Sjálfstæðisflokkurinn skilur eftir sig rústir einar

Skildi nokkrum stjórnmálaflokki í sögu heimsins hafa tekist að skapa þjóð skuldir sem nema tíu sinnum landframleiðslu?

Þetta er sennilega það sem Steingrímur er að tala um þegar hann segir að Icesave sé ekki verst.

Bendi fólki að fara á www.indefence.is og taka þátt í undirskriftasöfnun gegn Icesave.

Undirbýr mál gegn Íslandi

Athugasemdir

[DoctorE (IP-tala skráð) 30.11.2009 kl. 14:36]

Mér finnst svo ömurlega hallærislegt þegar er verið að skera niður hér og þar.. og talað við Þorgerði Katrínu.. og hún að skammast eitthvað, hún var lykilmanneskja í að koma þessu rugli öllu af stað...

Svo ég tali nú ekki um Hrafnaþing á Inn.. þvílíkir lúserar þar á bæ.. það er næstum eins og að horfa á Omega :)

[Predikarinn - Cacoethes scribendi , 30.11.2009 kl. 15:27]

Muna 1. boðorð doktorsnámsins - heimildavinna ! ! !  Vorum við ekki búin að fara yfir þetta með skuldirnar áður á síðunni þinni ?

Ég smelli hérna inn lánaðri klausu sem lýsir þessu vel :

„Út hefur verið gefið að Íslendingar skuldi 310 % af vergri landsframleiðslu, VF, erlendis. Af þessu hefði ríkisstjórnin þungar áhyggjur og fleiri aðilar. En væri þetta svona ?

Fyrirtækið Actavis skuldar Deutsche Bank 70 af þessum 310 %.Þetta fyrirtæki er komið í eigu bankans og kemur ríkisskuldum Íslands ekkert við.

40 af þessum 310% eru erlendar skuldir íslenzkra eignarhaldsfélaga, sem eru skuldheimtumönnum tapaðar þar sem félögin geta ekki borgað. Kemur Íslandi ekkert við.

Álverin skulda 30-40 af þessum 310 %. Ekki eru þetta erlendar skuldir Íslendinga.

30 eru skuldir íslenzkra einkafyrirtækja, ekki ríkisins.

Gjaldeyrislán ríkisins væru með peningalegar eignir á móti, menn ættu innistæðu á tékkareikningi fyrir stórum hluta lánanna.

Þegar allt væri talið næmu nettóskuldir íslenzka ríkisins ekki nema um einni VF, sem væri með því besta sem þekktist.”

[Jakobína Ingunn Ólafsdóttir, 2.12.2009 kl. 04:15]

Predikarinn toga þessar skuldir ekki erlendan gjaldeyri úr landinu. Heldur þú að t.d. Actavis geti borgað skuldir sínar með Íslenskum krónu hver svo sem eigandinn er. Það er ekkert til sem heitir nettoskuldir þjóðarbús. Þessi ræða breytir líka litlu um sekt eða ekki sekt sjálfstæðisflokksins. Þar á bæ hafa menn hagað sér glæpsamlega. Stolið auðlindum, þegið mútur o.s.frv. og ekki er framsókn skárri hvað þetta varðar.

[Predikarinn - Cacoethes scribendi , 2.12.2009 kl. 09:41]

Actavis skuldar þetta vegna fyrirtækja sem þeir eiga víða um heim og borga af þeim þaðan þó þær séu taldar fram í samstæðureikningi höfuðskrifstofu sinnar á Íslandi. Actavis sækir ekki gjaldeyri til þess úr bönkum hérlendis

Það hefur engum auðlindum verið stolið. Var ekkert goldið fyrir það sem selt hefur verið ? Heimildir manstu, aðalsmerki doktorsnámsins.

Það stendur ekki steinn yfir steini í málflutningi þínum.

[Jakobína Ingunn Ólafsdóttir, 3.12.2009 kl. 04:57]

Predikarinn hvað borguðu braskararnir fyrir sávarauðlindinga? Var það ekki bara 0.

Hvað borguðu vinir árna matt fyrir skötuselinn sem þeir hafa verið að braska með. Jú alveg rétt kr.o.

Svo voru nú 50 ríkiseignir færðar yfir á vini og vandamenn. Það mætti skoða það betur

[Predikarinn - Cacoethes scribendi , 3.12.2009 kl. 13:34]

Heimildir herma að þeir sem höfðu stundað sjóinn í áravís áður en kerfið tók gildi og höfðu kostað til fjármunum sínum til að halda úti skipum til veiða, ráðið menn til vinnu og aflað þjóðarbúinu gjaldeyristekna ásamt því að greiða skatt af tekjum sínum sem og þeir sem þáðu hjá þeim laun, þeir fengu úthlutað veiðiréttindum í hlutfalli við veiðar sínar á móti hinum sem það gerðu einnig. Þú hefðir kannski viljað úthluta þessu til einhverra einkavina þinna þess í stað ? Eru ekki atvinnuréttindi vernduð í Stjórnarskránni ? Varðar okkur eitthvað um það ?

Eignir sem seldar voru voru metnar á markaði, meðal annars af alþjóðlegum matsfyrirtækjum og seldar á markaðsvirði. Hafir þú haft kaupendur að eignunum á hærra verði þá hefðir þú endilega átt að framvísa þeim til hagsbóta fyrir okkur. Af hverju gerðir þú það ekki ?
Nei það stendur ekki steinn yfir steini í málflutningi þínum, öllu heldur slagorðum og upphrópunum órökstuddum.