanir í ömmur sínar lengst aftur í ættir. Þeir báðu samt Guð að blessa alla vitleysuna. Auðvitað hlustaði hann ekki á þá, mátti ekki vera að því. "Busy".

 

Landsbankinn var vígi FLokksins, þar gengu flokksdindlar út og inn, heimtuðu fé í kosningasjóði sem og í rekstur Valhallar, veðsettu óveiddan fisk úr auðlind þjóðarinnar til að braska með. Það fé glataðist nær allt. Einnig var boðið upp á svokölluð „kúlulán“ í bankanum fyrir innmúraða og innvígða. Það þótti flott.

Kommissarinn, Kjartan Gunnarsson, sat í stjórn bankans sem varðhundur Íhaldsins, en sá maður hefur það einkum sér til frægðar að hafa eitt öllum sínum veiku starfskröftum í þágu FLokksins.

Og nú skal fella niður veiðgjöld, svo kvóta-kóngar geti borgað tannlækningar kvóta-króa.

Stórasta land í heimi? Oh, nei. Bananlýðveldi eða eigum við að kalla það Framsjallalýðveldi?

Incompetence, incompetence, incompetence.....................

 

Haukur Kristinsson (IP-tala skráð) 6.7.2013 kl. 21:04

33 Smámynd: Jakobína Ingunn Ólafsdóttir

Elle til þess að svara spurningu þinni:

þú segir "Hatur þitt á Framsókn og Sjálfstæðisflokknum líkist heilkenni Steingríms."

Ég svara því "Notkun á svona orðskrípum er algeng meðal þeirra sem skortir vit til þess að bera fram góð rök, sannreyna staðreyndir eða hafa einfaldlega vondan málstað."

Með orskrípi er átt við óviðeigandi notkun á hugtökum eins og "hatri" þar sem sá sem notar orðið hefur engar forsendur til þess að meta hvort að það sé viðeigandi.

Jakobína Ingunn Ólafsdóttir, 6.7.2013 kl. 21:18

34 Smámynd: Elle_

Jakobína-  Í heildina lýsa pistlarnir sem þú skrifar núna og skrifaðir allavega síðan um 2009 hatri á flokknum.  Get ekki notað neitt annað orð yfir það.  Svipað og það sama kemur fram víða í skrifum fólks sem ótrúlega styður landsöluflokka síðustu stjórnar.

Elle_, 6.7.2013 kl. 21:28

35 Smámynd: Jakobína Ingunn Ólafsdóttir

Elle

Tveir stjórnmálaflokkar, framsókn og sjálfstæðisflokkur, hafa bakað þjóðinni skapa upp á þúsundir milljarða með spillingu og græðgi. Það er staðreynd og marg búið að sýna fram á það. Það að fjalla um þann spillingapitt sem býr að baki kallast ekki hatur.

Ég skal telja upp nokkrar óvéfengjanlegar staðreyndir:

Davíð Oddsson tapaði um 270 milljörðum dagana fyrir hrun

Íbúðarlánasjóður hefur tapað um 270 milljörðum á síðasta áratug undir stjórn framsókn. 

Lífeyrissjóðirnir hafa tapað hundruðum milljarða og tengist það með beinum hætti stjórnmálamönnum úr röðu sjálfstæðismanna, framsóknarmanna og sjálfstæðisbælum eins og SA.

Illugi Gunnarsson veitti ólögleg lán til áhættu fjárfestinga og þ.á.m. lán til vinar sín N1 (Bjarni Benediktsson) um 1,8 milljarðar.

Einstaklingar í landinu töpuðu gríðarlegum fjárhæðum við fall bankanna.

Hundruð milljarða töpuðust vegna þess að setja þurfti fé til að tryggja innlán auðmanna (þetta var ríkisábyrgð í boði sjálfstæðisflokksins, þ.e kúgun skv. þinni skilgreiningu)

Það að ræða eða skrifa um þessar staðreyndir jafngildir ekki hatri en ég játa að ég fyrirlít þessa hegðun sem einkennist af græðgi og stjórnleysi.

Jakobína Ingunn Ólafsdóttir, 6.7.2013 kl. 21:42

36 Smámynd: Elle_

Vil bæta við að ég var algerlega ósammála þeim 9 sjálfstæðismönnum sem voru með í auma og ískalda mati Bjarna Ben.  Það var óásættanlegt að ætla viljandi að semja um þennan yfirgang Breta og Hollendinga og seinna Evrópusambandsins.  Það var kannski skiljanlegt fyrst, eftir að bankarnir féllu og allir voru í sjokki, að ræða það, þó ekki væri samið um neina ríkisábyrgð.  En valdníðslan sem Jóhanna og Steingrímur og co. beittu var ólíðandi.

Elle_, 7.7.2013 kl. 11:52

37 Smámynd: Árni Gunnarsson

Til hamingju með sigurinn í þessu Jakobína Ingunn!

Reyndar sýndist mér nú ekki erfitt að standa af sér olnbogaskot þessarra bullustampa sem réðust á þig.

Þvílíkur málflutningur!

Út yfir tók þegar hún Elle, sem fann upp útgerð og auðlindanýtingu á Íslandi eins og allir vita, setti sig í gáfumannastellingu og tók þig í námskeið í útvegsfræðum!

Ætli hún hafi lesið eitthvað af því sem málgagn hennar Guðbjargar M. boðar lesendum um málefni og rekstur útgerða?

Ekki taldi ég loturnar en þú vannst þær allar með miklum sóma.

Og m.a.o. Er það einhver goðgá að leggja hatur á forystu Sjálfstæðisflokks og forystu Framsóknarflokks? Hafa einhver pólitísk öfl á Íslandi leitt aðrar eins skelfingar yfir þessa þjóð á lýðveldistímanum með yfirveguðum aðgerðum til ábata fyrir einkavini, eða af heimsku og vangá- jöfnu báðu?

Árni Gunnarsson, 7.7.2013 kl. 17:46

38 Smámynd: Árni Gunnarsson

P.s. Hversu stór hluti íslensku þjóðarinnar skyldi nú leggja hatur á íhald og framsókn og að fullum verðleikum?

Árni Gunnarsson, 7.7.2013 kl. 17:49

39 Smámynd: Jakobína Ingunn Ólafsdóttir

Takk fyri Árni.

Jakobína Ingunn Ólafsdóttir, 7.7.2013 kl. 18:02

40 Smámynd: Elle_

Hvað ertu að tala um, Árni?  Hvar minnstist ég á sjávarútvegsfræði?  Hvar setti ég mig á gáfulegar stellingar í sjávarútvegsfræðum?  Hvar rökræddi ég sjávarútveg yfirleitt?  En ég var að tala um ICESAVE.  Hvílíkt endemis kjaftæði. 

Og Jakobína þakkaði honum ruglið.  Hvar ræddi ég sjávarútveg við þig eða nokkurn annan mann, Jakobína?  Nei, andstyggilegt hæðni Árna fór beint í vaskinn.

Elle_, 7.7.2013 kl. 19:27

41 Smámynd: Elle_

- - í gáfulegar stellingar - - -

Elle_, 7.7.2013 kl. 19:28

42 Smámynd: Elle_

En ég styð Helga enn í öllu að ofan.  Og Árni er einn af þeim sem aldrei þorði að andmæla ógeði Samfylkingar, skæðasta stjórnmálaflokks lýðveldisins, vegna þess að Árni náfrændi hans er í flokknum, samkvæmt Árna sjálfum.  Hann, bullukollurinn Árni, svo ég noti nú hans lýsingar, er líka einn af þeim sem kennir helvítis Sjálfstæðisflokknum um allt á milli himins og jarðar.

Elle_, 7.7.2013 kl. 19:37

43 Smámynd: Árni Gunnarsson

Mér er skylt að biðja þig afsökunar á því Elle að hafa í ógáti gefið þér einkunnir fyrir ályktanir um sjávarútveginn; ályktanir sem einhver Helgi undirritar.

Þú segir reyndar að umræddur Helgi sé bæði fínn og skiljanlegur sem fær mig til að trúa því að þið séuð sammála. 

 En ekki læturðu þig nú muna um að skrökvað því Elle að ég hafi ekki þorað að styggja Samfylkinguna vegna frændsemi við formanninn!

