Framtíð skuldara

...

Það brenna eldar ...

...á blogginu. Fólk er ævareitt yfir sviksemi stjórnvalda. Ekki síst þeir sem héldu að þeir væru að kjósa vinstristjórn.

Bretar hirtu Landsbankann. Með því að hirða landsbankann og tekjur hans hirtu þeir líka Icesave reikningana og ábyrgðina á þeim.

Íslendingum ber engin lagaleg skylda til þess að skrifa undir samning sem kostar þjóðina sem svara útgjöldum til alls menntakerfisins á framhalds- og háskólastigi.

Ég er búin að fá mig gjörsamlega fullsadda á svikulum og vanhæfum stjórnmálamönnum sem valta yfir þjóðina á skítugum skónum.

Stjórnmálamönnum sem af grátlegri hlýðni við fyrri valdhafa halda áfram á sömu braut.

Mér er andskotans sama þótt glæpamafía hafi átt Landsbankann og að Ríkisstjórnin sé skíthrædd við við fyrrverandi eigendur hans.

Ég segi við Ríkisstjórnina annað hvort standið þið með þjóðinni eða komið verkefninu í hendur annarra sem treysta sér til þess.

50 milljarðar á reikningi

Björgólfur Thor fagnar líka

Hann gerði góða fjárfestingu þegar hann henti milljónatugum í stjórnmálaflokkana.

Ég skulda Bretum ekki krónu. Hef aldrei stofna banka í Bretlandi og tók enga áhættu. Þess vegna skrifa ég ekki undir þennan samning.

Ég legg til að Bretar sem heimta tryggingu úr ríkissjóði Íslands greiði sína skatta hingð framvegis.

Þeir hljóta að eiga að fjármagna hann eins og við fyrst þeir gera kröfu um þjónustu hans.

Stal þessar frá Haraldi Hanssyni

Það er mér óskiljanlegt hvernig valdhafar skríða fyrir Brusselvaldinu og eru tilbúnir til þess að rústa samfélaginu, menningu og velferð Íslendinga fyrir velþóknun þess.

 

 

Bretar fagna Icesave-samningi

Er ekki í lagi með Ríkisstjórnina?

Þjóðin á EKKI að ganga í ábyrgð vegna Icesave. Það er deginum ljósara að áhættu- og fagfjárfestar gengu viljugir að borði þegar þeir lögðu fjármuni sína inn a Icesave. Íslenskur almenningur átti enga hlutdeild í þeim viðskiptum.

það er gjörsamlega óskiljanlegt hvers vegna Ríkisstjórnin tekur í mál að ganga af þessum samningum sem er algjörlega í hag Breta. Fjárfestar sem fengu greitt fyrir að taka áhættu tapa engu á fífldyrfsku sinni en venjulegur Íslendingur sem vissi ekki einu sinni af þessum viðskiptum, hvað þá að hann hafi haft hag af þeim á að taka áhættuna á sig.

Ég spyr, er ekki í lagi með Ríkisstjórnina?

Sigmundur Davíð og Þór stóðu sig vel í Kastljósinu. Fulltrúi Ríkisstjórnarinnar kom illa út enda vondan málstað að verja.

Ég tek hjartanlega undir með Sigmundi þegar hann bendir á að Íslendingar eru í mjög sterkri samningsstöðu einfaldlega vegna þess að ESB vill ekki að það afhjúpist hversu gallað regluverk þeirra er.

Það er ekki bara vanhæfni Ríkisstjórnarinnar sem kemur berlega í ljós í þessum afleita samningi heldur einnig alkunn tilhneiging hennar til þess að velja vanhæfa klíkuvini í verkefni sem þeir ráða ekkert við.

það er óhuggulegt að horfa upp á að stjórnmálamenn hafa ekkert lært á óförum stjórnarfars á Íslandi og halda uppteknum hætti þótt að framtíð þjóðarinnar í áratugi sé í húfi.

Lítill manndómur hjá valdhöfum

Valdhafar hafa afrekað lítið annað en að afskrifa skuldir auðmanna og bæta skuldaklafa á almenning. Þeir hafa ekki stigið skref í að gera upp við fortíð sína. Samfylkingin þáði 25 milljónir af fyrirtækjum tengdum Jóni Ásgeir og 16 milljónir af félögum tengdum Björgólfi.

Samfylkingin tók þátt í útrásinni. Samfylkingin stjórnaði bankamálaráðuneytinu í aðdraganda bankahruns og forysta hennar laug að þjóðinni. Hvers vegna gerði hún það? Hverja var hún að  vernda? Ekki almenning, svo mikið er víst.

Leynimakkið í aðdraganda þessa svokallaða "Icesave samnings" sem nú er verið að skella framan í þjóðina er dæmigert fyrir stjórnmálamenn og þá menningu manndómsleysis sem þróast hefur í þeim kima.

