Ég er að fara að mótmæla Icesave á Austurvelli

...og ég vil líka fá að vita hvers vegna Ríkisstjórnin þarf að taka að láni tæpa 1000 milljarða.

Fjárlagahalli sem þarf að fjármagna á þessu ári er um 150 milljarðar. Hvað ætlar ríkið að gera við restina af láninu?

Ef ríkið ætlar að láta hundruð milljarða liggja í gjaldeyrisvaraforða þá kostar að um 50 milljónir á dag Í GJALDEYRI...

Halli ríkissjóðs skýrist að mestu af þessum vaxtakostnaði vegna erlendra lána...

Niðurskurðurinn í heilbrigðiskerfinu sem á eftir að kosta mörg mannslíf er fórn sem Ríkisstjórnin ætlar að færa til þess að þóknast alþjóðagjaldeyrissjóðnum.

Ríkisstjórnin er að velja að greiða 90 milljarða í vaxtakostað og ætlar að slátra velferðarkerfinu til þess.

Til þess að Ríkisstjórninni sé leyft, af alþjóðagjaldeyrissjóðnum, að gera þennan díl sem á engan hátt eykur lífsgæði í landinu er hún tilbúin til þess að rústa atvinnulífinu í landinu með okurvöxtum.

Já það er varasamt að vera með fólk við völd sem getur bara hugsað um eitt í einu.

Timburmenn ríkisstjórnarinnar

Ráðherrar ríkisstjórnar samfylkingar og sjálfstæðisflokks urðu ógeðslega glaðir þegar að mikið fór að safnast í ríkiskassann á árunum 2004 til 2008 vegna útrásarinnar. Ekki var peningunum eytt í að bæta velferðarkerfið heldur hækkuðu þjónustugjöld jafnt og þétt. Þ.e.a.s. skattgreiðendur fóru í æ ríkara mæli að greiða sjálfir fyrir heilbrigðisþjónustu, menntun og fleira.

Ekki verður séð að aldraðir og öryrkjar hafi borið mikið úr bítum.

Æ fleiri af vinum ríkisstjórnarinnar og bæjarstjórnar fóru hinsvegar á spena hjá ríki og bæjum. Í þessum hóp eru ýmis verktakafyrirtæki í eigu stjórnmálamanna eða ættingja þeirra.

Hvers vegna þarf ríkissjóður sem var skuldlaus á þessum tíma í fyrra að taka lán upp á nærri þúsund milljarða núna?

Hvað ætlar ríkisstjórnin að gera við 1000 milljarða? Ekki ætlar hún að bæta velferðarkerfið svo mikið er víst.

Það er eitthvað í þessari jöfnu sem ég skil ekki. Ég legg til að sett verði ný neyðarlög og bitlingar í formi eftirlauna og æviráðninga teknir af mönnum.

Það voru ekki fordæmi fyrir því að ríkið tæki yfir gjaldþrota einkabanka og það er hægt að gera fleira sem ekki eru fordæmi fyrir.

950 milljarðar að láni

Ég er full fordóma gegn ríkisómögum

Mér dettur þetta allt í einu í hug þegar ég hugsa til allra þeirra sem ríkið hefur séð fyrir með því að gefa þeim fyrirtæki, kvóta og alls kynns embætti sem þeir valda ekki.

Ég vil ekki skrifa upp á svona víxil fyrir ríkisómaga. Mér finnst það bara óþarfi. Vil frekar gera eitthvað annað við peningana mína en að borga skuldir kjölfestufjárfesta. Vil bara fá að vera í friði í mínu góðæri sem er ekki tekið að láni og ekki betlað af ríkinu.

Þjóðaratkvæðagreiðslu um Icesave