2011-01-28
Bryndís Hlöðversdóttir víða nálæg
Síðasta leikfléttan um kosningar til stjórnlagaþings er hallærisleg og afhjúpandi. Sjálfstæðimenn sem hafa glutrað niður þúsundum milljarða í bóluhagkerfi og reyna leynt og ljóst að sölsa undir sig þjóðarauðlindir fyllast nú ábúðarmikilli hneykslun yfir klaufaskap ríkisstjórnarinnar sem samdi lög sem samþykkt var af öllum flokkunum ef ég man rétt.
Fíflin og líka sumir hinna í sjálfstæðisflokknum vilja nú að Jóhanna segi af sér. Jóhanna átti aldrei að verða forsætisráðherra ekki fremur en aðrir úr hrunstjórninni t.d Össur Skarphéðinsson og Kristján Möller. En þetta lið gefur einfaldlega skít í fagmennsku. Fúskið er allsráðandi og stundum koma upp mál sem gerir það áberandi.
En aldrei þurfa menn að taka pokann sinn.
Fréttir eins og þjófnaður úr bótasjóði Sjóvár, fjárdráttur í erlendum sendiráðum, menn gleyma að innleiða tilskipanir o.s.frv. Og í hvert sinn verður tugmilljóna til tugmilljarða tap sem ýtt er að skattgreiðendum.
Framkvæmd kosninga var í höndum landskjörsstjórnar:
Ástráður Haraldsson
Bryndís Hlöðversdóttir
Hervör Lilja Þorvaldsdóttir
Þórður Bogason
Þuríður Jónsdóttir
Þau hafa gert sig ber að aulalegu klúðri en það er þó dæmigert fyrir starfsfólk sem ekki er valið á hæfnisforsendum. Skattgreiðendur fá síðan reikninginn fyrir aulaskapinn að venju.
Bryndís Hlöðversdóttir kemur víða við þar sem hlutunum er klúðrað. Hún sat í stjórn Landsvirkjunar á meðan gamblað var þar með framvirka samninga sem menn töpuðu tugmilljörðum á. Hún var aðstoðarrektor við Bifröst þegar fjármálin fóru þar í steik og nú virðist hún hafa verið með puttana í að gera þessar kosningar að gríni.
![]() |
Útsend kjörbréf teljast ógild |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 02:31 | Slóð | Facebook | Athugasemdir (0)
2011-01-26
Vilja ekki auðlindirnar í forsjá þjóðarinnar
Sjálfstæðisflokkurinn ber meginábyrgð á því hvernig byggðum landsins hefur blætt undanfarna áratugi.
Davíð Oddsson og Halldór Ásgrímsson hönnuðu kerfi sem markvisst saug arðinn af íslenskum auðlindum og íslenskri vinnu og skilaði fjármununum inn á aflandsreikninga sem tilheyrðu kvótafurstum og mönnum sem sölsað höfðu undir sig ríkisbanka með fulltingi Davíðs og Halldórs.
Sjálfstæðisflokkurinn gerði dómskerfið á Íslandi vanhæft með klíkuráðningum. DV segir frá tengslum hæstaréttardómara sem dæmdu í stjórnlagaþingsmálinu við kvótaklíkuna og sjálfstæðisflokk:
Viðar Már Matthíasson dómari er bróðir Guðbjargar Matthíasdóttur í Vestmannaeyjum, en hún og fyrirtæki hennar eru einn voldugasti handhafi veiðiheimilda í landinu og aðaleigandi Morgunblaðsins.
Jón Steinar Gunnlaugsson dómari barðist árum saman fyrir óbreyttu kvótakerfi og séreignarrétti í sjávarútvegi áður en hann settist í Hæstarétt. Hann var einnig í svonefndum Eimreiðarhópi frjálshyggjuarms Sjálfstæðisflokksins á áttunda og níunda áratugnum.
Gunnlaugur Claessen dómari var einnig í Eimreiðarhópnum ásamt Jóni Steinari, Davíð Oddssyni, Baldri Guðlaugssyni, Þorsteini Pálssyni, Geir H. Haarde, Hannesi Hólmsteini Gissurarsyni og fleirum.
Árni Kolbeinsson dómari var lengi ráðuneytisstjóri í sjávarútvegsráðuneytinu meðan kvótakerfið, framsal og annað var fest í sessi.
![]() |
Skapa þarf vissu um framhaldið |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 16:48 | Slóð | Facebook | Athugasemdir (18)
2011-01-25
Hver fjandinn er kristin arfleifð?
Ég bara spyr.
Í hópi flutningsmanna eru fyrrverandi tugtúslimir og mútþegar.
Heiðin arfleifð er mun eldri og á sér dýpri rætur í þjóðarsálinni.
Helsta vandamál grunnskóla á Íslandi síðustu hundrað árin eru að þeir eru mótaðir eftir kirkjunni.
Hann hefur alið af sér fólk sem lætur ræna sig, blekkja sig og er tilbúið til þess að kyssa tærnar á ræningjunum.
Það sem við þurfum í íslenskum skólum er gagnrýnin hugsun, sköpunargleði, frjálsa hugsun og virðingu fyrir börnum og þeirra eigin forsendum.
Tugtúslimir og mútuþegar eiga ekki að setja lög um menntun barna okkar takk.
![]() |
Starfshættir grunnskóla skuli mótast af kristinni arfleifð |
Tilkynna um óviðeigandi tengingu við frétt |
2011-01-17
Vöknuðu seint
Í fyrrasumar var hluti HS orku seldur til Magma Energy. Steingrímur J sem hafði sett 16 milljarða í Sjóvá eftir bótasjóður félagsins var tæmdur í ævintýraviðskiptum sem Bjarni Ben tengdist hélt að sér höndum. Skýringin var að ríkissjóður hefði ekki fjármagn til þess að kaupa orkuveituna. Það hefur þó ekki skort fé til þess að fylla sjóðina sem misyndismenn hafa tæmt. Gjörningur þessi fékk litla athygli í fyrra sumar. Þegar að Hanna Birna og Óskar Bergs lögðust síðan á að selja hlut Orkuveitu Reykjavíkur í HS Orku mætti ég á pallana í ráðhúsinu og stundaði framíköll. Ég kallað m. a. framm í þegar Óskar Bergsson talaði: Þekkir þú Finn Ingólfsson!
Frétt á visir.is 15 september í fyrra
Hiti er að færast í leikinn á meðal áhorfenda á pöllum Ráðhúss Reykjavíkur en í borgarstjórn er verið að taka fyrir sölu á hlut Orkuveitunnar í Hs Orku til Magma Energy Sweden. Mikið var um frammíköll þegar Óskar Bergsson oddviti framsóknarmanna hélt ræðu og var hann meðal annars spurður hvort hann þekkti Finn Ingólfsson, athafnamann með meiru.
http://www.visir.is/article/20090915/FRETTIR01/909304147/1053
Ekki sáust á pöllunum margir þeirra sem föttuðu söluna eftir að búið var að ganga frá henni. Ungir anarkistar voru þarna staddir og nokkrir þeirra sem hafa sýnt dug í búsáhaldabyltingunni.
Náttúru og umhverfisverndarsinnar voru víðs fjarri. Myrkraverk sjálfstæðisflokks og framsóknar var framið með blessun vinstri stjórnarinnar.
Í dag kl. 15.30 verða tunnumótmæli
Ég vona að sem flestir sjái sér fært að mæta
Magma Energí keypti HS orku fyrir kúlulán og hrunkrónur.
Krónurnar keypti Magma á útsöluverði í bankahruninu.
Hvers vegna spyr engin:
Hví lét eigandi Magma sér detta í hug að kaupa hrunkrónur í október 2008?
Fléttan um eignarhald á jarðvarmaauðlindum Suðurnesja hefur verið komin af stað árið 2008, þ.e. árið áður en salan fór fram.
Hvers vegna reyndi fjármálaráðherrann sem kennir sig við VINSTRI-GRÆNA ekki að stöðva söluna á meðan það var einfalt mál?
Ég hvet alla sem vettlingi geta valdið til þess að mæta á Austurvöll í dag og mótmæla blekkingarleik stjórnvalda!
![]() |
Björk afhenti undirskriftir |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 14:05 | Slóð | Facebook | Athugasemdir (0)
2011-01-10
Rússneska mafían og íslenskt stjórnlagaþing
Leyndarhyggjan hefur verið ráðandi afl í íslenskum stjórnmálum og í skjóli hennar þróuðust ótrúlegustu atburðir.
Á síðasta áratug fóru íslenskir feðgar í víking til Rússlands og eignuðust þar framleiðslufyrirtæki. Fréttir hafa farið af velgengni þeirra í viðskiptum. Í þýskum fjölmiðlum hefur verið sagt frá því að keppinautar þeirra í Rússlandi hafi verið skotnir á færi.
Viðskiptafeðgarnir fengu síðar að kaupa íslenskan ríkisbanka fyrir risakúlulán frá öðrum íslenskum ríkisbanka. Einkavæðingarferli sem þrátt fyrir þrýsting er ekki farið að rannsaka.
Viðskiptaveldi þeirra tútnaði út og fengu þeir liðstyrk við að auka ítök sín í íslensku viðskiptalífi frá áhrifamanni innan samfylkingarinnar Vilhjálmi Þorsteinssyni. Vilhjálmur Þorsteinsson kemur víða við og er í raun birtingarmynd þess sem kallað hefur verið krosstengsl viðskipta og stjórnmála. Fyrirbæri sem kallað hefur verið eftir að sé upprætt í íslensku samfélagi í kjölfar bankahrunsins.

Skýrari mynd af þessu tengslaneti er að finna á http://www.litlaisland.net/corruption/draw/302/299/
Vilhjálmur Þorsteinsson hefur verið með afli frá samfylkingu kjörinn á stjórnlagaþing.
Þegar bankakerfið íslenska hrundi kom upp þrálátur orðrómur um ítök rússnesku mafíunnar í Landsbankanum og að hún hefði tök á íslenskum bankamönnum. Hugtök eins og peningaþvætti voru tíð í umræðunni en íslenskir fjölmiðlar hafa hafnað þessu sem kjaftasögum.
Skömmu fyrir bankahrun keyrði Davíð Oddsson Seðlabankann í gjaldþrot og þurrkaði upp gjaldeyrisvaraforðann með því að setja hundruð milljarða, í erlendum gjaldeyri, inn í Kaupþing. Tvöhundruð og áttatíu þessara milljarða voru afhentir rússneskum athafnamanni sem Guðmundur Ólafsson hagfræðingur hefur kallað handrukkara og heldur fram að hafi morðsveitir á sínum snærum.
Í kjölfar bankahrunsins birtust í miðbæ Reykjavíkur sveitir rússneskra manna sem gistu á Hóteli 101 en Davíð, Geir og Björn Bjarnason fengu sér lífverði.
Fjölmiðlar hafa veitt þessari fléttu litla athygli og ennfremur hefur lykilhlutverk Björgólfs Thors við að setja þjóðarbúið á hausinn fengið litla athygli. Össur Skarphéðinsson, Katrín Júlíusdóttir og Vilhjálmur Þorsteinsson hafa ennfremur ekki rofið tryggð sína við Björgólf Thor.

Umbætur á íslandi standa í frosti á meðan ráðskast er með ríkiseignir og þjóðareignir á bak við tjöldin. Menn sem hafa myndað blokkir um baráttu fyrir hagsmunum sem þjóna því að fylla vasa þeirra sjáfra láta ekki af iðju sinni.
Hér má sjá tengslanet utanríkisráðherra:
http://www.litlaisland.net/corruption/17/ossur-skarpheinsson/
![]() |
Sjónarmiðum komið á framfæri |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 10:32 | Slóð | Facebook | Athugasemdir (1)
2011-01-01
...en ástunda sjálf einelti
Það er auðvelt að hvetja aðra til þess að iðka dyggðir. Stjórnmálaforystan leggur nú Lilju Mósesdóttir í einelti en málið tekur á sig öfgamynd í DV þar sem Utanríkisráðherran líkir þingkonunni við hryssu.
Já þeir fá það óþvegið þingmenn sem leggjast ekki á magann fyrir forystuna.
Sjálfstæði Alþingis hefur verið mikið í umræðunni þetta ár. Mönnum virðist þó fyrirmunað að skilja að sjálfstæði Alþingis verður ekki aukið nema með breyttum viðmiðum um það hvað sé gott og vont í atferli þingmanna.
Lilja er sjálfri sér samkvæm og krefst aukins lýðræði og aukins réttlætis. Hún er ímynd framtíðarstjórnmálamannsins sem er sjálfum sér samkvæmur og fylgir hugsjónum sínum eftir. Vissulega gerir þetta forystunni erfitt fyrir en forystuhlutverkið á að vera krefjandi. Össur virðist ekki vera sáttur við það. Þægir þingmenn eru honum að skapi. Þægur þingmaður er þó ekki trúr hugsjónum eða kjósendum. Tryggð hans er við forystuna.
Við viljum sjá umbreytingar í stjórnmálum en forystan sem hefur verið á framfæri skattgreiðenda meiri hluta lífs síns hefur lítinn skilning á því hvað þarf til þess að koma á stað breytingum.
Aðeins nýtt fólk getur unnið að breytingum og sleppt rótgrónum hugmyndum um að þrælslund sé dyggð.
![]() |
Hvetja til samstöðu á nýju ári |
Tilkynna um óviðeigandi tengingu við frétt |
Stjórnmál og samfélag | Breytt s.d. kl. 06:05 | Slóð | Facebook | Athugasemdir (4)