Ekki í réttu klíkuliði?

Kjartani Gunnarssyni líkar ekki þegar hann er spurður um þátt sinn í umleitan um styrkveitingu frá Landsbanka né FL group né heldur hvort hann hafi veitt styrknum viðtöku.

Andri hættir störfum

Hunsuðu samfylking og sjálfstæðisflokkur aldraða

Umræðuþáttur um frammistöðu ríkisstjórnar samfylkingar og sjálfstæðisflokks

Mannréttindabrot á öldruðum í velferðaríki samfylkingar

Bóndakona fyrir norðan safnaði þessu fé fyrir sjálfstæðisflokkinn

Þetta mun vera frænka konunnar í Keflavík sem olli bankahruninu í haust þegar hún keypti sér skjá.

Þeirra er nú leitað

Skeytasendingar á vefsíðum

Dýr kosningabarátta eða dýrkeypt kosningabarátta

Hún var þjóinni dýr:

Styrkir til sjálfstæðsflokks

Exista hf. 3 milljónir
FL-Group hf. 30 milljónir 
Glitnir banki hf. 5 milljónir
KB-banki hf. 4 milljónir
Landsbanki Íslands hf. 5 milljónir
Landsbanki Íslands hf. 25 milljónir
MP-Fjárfestingarbanki 2 milljónir
Straumur-Burðarás hf. 2,5 milljónir
Tryggingamiðstöðin 2 milljónir
Þorbjörn hf. 2,4 milljónir

Samtals eru þetta 80,9 milljónir króna.

Hvað gáfu mörg skúffufyrirtæki milljón?

Vilja þeir segja frá því líka?

Landsbankinn veitti 2 styrki

Traustur efnahagur sjálfstæðisflokks!

Verður þú gjaldþrota spurðu Frjálslyndir fyrir kosningar 2007 en þeir vildu afnema verðtrygginguna. Hverju lofaði sjálfstæðisflokkur "traustri efnahagsstjórn"

Var það traustur efnahagur sjálfstæðisflokks sem þeir voru að lofa eftir gjafir FL group og Landsbanka?

Honum getur ekki verið alvara

Það komst upp um þá. Þeir eru leiðir yfir að hafa verið gripnir og telja að ekki sé nauðsynlegt að útskýra of mikið. Það er erfitt að átta sig á því hvort Bjarni fer með sannleika ef hann skýrir ekki út hverjir þessir einstaklingar voru.

Leynimakk forystu sjálfstæðismanna eykur ekki á trúverðugleika hennar eða traust.

Ekki kjörnir fulltrúar flokksins

Er hann ekki sjálfur auðmaður með náin tengsl við viðskiptalífið?

Er eignarhald ekki tengsl? Ætlar hann að upplýsa kjósendur um sín eigin fjármál?

Ekki mistök að verja stjórnina falli

Fékk samfylking 10 milljónir hjá Landsbankanum?

Í fyrirsögn á stöð 2 segir að samfylkingin hafi þegið 10 milljónir af Landsbankanum.

Ég verð nú að vera heiðarleg og segja er ekki nóg komið?

Það setur að mér óhug við tilhugsunina að útrásarvíkingarnir hafi verið að múta öllum valdaflokkunum til þess að komast yfir auðlindir þjóðarinnar eða annað sem þeir vildu komast yfir.

Ég flæktist á milli stjórnmálaflokka í vetur en ákvað síðan að taka mér stöðu með Frjálslynda flokknum vegna þess að mér fannst þeir vera heiðarlegir í sínum hugsjónum og hún Helga vinkona mín úr byltingunni bað mig um að taka annað sætið eftir Sturlu Jónsyni sem líka var virkur í byltingunni.

Ég er harður andstæðingur þess að þjóðin greiði skuldir vegna sukks og óreiðu flokkanna og hinna svokölluðu kjölfestufjárfesta og baugsveldis.

Við verðum að hafa dug til þess að stöðva þessa vitleysu og bjarga landinu úr klóm þessara græðgiafla.

