Margur verður af aurum api

Eins og dæmin sýna

Sennilega ekki skemmtilegir tímar framundan hjá forystu sjálfstæðisflokks.

Í framboði fyrir frjálslynda

Ég býð mig fram í 2. sæti í Reykjavík suður fyrir frjálslynda flokkinn. Ég reiddist mjög þegar ég áttaði mig á því hvernig stjórnvöld höfðu farið með almenning í landinu í haust. Vanhæfni ríkisstjórnarinnar í kjölfarið bætti ekki úr skák.

Það eina sem ég gat hugsað um var hvað er verið að gera fólki. Hvernig geta stjórnvöld verið svona óheiðarleg og grimm? Hvernig stendur á því að skuldir einkafyrirtækja eru gerðar að skuldum barna minna með því að spyrða þau inn í eitthvað regluverk. Hefur gildi orða eins og sakleysi og ábyrgð misst merkingu sína? Enn er ég ekki búin að gefast upp.

Ég vil ekki að skattgreiðendur greiði skuldir bankanna.

Ég fór í Kolaportið í gær og dreifði kynningarblöðum um framboð okkar. Ég talaði við marga og það sem vakti athygli mína var vantraust fólks á stjórnmálamönnum. Unga fólkið er reitt og það með réttu. Stjórnvöld eru búin að rústa framtíð unga fólksins.

Sárindi og reiði eru tilfinningar unga fólksins sem segist ekki ætla að kjósa. Það treystir engum.

Það er einmitt þetta unga fólk sem er mér efst í huga og stjórnvöld virðast gjarnan hunsa í viðleitni sinni til þess að bjarga fjármagnseigendum og ganga erinda erlendra lánadrottna.

Það verður að hugsa um fólkið í landinu og framtíðina. Skammtímalausnir eins og að eyða 13.5 milljörðum í tónlistarhús eru skammgóður vermir og hjálpa ekki fólkinu í landinu.

Við verðum að finna varanlega lausnir.

Þjóðin á ekki að borga skuldir sem ríkissjóður hefur ekki stofnað til.

Það verður að vernda auðlindirnar fyrir græðgisöflum sem ásælast þær.

Það verður að byggja upp atvinnulífið og vernda heimilin.

Á myndinni eru við. Ég og Sturla Jónsson sem er hörkuduglegur, klár og ákveðinn en hann skipar fyrsta sæti í Reykjavík suður.

Bæði ég og Sturla höfum staðið vaktina í allan vetur og vorum virkir þátttakendur í því að fella síðustu ríkisstjón. Við völdum að standa með Frjálslyndum sem hafa hugsjónir og vilja breytingar. Með Frjálslyndum berjumst við áfram fyrir bættu lýðræði og mannréttindum.

Nautheimskur og sauðsvartur almúgurinn

....trúir öllu sem Bjarni segir....eða hvað?

Bjarni kenndi mamma þín þér ekki að það er ljótt að plata?

Frjálslyndi flokkurinn ber virðingu fyrir fólkinu því í flokknum er venjulegt fólk

Fráleitt að draga nafn Kjartans inn í atburðarásina

Verið að mæla þjóðina til fjandans

Ég er hrifin af kenningum sem Gunnar Tómasson hagfræðingur setur fram á Gang8. Ég skil þessar kenningar þannig að peningar eigi sér tvennskonar rætur. Þeir eru annars vegar framleiðslupeningar og hins vegar snýkjupeningar. Framleiðslupeningar verða til við verðmætasköpum þar sem auðlindum er umbreytt í verðmæti. Snýkjupeningar verða til í fjármálakerfinu og valda verðbólgu vegna þess að það eru engin verðmæti á bak við þá.

Gott væri að fá komment á þennan skilning minn frá spekingum

Mér hefur oft dottið í hug að eina vitið væri að hafna þessum mælingum sem eru að mæla þjóðina til fjandans. Hafna útreikningum fjármálakerfisins á skuldum okkar. Enda eru þetta að mestu platskuldir.

Amen

PS. Er ekkert undarlegt við það að valdhafar eru að slátra framleiðslupeningakerfinu til þess að bjarga snýkjupeningakerfinu?

Sala ríkiseigna...styrkir?

Orðið á götunni birti þessa mynd af einkavæðingu ríkisfyrirtækja í valdatíð sjálfstæðisflokks og framsóknar:

Hverjir voru heildarstyrkirnir til flokkana 2006

Er það leyndarmál?

Fengu meiri styrki árið 2006

Árás valdhafanna á lýðræðið

Mútuþægni valdhafanna er ekki án fyrirætlanna.

Með því að þjóna auðvaldinu tryggðu valdhafarnir sér fjárhæðir sem tryggðu þeim yfirráð yfir áróðursmaskínunni.

þeir hafa umbreytt samfélaginu í samfélag olígarka. Almenningur var ekki spurður. Kleptokratían er orðin allsráðandi í stjórnsýslunni. Embætti urðu verkfæri mútuþeganna til þess að skýla glæpamönnum

Völdin urðu til í leynimakki í bakherbergjum.

Áróður í fjölmiðlum sem skrifar lofgreinar um "snjalla" auðkýfinga og "heiðarlega" stjórnmálamenn. Þeir sem rænt hafa þjóðina sífellt lofaðir. Málssvarar lýðræðis hunsaðir af fjölmiðlum.

Flokkarnir sjálfstæðisflokkur, framsókn og samfylking eiga áróðursmaskínuna og kæra sig í raun kollótta um lýðræðið.

Þvinguð til að styrkja framsókn

Ég átti hlutabréf í Kaupþingi árið 2006. Hvaða rétt hafði Sigurður Einarson að taka af mínum hlut í Kaupþingi til þess að styrkja spillt stjórnmálaafl sem mér hefði aldrei dottið í hug að styrkja sjálf?

Er það ekki algjörlega óverjandi að almenningshlutafélög styrki tiltekin stjórnmálaöfl?

Afborganir frá kjölfestufjárfestum?

Eigendur Glitnis og Kaupþings voru í góðri vináttu við framsókn þegar bankarnir voru einkavæddir. Vinátta þeirra við forkólfa framsóknar hefur opnað fyrir þeim mörg tækifæri eins og t.d. að gjöreyða orðspori þjóðarinnar, ræna gjaldeyrishirslur bankanna og minni hluthafa.

BNT (Bjarni Benediktsson) sá einhverja ástæðu til þess að láta háa fjárhæð rakna til framsóknar. Hvað skyldi BNT hafa fengið í staðin?

Eykt hefur fengið góða díla við ríki og bæ. Þessir dílar eru borgaðir úr vasa skattgreiðanda.

Við skulum ekki gleyma því að verðlaun til gjafmildra mútugreiðanda dregst frá upphæðinni á launaseðli okkar.

Framsókn opnar bókhaldið

Hvers vegna var flokkunum mútað?

Ótrúlegt klúður sjálfstæðismanna. Ætluðu þeir að koma jarðvarmaauðlindum Orkuveitunnar til útrásarvillinganna (kjölfestufjárfesta sjálfstæðisflokks og framsóknar).