Alvarlegur doði í Ríkisstjórn

Atburðarrásin frá kosningum vekur upp spurningar hvort ekki sé brýn þörf fyrir neyðarstjórn. Gamlir jálkar í stjórnmálum hafa tekið völdin og hafa engan skilning á mikilvægi þess að takast á við þær hörmungar sem blasa nú við fjölskyldum í landinu.

Forseti Íslands, forsætisráðherra, fjármálaráðherra og utanríkisráðherra eru allir gamlir atvinnupólitíkusar. Enginn þessara aðila er þess megnugur að horfa út fyrir þröngt sjónarsvið klíkustjórmála og hagsmunapots.

Atvinnupólitíkusar eru samdauna þeirri venju að segja eitt og gera annað. Orð og gjörðir fara ekki saman. Ráðaleysið birtist í orðræðu þeirra sem felur í sér að almenningur sé ekki að skilja ástandið en í raun skilja þeir það ekki sjálfir og eru ekki innréttaðir til þess að koma auga á raunveruleg úrræði.

Framsóknarmenn í afneitun

Athugasemdir

[Jón Snæbjörnsson, 22.5.2009 kl. 14:08]

það er "doði" í þeim öllum, hvenær skildu þeir afnema þetta bull að fara í sumarfrí í 3 - 4 mánuði - þetta var sett á fyrir langa löngu til að hleypa þessu liði í sauðburð - það er ekki nokkur maður í því lengur nema þá kanski einn af þeim yngri í framsókn en hann fer sennilega hvergi úr græna herberginu

[Guðni Karl Harðarson, 22.5.2009 kl. 14:27]

Jakobína. Það verður mjög mikilvægt að fylgjast með hvað kemur út á næstu dögum. Kannski fram undir miðjan Júní. Síðan verður að skoða framhaldið eftir því!

[Offari, 22.5.2009 kl. 14:36]

Ég er ekki bjartsýnn á framhaldið.

[Jón Ólafur Vilhjálmsson, 22.5.2009 kl. 14:38]

Sammála þetta er gamalt fólk með gamlar hugsanir og haldi áhættu fælni og þar af leiðandi taka þau ekki ákvörðun fyrir en of seint og of lítið, það leiðir til þess að þau ná aldrei tökum á málunum.

[Ellert Júlíusson, 22.5.2009 kl. 14:56]

Austurvöllur klukkan 15.00 á morgun. Það þarf að hefja mótmælin á ný og á mun kröftugri hátt.

Það er kannski von til þess að fólk fari að  hreyfa á sér bossann, nú þegar er ekki svona obbosslega kalt (ég meðtalinn) !

[GH, 22.5.2009 kl. 15:17]

Gaman væri að vita hvaða lausnir fólk hefur. Helst að það hafi heyrst að stinga eigi óreiðumönnum í steininn -- sem vonandi verður fyrir rest, en það grynnkar ekki á skuldum -- skera niður í utanríkisþjónustunni -- sem sparaði nú heldur lítið -- skila AGS láni -- sem setti okkur snarlega á hausinn. Ég hef nefnilega ekki orðið var við annað en að ríkisstjórnin hafi gert heilmikið, en fólk vill að ástandið hverfi og allt verði gott. Það er bara hægt -- og SJS var að vísa til þess þegar hann sagði að framsóknarmenn væru í afneitun. Við komum til með að ganga gegnum hremmingar, sem eru rétt að byrja. Hremmingarnar hverfa ekki þótt við mætum á Austurvöll og berjum potta. Og hremmingarnar koma til með að lenda verst á þeim sem skulda mest. Það eru staðreyndir málsins sem hver bloggarinn á fætur öðrum neitar að horfast í augu við -- og er þar með í afneitun.

[Jakobína Ingunn Ólafsdóttir, 22.5.2009 kl. 15:25]

GH ríkisstjórnin hefur sýnt fádæma úrræðaleysi og hver ákvörðun þeirra á fætur annarri sýnir að þeir eru ekki að horfast í augu við ástandi?

Dæmi:

Henda fjármunum (erlendum gjaldeyri, sennilega um 2 milljarða) í umsók um aðild að ESB sem hefur ekkert gildi við þessar aðstæður.

Henda 14 milljörðum (hluti þess í gjaldeyri) í tónlistahús sem varla þjónar öðru en að uppfylla drauma Björgólfs.

Þetta eru stærstu ákvarðanir ríkisstjórnarinnar til þessa og hvorug þjónar almenningi en báðar bera keim af sérhagsmunapólitík.

[Guðni Karl Harðarson, 22.5.2009 kl. 15:41]

GH? Eru þá þeir sem eru að blogga aðeins fólk sem skuldar hvað mest?

Hvar hefur þú verið? Ef þú hefur skoðað Bloggin okkar allra þá sérðu allskonar hugmyndir í gangi varðandi lausnirnar. Fullt!

Auðvitað koma hremmingarnar verst við þá sem skulda mest. En ég spyr á móti. Hvernig var í þessu svokallaða góðæri? Var ekki fólki ráðlagt hitt og þetta og hvatt í eyðsluhít?

En ég get ekki séð mjög marga bloggara sem eru í afneitun. Guð minn góður. Við sem erum að blogga eins og Jakobína og Júlíus og fleiri erum svo sannarlega vitandi um vandan og við höfum líka ýmsar hugmyndir. Sumar þeirra hafa týnst inni á mánuðum bloggana. En þetta sést allt ef þú skoðar vel.

Ef við værum í afneitun þá værum við ekkert að blogga því við hefðum ekkert að fjalla um...........

Skoðanirnar og skoðanaskiptin ganga út á aðgerðarleysi. Hvað á gera við vandanum? Einnig vanhæfni stjórnarinnar og ráðaleysi. 

Fullt af fólki lifir nú í ótta við hvað gerist í næstkomandi framtíð. Næstu tvö árin.

Ég þvert á móti get hvergi séð að Ríksstjórn hafi komið neinu í verk síðan að hún byrjaði. Heldur ekki sú minnihlutastjórn sem fór frá.

[Júlíus Björnsson, 22.5.2009 kl. 17:41]

Steypa,

við mun um koma fyrr út úr erfiðleikunum? 80% viðskiptaríkja okkar [ES:EU] eru að byrja að ganga í gegnum erfiðleikana. 

Þá munu bætast við hér nýjir erfiðleikar í kjölfar þeirra í EU: ES. Í síðasta efnahagsstríði [World War II ] féll verð á fiskmörkuðum meginlands Evrópu í mörg ár. Við getum þakkað fyrir að EES eða ES var ekki til þá.

Í mínum huga eiga Íslendingar í tveimur vandamálum.

A) Skorti á fólki yfir meðalgreind [með reynslu] í ákvarðanatökur: Samanber hálfvitana sem settir voru yfir fjármálin. [Þeir sjálfir réðu til sín raunvísindamenn: verkfræðinga]

B) Vera hluti, síðustu 30 ár eða lengur, af efnahagsáætlunum yfir-beaurokrata nú EU:ES. Það er að tryggja sér yfirráð á Norðurheimskautssvæðinu: með tillit til orku og ódýrra hráefna.

Ef rétt er að Halldór ÁS hafi lofað ES:EU fyrir mörgum árum að Ísland yrði innlimað um 2011, þá þarf að herða að fjárfestingum um 2007: skuldsetning orðin nógu mikill og svo þarf að kjósa einu sinni til tvisvar. Loka lánalínum í versta falli.

Auðvitað voru margir sem vissu betur og ætluðu að maka krókinn á fjárfestingarkostnaði [skuldsetningarkostnaði í augum Íslendinga] ES:EU ríkjanna.

Ég eftir 1994 hugsaði sem svo sameining og hagræðing til að tryggja samkeppni við hin meðlimaríki ES; einkavæðing til að tryggja að verðmæti væri í höndum Íslenskra kennitalna. Auðvitað var það augljóst að ekki þurfti að gera kröfu um hæfi hvað varðaði Íslenskt eftirlit eða ráðuneyti, regluverkið og miðstýring í Brussel mynd hvors sem er taka allt yfir eftir 20 ár.  Hefðbundin skilningur ábyrgð er að sá sem hana ber getur ekki borið við þekkingarleysi þegar allt hrynur. Ábyrgðin er að gera ráð fyrir hinu versta á öllum tímum.

Nú er hinsvegar ljóst af Lissabon samninginum að ES verður skipt upp í sjálfstæð Seðlabanka efnahagssvæði undir Evrópu Seðlabankanum og Nefndinni. Hagræðingin, samþéttingin [minnka sjálfbærni], og stöðugleiki gengur út á að festa Miðstýringuna í sessi með því skapa henni stöðuga tekjustofna: sem metast út frá nettó tekjuafgangi sérhverjar ríkistjórnar á innsetningar tímabilinu.

1% íbúa hvers meðlimaríkis ætlar ekki að greiða fyrir almenning hjá öðru meðlima ríki.  Best að ráðið er hafa lélegt velferðakerfi til að losna við atvinnuleysi [launaþrælakostnað] frjálsflæðið beinir fólkinu þangað þar sem aumingjagóð yfirstétt ríkir.

 Virðingastigi yfirstétta gömlu nýlenduveldanna sínu í millum er öllum ljós  sem eiga ættir sínar að rekja til slíkra á meginlandinu.

6. er auðvaldið það kaupir Þjóðvaldið, Löggjafarvaldið, Framkvæmdarvaldið og dómsvaldið og fjölmiðlavaldið [áróður]. 

Ísland er ólíkt ES að því leyti að hernaðargen er ekki ríkjandi í nútíma Íslendingum.

Þeir sem vilja koma Íslandi undir ES:EU heragann hljóta að vera skertir.

N.B. Beaurokratarnir semja í samræmi við Lissabon Samninginn því dómstólarnir í EU er ekki aumingjagóðir eins og þeir Íslensku. 

Ef Íslenskir kratar gætu lesið Samninganna það er Lissabon samninginn með skilningi yfirstéttar meginlandskrata þá myndu þeir að sjálfsögu velta sér upp úr því að bjarga okkur frá því sökkva með ES:EU.

[Ómar Geirsson, 22.5.2009 kl. 21:55]

Blessuð Jakobína.

Góður pistill og gaman að lesa skoðanaskipti hér án þess að fólk beiti tækni þöggunar.  

Á neyðartímum er neyðarstjórn.  Svo einfalt er það.

Kveðja að austan.

[Arinbjörn Kúld, 23.5.2009 kl. 01:09]

Ég fer að hallast alvarlega að því að neyðarstjórn að undangenginni byltingu sé það sem bíður okkar.