Ég sé enga ástæðu til að álasa þér fyrir það, enda liggur mér í léttu rúmi. Það vill nefnilega svo til að það lesa nægilega margir blogg mitt og fésbókarskrif. Og ég skil vel að þú sért komin á dálítil vandræði og farið að slakna á nákvæmninni. 

Samfylkingunni hef ég úthúðað ótæpilega allt síðasta kjörtímabil, sem og vinstri grænum- og að fullum verðleikum. Og ekki hvað síst fyrir undirlægjuháttinn gagnvart LÍÚ klaninu.

Og hverjir hafa notað; "Vottar ESB" um samfylkingabjálfann aðrir en ég?

Hertu upp hugann Elle og skoðaðu af hverju svo margir hata íhald og framsókn og af hverju það er bara einangraður klúbbur sem les leiðara Moggans með helgisvip.

Árni Gunnarsson, 7.7.2013 kl. 22:05

44 Smámynd: Elle_

Man þú sagði það sjálfur að þú gætir ekki eða ættir erfitt með að gagnrýna flokksfjandann (mitt orð) vegna frændans en veit ekkert hvað þú gerðir eftir það.  Já, ég er yfir höfuð samstíga bæði Helga og Karli að ofan þó ég hafi aldrei rökrætt sjávarútveg.  Og veiðigjöldin veit ég ekki nóg um. 

Enginn réðst á Jakobínu að ofanverðu.  Ekki nokkur maður.  Nú hef ég oft lesið comment frá bæði Helga og Karli að ofan og hvorugur er ofstækisfullur.  Einu manneskjurnar sem réðust á fólk að ofan voru Haukur og þú.  Haukur sem getur varla sagt satt orð.  Og steinþagnaði í hólinu á Jakobínu þegar hann komst að því að Jakobína var á móti ICESAVE. 

En ég bendi á að Jakobína neitaði að hata Sjálfstæðisflokkinn og sagði orðið hatur lýsa skorti á viti.  En notkun Árna á orðinu hatur var ekki það sama.  Honum var þakkað.  Helgi hitti nefnilega naglann á höfuðið um að fólk kalli mann oft ónefnum fyrir að vera á öndverðum meiði.

Elle_, 7.7.2013 kl. 22:37

45 Smámynd: Elle_

Og ég laug engu, þú hinsvegar laugst að ofan.  Kannski óviljandi.

Elle_, 7.7.2013 kl. 23:00

46 identicon

Ég vona af heilum hug að forseti Íslands skilji að hann hefur sögulegt tækifæri til að kveða alla óvildarmenn sína í kútinn í eitt skipti fyrir öll ef hann samþykkir að láta þetta í þjóðaratkvæðagreiðslu, eða, það sem væri enn betra, enn umfangsmeiri atkvæðagreiðslu um ráðstöfun kvótans. Hann hefur þar með líka tækifæri til að glæða trú manna um allan heim á betri heim og réttlátari stjórnmál og að verða drifkraftur raunverulegra breytinga. Ólafur hefur sterkt bakland og á volduga vini. Hann þarfnast ekki velvildar litlu fiskikallamafíunnar á Íslandi, og ætti ekki að láta hana hræða sig. Það er hann sem er í stöðu til að hræða þá núna, ef hann vill. Elsku Ólafur, gerðu það sem rétt er. Gerðu það! Megi Guð vera með þér.

Íslendingur (IP-tala skráð) 8.7.2013 kl. 01:02

47 identicon

Veldu vel Ólafur. Velvild ríkra smákalla á Íslandi, peða á taflborði sögunnar, og stundarfriður frá hótunum þeirra, eða velvild allra góðra manna um allan heim, sem hafa glóru til að sjá hlutina í hlutlausu, skíru ljósi, og orðstír sem deyr aldregi. Þú ert kominn í hóp með dáðustu stjórnmálamönnum sögunnar ef þú sérð til þjóðin geti ráðstafað eigin auðlindum svo að uppskeran sé mannleg reisn og mannsæmandi líf.

Jón (IP-tala skráð) 8.7.2013 kl. 01:08

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband