Bless Davíð

Vona að atvinnuleysisbæturnar nýtist þér vel en dragi ekki úr vilja þínum til þess að vinn önnur störf.

Seðlabankafrumvarpið samþykkt

Athugasemdir

[Flosi Kristjánsson, 26.2.2009 kl. 23:05]

Trúlega er óhætt að líta svo á að Davíð sé alveg horfinn úr Seðlabankanum eftir þennan dag, að minnsta kosti sem seðlabankastjóri. Hann verður 61 árs á þessu ári og á því skeiði er freistandi fyrir suma að rifa seglin og hægja á sér.

Í margra augum hefur táknmynd verið felld, með samstilltu átaki tveggja stjórnmálaflokka og þegjandi samþykki hins þriðja. Þrátt fyrir forsætisráðherradóm Halldórs Ásgrímssonar og Geirs H. Haarde, var návist Davíðs Oddssonar fleinn í holdi margra núverandi þingmanna, einkanlega þeirra sem áttu langan feril á þingi, jafnaldra hans sem höfðu marga fjöruna sopið í rimmum liðinna ára.

Hefði hann farið úr landi og gerzt sendiherra í Þýzkalandi eða Bandaríkjunum hefði mönnum trúlega liðið mun betur. Það var hans ógæfa að láta sig ekki hverfa fyrst hann ætlaði sér ekki að taka fullan þátt í stjórnmálum, með því að sitja á Alþingi og gegna ráðherraembætti. Þegar honum fannst landsfeður og -mæður vera að klúðra málunum, blóðlangaði hann til að grípa inni í en mátti ekki, ... en kannski þó smá! Við vitum þetta núna.

Brottför Davíðs Oddssonar úr Seðlabanka Íslands mætti túlka sem tákn þess að vinstri menn hafi borið ofurliði þann stjórnmálamann sem bar höfuð og herðar yfir aðra á síðasta fjórðungi tuttugustu aldarinnar.  Fráfall Bjarna Benediktssonar á sínum tíma var Sjálfstæðisflokknum gríðarlegt áfall og vart verður sagt að boðlegur leiðtogi hafi fundizt í flokknum fyrr en  Davíð Oddsson kom til skjalanna.

Ég vil meina að svipuð staða sé uppi í flokknum núna og leitun sé á þeim manni sem kemst með tærnar þar sem hann hafði hælana, eldklár, frekur og fylginn sér. Því miður!

[Jakobína Ingunn Ólafsdóttir, 26.2.2009 kl. 23:10]

Ég ætti kannski að taka að mér að stýra sjálfstæðisflokknum. Get fengið ágætis meðmæli (frá útlöndum).

[Arinbjörn Kúld, 26.2.2009 kl. 23:52]

Hvernig væri það Jakobína? Yrði eflaust gæfuspor fyrir flokkinn, þjóðina og þig

[Jakobína Ingunn Ólafsdóttir, 26.2.2009 kl. 23:59]

Jú alveg örugglega. Ég gæti komið einhverju viti í þessa stráka.