Gamlir stjórnmálamenn sem hafa haft tryggðan tékka frá ríkisstjóði í áratugi hafa ekki skilning á kjörum almennings. Tryggða vinnu fyrir maka og börn í gegn um klíkustjórnmál og spillingu hafa ekkert skynbragð á kjörum almennings.

Almennings sem þarf að standa skil á frammistöðu sinni og tryggja sér viðurværi með því að vanda sig á hverjum degi.

Almennings sem þarf sjálfur að greiða bensínið á bílinn sinn.

Almennings sem ekki fær greitt aukalega fyrir vinnu sem hann vinnur í sínum vinnutíma.

Almennings sem hefur enga tryggingu fyrir því að maki eða börn hafi atvinnu.

Almennings sem þarf að greiða skuldir sínar og gott betur.

Almennings sem ekki hafði innherjaupplýsingar til þess að leiðbeina sér í aðdraganda bankahruns.

Almennings sem er ekki í fríi hálft árið.

Almennings sem tekur alvarlega hugtök á borð við heiðarleika og heilindi.

Kærunefnd hunsar ALLTAF jafnréttissjónarmið

Þegar kærunefnd fjallar um brot á jafnréttislögum gleymir hún algjörlega tilgangi jafnréttislaga, þ.e.a.s. að jafna stöður kvenna og karla

Kærunefndin finnur alltaf eihverja smjögklípu til þess að dæma yfirvöldum í vil.

Á Íslandi hefur verið unnið markvisst gegn stöðu kvenna undanfarna áratugi.

Kærunefnd jafnréttismála virðist fyrst og fremst að líta á það sem hlutverk sitt að vernda valdhafanna og karlmenn sem eiga samúð þeirra óskipta.

Jafnréttislög á Íslandi eru sýndarlög. Það hefur aldrei verið vilji til þess að framfylgja þeim. Konum sem kæra er síðan refsað með því að stöðva framgang þeirra í starfi. Þannig er öðrum konum send viðvörum. PASSIÐ YKKUR AÐ KÆRA ALDREI ÞÓTT RÉTTUR YKKAR SÉ HUNSAÐUR.

Landspítalinn braut ekki jafnréttislög

Andskotast frekjan í þessum krökkum

Heimta mat, föt og húsaskjól. Skilja þeir ekki að breskir aðalsmenn og áhættufíklar þurfa að ganga fyrir?

Krakkaskammirnar verða bara að skilja að menn þurfa að halda völdum og geta lifað við þær vellystingar sem þeir eru vanir. Það þýðir ekkert fyrir þau að tala um að þau þurfið að borða eða séu með tannpínu. Við höfum ekkert efni á því lengur.

Hækkar um 37 milljarða árlega

Hvert fóru Icesavepeningarnir?

Ekki lítur út fyrir að styrktaraðilar samfylkingar þurfi að borga Icesave. 

Sjöhundruð milljarðar gufa ekki upp. Reyndar er spurning hvort upphæðin sé ekki yfir 1000 milljarðar. Fréttaflutningur af málinu er óskýr og oft villandi. Helstu hönnuðir þessa óskapnaðar sem Icesave og Kaupþing edge lifa þó í vellystingum.

Björgólfur Thor á fína snekkju eins og myndir bera með sér.

 

 

 

 

 

 Margir þeir sem sagðir eru vera gjaldþrota lifa nú með glæsibrag í útlöndum. Kristinn Björnson á fínt hús í Flórída sem hann lét fyrirtæki sitt sem er á hausnum kaupa og selja sjálfum sér fyrir spottprís skv. DV.

Það vefst ekki fyrir stjórnmálamönnum hver á að borga skuldir þessara manna.

 

 

Milljón á ári á hvern vinnandi mann

Það er skuldbindingin sem Ríkisstjórnin hefur gengist undir gagnvart Bretum næstu sjö árin.

Ríkisstjórnin er að láta Brusselvaldið ráðskast með sig og fórnar velferð almennings til þess að fá aðgang að valdabatteríinu í Evrópu.

Ert þú tilbúin til þess að greiða eina milljón á ári til þess að uppfylla drauma þeirra sem ætla að fá að taka þátt í að arðræna þjóðina?

 

Hvað er geðveiki?

Yfir hundrað milljónir á dag. Það er vaxtakostnaðurinn sem Ríkisstjórnin ætlar að leggja á herðar þjóðarinnar vegna Icesave. Eftir sjö ár verður höfuðstóll skuldarinnar komin yfir 1000 milljarða samkvæmt einföldum útreikningum, þ.e. miðað við að vextir leggist við höfuðstól ár hvert.

Fólkið í stjórnarráðinu, sem hefur framtíð fólks sem þarf á samfélagsþjónustu að halda í sínum höndum, virðist ekki þess megnugt að lesa texta eða leggja saman tölur hvað þá heldur að beita dómgreind við ákvarðanatöku.

Geðveikt far í bæinn