Hlýðið fjórflokknum ef þið viljið vera guði þóknanleg

Á Íslandi getur manneskjan bara verið tvennt, þræll náhirðarinnar eða lotið andlegu ofbeldi samfylkingarinnar sem sér biturð og reiði í hverri þeirri sál sem ekki gengst við boðskap hennar. 

Ef Íslendingurinn lýtur ekki þessum öflum þá er hann hálfviti sem fylgir frjálslynda flokknum eða hreyfingunni. Skítt með það þótt þessir litlu flokkar hafi barist gegn fátækt, fyrir atvinnufrelsi, fyrir málfrelsi og gegn spillingu í stjórnsýslunni. 

Nei Íslendingurinn skal kjósa yfir sig forréttindastéttina sem gengur fram með forræðishyggju og telur það nánast guðlast að tala um þjóðaratkvæðagreiðslur og fátækt á Íslandi. 

Nú vill svo undarlega til að síendurtekið hafa kannanir sýnt að 90% þjóðarinnar vill relatívan jöfnuð og vill útrýma fátækt. Engu að síður kýs þetta fólk yfir sig ölmusuhyggju Davíðs Oddsonar, kvenfyrirlitningu Jóhönnu Sigurðardóttur og alheimskapítalismann sem Steingrímur Joð er fylgjandi. (verkin tala)

Hvers vegna er þá þjóðin að kjósa yfir sig þennan fjanda? Jú ekki vill hún að það spyrjist út að hún beygi sig ekki í duftið fyrir forréttindastéttinni á Íslandi. 

Stjórnarandstaðan ekki til helvítis

Vafasamt orðspor Strauss-Kahn

Það eru ekki nema tveir mánuðir síðan ég og vinkona mín sátum yfir kaffibolla á Kaffi París og spjölluðum við franskan blaðamann frá einum virtasta fréttamiðli Frakklands. Hann var ekki hrifin af Strauss-Khan en atferli hans í kvennamálum hefur verið vel þekkt í hópi fréttamanna. Hann taldi að Strauss-Khan næði í fylgi sitt úr hópi þeirra sem fylgjast illa með.

Margir af valdamestu mönnum heimsins eru siðlausir menn sem í hroka sínum trúa að þeir séu ósnertanlegir og margir þeirra eru það. Í vestrænum samfélögum eins og í okkar litla samfélagi dugar ekki vond löggjöf ein saman til þess að halda siðlausum einstaklingum á floti í fjármálakerfinu og í pólitík.

Til þess þarf forréttindastéttin aðstoð almennings. Hrædd millistétt er einhver mesti óvinur heiðarlegra stjórnmála.

Málfrelsinu eru ekki sett mikil höft í lögum heldur fyrst og fremst með því að gefa orðum gildi og gera önnur af bannorðum. Orðið mútur er gott dæmi um bannorð sem ekki má nota um athævi Guðlaugs þórs og Sigurðar Kára. Orðið femínismi er dæmi um orð sem hefur fengið á sig merkingu móðursjúkra kvenbredda sem hafa tekið saman ráðin um að hætta að eiga börn eða ala stráka illa upp. 

Femínisminn hefur þó náð sér nokkuð á strik eftir að sjálfstæðismönnum var bolað frá völdum og orðræðan hefur fengið á sig nýjan og opnari blæ.

Þetta þýðir þó ekki að fólk úr millistétt sé ekki hrætt við vinstri stjórnina frekar en þá hægri. Stauss-Kahn er ágætt dæmi um vinstri mann sem hefur komist upp með ofbeldi gagnvart konum í skjóli valds síns. 

 

Fleiri ásakanir á hendur Strauss-Kahn