Bíddu við Davíð, ert þú ekki í sjálfstæðisflokknum?

Flestir sjálfstæðismenn eru heilaþvegnir af tryggð við flokkinn. En ó nei ekki Davíð. Í viðleitni sinni við að hvítþvo sjálfan sig hendir hann öllum flokksbræðrum sínum á bálið. Eins gott að hann er vel varinn í svörtuloftum. Kannski ekki skrýtið að hann þori ekki að yfirgefa þau.

Fjandi gott hjá honum að benda á öll spillingartengslin. Björn Bjarnason tortryggilegur. Yfirhylmingar. Skilanefndir flæktar í málin. Ýmislegt var gefið í skyn að hætti Davíðs.


mbl.is Davíð í Kastljósviðtali
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 identicon

Bíddu er kand.mag. gráðan þín ekki næg til að þú skiljir að maðurinn vill þjóðinni allt gott... hann hefur ekki hingað til þurft flokkinn sinn til að tjá sig.  Manninum er frjálst að hafa sínar skoðanir. 

Gotti (IP-tala skráð) 24.2.2009 kl. 20:40

2 Smámynd: Jakobína Ingunn Ólafsdóttir

Það má spyrja hvað hann telji vera gott fyrir þjóðina

Jakobína Ingunn Ólafsdóttir, 24.2.2009 kl. 20:42

3 Smámynd: Hjörtur J. Guðmundsson

"Flestir sjálfstæðismenn eru heilaþvegnir af tryggð við flokkinn."

Jakobína, ég býst við að þú fræðimaðurinn hafir framkvæmt fræðilega rannsókn sem geri þér kleift að fullyrða með þessum hætti um stóran hóp fólks? Endilega deildu þessari rannsókn með okkur. Þess má geta að það eru um 45 þúsund manns í Sjálfstæðisflokknum.

Hjörtur J. Guðmundsson, 24.2.2009 kl. 20:49

4 Smámynd: Jakobína Ingunn Ólafsdóttir

Hjörtur þetta er mín skoðun og frekar klént hjá þér að vísa til mín sem fræðimanns þegar ég viðra mínar skoðanir. Ég held að fjöldi sjálfstæðismanna sé að breytast og eftir sitji þeir sem þessi skoðun mín við um, þ.e.a.s. þeir ríghalda sér í ný-frjálshyggjuna þrátt fyrir að hún sé búin að keyra þjóðina í skítinn.

Það þarf ekki mikla þekkingu til þess að draga þessa ályktun.

Jakobína Ingunn Ólafsdóttir, 24.2.2009 kl. 20:53

5 Smámynd: Arinbjörn Kúld

Voðalegt bull er þetta allt saman orðið. Hann sagði þó eitt sem er rétt: það er engin að tala við þjóðina eða gera neitt fyrir hana. HFF. Annars á ég eftir að hlusta betur á þetta, náði bara sumu enda að vinna.

Arinbjörn Kúld, 24.2.2009 kl. 21:05

6 Smámynd: Þór Jóhannesson

Hvaða vitleysa Arinbjörn ríkisstjórn Jóhönnu og Steingríms er að gera allt sem þau geta - en Sjálfstæðisflokkur, Höskuldur sjálfstæðismaður í framsóknargæru og Davíð Oddsson gera allt sem í þeirra valdi stendur til að standa í vegi fyrir þeim gjörðum.

Sér í lagi gaman að lesa athugasemdina frá þessum flokksdindli Hirti J. sem fer Davíðs leiðina í rökræðum og reynir að gera Jakobínu tortryggilega sem fræðimann þegar það kemur málinu ekki nokkuð við - líkt og Davíð eyddi ógurlegum tíma í að reyna að gera Sigmar tortryggilegan sem fréttamann, en í raun gera þeir sig báðir sekir um dæmigert rökþrot með slíkum skítabombum - en svo kallast aðferðir rökþrota manna þegar þeir afvegaleiða umræðuna með einhverju sem bæði særir persónulega og hefur ekkert með málið að gera.

Þór Jóhannesson, 24.2.2009 kl. 22:20

7 Smámynd: Rakel Sigurgeirsdóttir

Þór: Góð skilgreining á „rökræðulist“ Sjálfstæðismanna og reyndar fleiri en þessi aðferð virðist upprunnin í Sjálfstæðisflokknum. Drepa öllum málum á dreif með að stunda yfirgengilegt skítkast ef þeir standa frammi fyrir málum sem þarfnast skýringa og/eða svara.

Rakel Sigurgeirsdóttir, 24.2.2009 kl. 23:08

8 Smámynd: Ómar Geirsson

Blessuð Jakobína.

Ég held að þetta sé eina grundvallarmálið sem okkur greinir á um.  Ég hef aldrei getað skilið þetta tal um Seðlabankann og vald hans.  Ég vil gera upp við arfleið Davíðs en það er arfleið Davíðs sem stjórnmálamanns.  Þar finnst mér hann skorta trúverðugleika og þar skuldar hann þjóð sinni afsökunarbeiðni.  Og vonandi fær flokkur hans langt frí.

En Davíð í Seðlabankanum hefur aldrei ráðið neinu.  Það er bara þannig.  Nýja framboðið bendir réttilega á að hér á landi hefur ríkt ráðherraræði um langt árabil.  Hámark þess og hámark niðurlægingu þjóðarinnar var þegar einn maður tilkynnti öðrum manni að þjóðin væri komin í stríð.  Og svo jörmuðu flokkarnir og stuðningsmennirnir með.

En Seðlabankinn hefur aldrei ráðið neinu.  Þegar hann framfylgdi hávaxtastefnu sinni þá var það í boði ríkisstjórnarinnar.  Geir Harde var endurkjörinn 2007 í boði þeirrar þenslu sem var afleiðing hávaxtanna.  Hins vegar var þetta gerfifrumvarp  um sjálfstæði Seðlabankans bara skálkskjól þess að forsætisráðherra gæti yppt öxlum og sagt "ég gerði þetta ekki" þegar hann væri spurður um síðustu vaxtahækkun.  En þegar vextir voru lækkaðir þá var það alltaf góðri efnahagsstjórn ríkisstjórnarinnar að þakka.  

Og það var ríkisstjórnin sem átti að stöðva útþenslu bankanna.  Það er hún sem ræður lagsetningu og það er hún sem fer með framkvæmdarvaldið.  Það er absúrd að hún skuli hafa komist upp með það að varpa ábyrgðinni á einhvern embættismann útí bæ.  Enda hvarflaði ekki að nokkrum manni að reka Davíð, því þá var svo stutt í að fólk legði saman 2+2 og fengi út ríkisstjórn Sjálfstæðisflokks og Samfylkingar.  En á meðan blóraböggullin sat í Seðlabankanum, þá var alltaf stundarfriður fyrir trommunum á meðan þær voru barðar fyrir utan bankann.

Og það er rétt hjá Davíð.  Líknardeildin er ekki að standa sig.  Hennar stærstu mistök voru að láta umræðuna snúast um mann fortíðarinnar á bak við glerglugga í forljótri byggingu.

Kveðja að austan. 

Ómar Geirsson, 24.2.2009 kl. 23:10

9 Smámynd: Jakobína Ingunn Ólafsdóttir

Ómar ég segi ekkert í færsunni um völd Davíðs í Seðlabankanum. Ég veit heldur ekki hvort hann hlýði ráðherrum. Hitt tel ég nokkuð víst og það er að hann hefur þó nokkur ítök í Flokknum.

Jakobína Ingunn Ólafsdóttir, 24.2.2009 kl. 23:24

10 Smámynd: Ómar Geirsson

Nei, ég veit það Jakobína.  Ég kom inní þennan þráð því hann var sá nýjasti.  Fólk má skamma Davíð mín vegna, en ég blandaði mér í umræðuna á sínum tíma vegna þess að ég tók eftir því að hinir raunverulegu sökudólgar notuðu hann sem skálkaskjól og reyndu þannig að sleppa undan dóm kjósenda.  Mér hefur alltaf verið slétt sama hver stjórnar í Sjálfstæðisflokknum en mér hefur lengið verið mjög illa við að flokkurinn stjórnaði landinu og ekki þá vegna þess að mér er illa við íhaldið heldur vegna þess að mér er ákaflega illa við Frjálshyggjuna og þann skaða sem hún veldur á þjóðum og samfélögum.  Ekki síðri helstefna en Nasisminn eða Kommúnisminn þ.e. að segja eins og þessar stefnur birtust á 20. öldinni.  Og á meðan menn fela sig á bak við Davíð, þá komast þeir hjá ábyrgð. 

En Davíð?.  Ég hafði bara eitt atkvæði á sínum tíma og það dugði ekki til að fella kallinn.  