Við verðum að hætta að ímynda okkur að það séu til patent lausnir. Við leysum ekki vandann með því að sökkva börnum okkar dýpra í skuldafenið. Við verðum að byggja atvinnuvegina upp á skynsaman hátt, afnema verðtrygginguna og lækka vextina.

Það verður að skapa störf sem eru ekki dýr í uppbyggingu og við verðum að efla útflutning og spara gjaldeyri með því að efla framleiðslu á nauðsynjavöru fyrir innanlandsmarkað.

Það verður að vernda velferðarkerfið og tryggja jöfnuð

það verður að bjarga heimilunum

Þessar leiðir eru lausnir í núverandi ástandi

Frjálslyndir krefjast upplýsinga og almennilegra vinnubragða

Það gengur ekki að stjórnmálamenn þyggi mútur og komist svo upp með að bulla einhverja þvælu.

Hvað er eiginlega með Bjarna Ben heldur hann að við sem höfum flakað fisk og unnið ærleg störf séum illa gefin eða gleipum hvaða þvælu sem er?

Reiður og svekktur yfir því að þetta mál kom upp. Hvað meinar hann var þetta í lagi ef það kom ekki upp?

Grétar Mar vill heiðarlega umfjöllun:

„Ég vil bara að Guðlaugur segi satt og rétt frá," segir Grétar Mar, þingmaður Frjálslynda flokksins en hann gerir kröfu um að Guðlaugur eða formaður Sjálfstæðisflokksins, Bjarni Benediktsson, upplýsi hverjir voru í fjáröflunarnefnd flokksins. Það er að segja, hverjir fengu þessa umdeildu styrki.

„Ef þeir upplýsa ekki um þetta þá ættu þessir menn hreinlega að segja af sér," segir Grétar og dregur hvergi af. Hann segir það mikilvægt fyrir almenning að vita hverjir það voru sem áttu samskipti við forsvarsmenn FL Group, sem styrkti Sjálfstæðisflokkinn um 30 milljónir, og svo Landsbankann, sem styrkti flokkinn um 25 milljónir.

Fyrir kjósendur með valkvíða

Í október þegar almenningi varð ljóst að ríkisstjórn sem hafði verið kosin af miklum meiri hluta landsmanna hafði gjörsamlega rústað efnahag þjóðarinnar greip um sig kvíði, öryggisleysi og reiði.

Reiðin var réttlát. Við tókum fram búsáhöldin og flæmdum ríkisstjórnina frá. Ríkisstjórn sem hunsaði velferð almenning og sló skjaldborg um glæpamenn.

Meirihluti þeirra sem sat í ríkisstjórninni vill að þjóðin treysti þeim aftur en það er ekki skynsamlegt að gera það.

Samfylking og framsókn hafa ekki gert hreint fyrir sínum dyrum þegar frambjóðendur þeirra eru spurðir um styrki frá útrásarvíkingum eða kjölfestufjárfestum. Þeir hafa ekki sýnt að þeir eru ekki leppar auðmannana. Þeir hafa ekki svarið af sér fyrirætlanir um að koma jarðvarmanum í hendur einstaklinga. Össur er mikill áhugamaður um jarðvarma. Hverjar eru fyrirætlanir hans?

Nú eru uppi fyrirætlanir hjá auðmönnum sem styrkt hafa stjórnmálaflokka með óeðlilegum fjárhæðum um að öðlast "nytjarétt" á auðlindunum. Nýtt orð yfir það að komast yfir auðlindirnar og framhjá nýju ákvæði í stjórnarskránni um að auðlindirnar skuli vera í eigu þjóðarinnar.

Auðlindirnar eru bjargvættur þjóðarinnar í kreppu en ekki sjálfstæðisflokkur, framsókn eða samfylkingin. Þessir flokkar hafa brugðist. Brugðist alvarlega.

Það eru tveir flokkar á þingi sem ekki hafa brugðist og ekki hafa tekið þátt í spillingunni.

Þessir flokkar eru Frjálslyndi flokkurinn og Vinstri grænir.

Það er því augljóst að valið verður ekki erfitt fyrir kjósendur því einungis koma tveir flokkar til greina.