En Líknardeildin er ekki að stjórna á meðan allt snýst um persónu Davíðs Oddsonar.  

Kveðja að austan.

Ómar Geirsson, 25.2.2009 kl. 00:05

11 Smámynd: Jakobína Ingunn Ólafsdóttir

Ég hef ekkert á móti frjálshyggju Ómar en ég hef sérlega mikið á móti þeim ný-fasisma sem engeyjarliðið hefur komið á hér á landi. Viðskipti eru bara viðskipti og sjálfsagt nauðsynleg í samfélagi nútímans. Sú stórhættulega þróun hefur hins vegar átt sér stað á Íslandi og víðar að viðskipti og stjórnmál hafa gengið í eina sæng. Stjórnmálin þjóna viðskiptum (auðmanna ekki einyrkja) en ekki fókinu í landinu. Þessi samsuða hefur síðan lagt undir sig dómskerfið og fjölmiðlanna. Þetta bíður upp á helsjúkt samfélag.

Jakobína Ingunn Ólafsdóttir, 25.2.2009 kl. 00:36

12 Smámynd: Hjörtur J. Guðmundsson

Jakobína, nei þetta er fullyrðing. Og fullyrðing kallar á haldbær rök. En þau eru greinilega ekki til staðar sem aftur kemur ekki beinlínis á óvart.

Og hvað er nýfrjálshyggja?

Hjörtur J. Guðmundsson, 25.2.2009 kl. 07:05

13 Smámynd: Ómar Geirsson

Blessuð Jakobína.

Hættulegasta blekking Frjálshyggjunnar er að telja fólki í trú um að  hún og viðskipti á frjálsum markaði sé einn og sami hluturinn.  Frjáls viðskipti hafa verið til í árþúsundir en rætur frjálshyggjunnar liggur aftur á átjándu öld.  Frjáls viðskipti einstaklinga eru nauðsynleg forsenda þjóðfélaga en sú hugsun að þau eigi að vera óheft og án stjórnunar er seinna tíma fyrirbrigði.  

Hjörtur.  Þú ert að spá hvað átt er við með Ný-frjálshyggju.  Við því er ekkert einhlítt svar frekar en þegar fólk er að andskotast út í djöfulinn án þess að spá hver þessi djöfull er.  En kom ekki Ný-frjálshyggjan inní umræðuna frá Bandaríkjunum þegar Newt Gingrich (vona að þetta sé rétt stafað) skóp hugtakið New-Conservative.  Mér finnst ágæt skilgreining og þá miða ég bandarísku frjálshyggjuna að hún sé stjórnmálstefna siðblindingja eða siðleysingja.  Lýsir því ágætlega þeim skaða sem þeir hafa valdið heimsbyggðinni. En góðir og gegnir íhaldsmenn eins og Björn Bjarnason og Davíð Oddson fá oft þennan stimpil á sig og það má lengi ræða af hverju.  Eina sem er öruggt, að menn verða ekki sammála, sem og hitt að margur heiðarlegur íhaldsdrengurinn heldur að hann sé frjálshyggjumaður vegna þess að hann aðhyllist markaðsviðskipti. 

Kveðja að austan.

Ómar Geirsson, 25.2.2009 kl. 11:12

14 Smámynd: Jakobína Ingunn Ólafsdóttir

Það skiptir í sjálfu sér ekki hvað hlutirnir eru kallaðir. Ég tengi orðið ný-frjálshyggju við auðvaldshyggju, heimsvaldastefnu og lögleysu. Valdið kemur frá auðmagninu og varnir einstaklinga og mannréttindi þurrkast út.

Þetta hefur verið að þróast á Íslandi. Nú er svo komið að stofnanir landsins hafa verið gerðar að varðhundum auðvaldsins. Fjölmiðlar eru orðnir nánast ómarktækir þegar pólitík er annars vegar. Leynimakk stjórnvalda og auðvalds þykir sjálfsagt. Viðskiptaglæpir vaða uppi í skjóli valdhafanna. Einokun og samráð ráðandi í viðskiptalífinu. Þöggun og einstaklingum hótað af valdakerfinu ef þeir eru ekki þægir. Dómsvaldið þjónar valdhöfunum með því að dæma kerfisbundið gegn mannréttindum. Svona mál lengi telja og ég kalla þetta nýfasisma.

Jakobína Ingunn Ólafsdóttir, 25.2.2009 kl. 12:21

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband