Ekki veitir af

Það er ýmislegt sem virðist fara ofan garð og neðan í Icesave eins og t.d.:

 Íslenska ríkið ber ábyrgð á íslensku efnahagskerfi og íbúum landsins ásamt starfsemi sem fer fram á Íslandi.

Tryggingasjóður innstæðna er sjálfseignarstofnun sem ber ábyrgð á innstæðum í bönkum sem hafa höfuðstöðvar á Íslandi og eru með útibú erlendis.

Ríkinu er ekki heimilt að veita bönkum eða tryggingasjóðnum ríkisábyrgð samkvæmt tilskipun ESB.

Hollenska og breska ríkið áttu að hafa eftirlit með útibúum í sínum heimalöndum bæði lausafjárstöðu og neytendavernd.

Holland og Bretland eiga eingöngu réttmæta kröfu á Landsbankann og tryggingasjóð en ekki íslenska ríkið. 

Indefence á leið í fundaherferð

Athugasemdir

[Ásdís Sigurðardóttir, 25.1.2010 kl. 12:32]

[Jón Óskarsson (IP-tala skráð) 25.1.2010 kl. 18:44]

Útgangspunktur samninganna er þessi litla frétt. 

http://www.island.is/media/frettir/08.pdf

Fundherferð og aðrar herferðir breyta ekki þessari staðreynd.

Indefence vill bara "örlítð betri díl" eins og fulltrúi þeirra sagði í útvarpsviðtali þar sem fram kom í fyrsta skipti að við ættum að greiða skaðann. 

Svakalegt hvernig þeir hafa logið að þjóðinni að undanförnu og talið fólki trú um að með því að vera á móti lögunum þyrfti ekki að borga. 

Þeir sem hafa áttað sig á þessari blekkingu Indefence hafa lýsti því yfir að þeir sjái eftir að hafa skrifað undir beiðni til forseta.  

(Sem vel að merkja synjaði ekki lögunum vegna lýðræðisástar heldur til að kaupa sér vinsældir hjá þjóðinni.  Honum tókst það og þjóðin (stór hluti hennar) er búinn að gleyma því hvað hann var illa liðinn orðinn.)

[Jakobína Ingunn Ólafsdóttir, 25.1.2010 kl. 19:33]

Sæll Jón þessi færsla þín er með verra bulli sem ég fengið hér í athugasemdakerfið.

Hver ákveður hvort, hvað og hvernig Íslendingar eiga að borga? Hollendingar og Bretar?

Ég fyllist harmi þegar ég hugsa til fólks sem vill kalla sig Íslendinga og heimta að börning okkar verði gerð að skuldaþrælum bara vegna þess að Hollendingar og Bretar heimta það.

Með rétt ætti málið að fara fyrir alþjóðadómstóla en það vilja Bretar og Hollendingar ekki vegna þess að þeir vita að málið myndi tapast þeim. Þeir hafa nefnilega ekki lagalegan grundvöll fyrir kröfur sínar

[Jón Óskarsson (IP-tala skráð) 25.1.2010 kl. 19:54]

Ég fyllist líka harmi yfir fólki sem kallar formann stjórnmálaflokks "svikara" samanber þetta hér  og ætla sér svo að gefa kost á sér í kosningum í sama flokki og hvetur fólk hjafnftamt til að ganga í hann. 

Er hafin smölun til að knésetja þennan formann?

[Jón Óskarsson (IP-tala skráð) 25.1.2010 kl. 19:58]

Í fyrirsögn með krækunni sem ég vísa í og ég sá hér á síðunni þinni fullyrðir þú að Steingrímur J. hafi svikið þjóð sína.

Hvernig getur þú gengið í sama flokk og þessi maður og hvatt aðra til þess

[Benedikt Gunnar Ófeigsson, 25.1.2010 kl. 20:49]

Jón:

Er formaðurinn flokkurinn?

Er ekki öllum ljóst að SJS hefur snúist um 180° í flest öllum málum? 

Hann er meira að segja farinn að tala fyrir stóriðju.

þegar menn láta kjósa sig sem málsvara ákveðinnar hugmyndafræði og fá kosningu, en fylgja svo allt annarri hugmyndafræði þegar þeir komast að, þá eru það svik.

SJS. lofaði að fylgja svipuðu móteli og Noregur gerir (hið margumtalaða norræna velferðarkerfi). En hann fylgir sömu einkavinavæðingar- og "alþjóða frjálshyggju"-stefnu og hefur verið við lýði síðustu 20 árinn á Íslandi. Norræna mótelið er megin kjarninn í stefnu VG, ásamt umhverfismálum og því er stór hluti af forystu VG sek en ekki bara SJS. Niðurrif á velferðarkerfinu (til að borga vexti) og stóryðjuuppbygging getur varla talist í samræmi við stefnu VG eða verið grunnur að norrænu velferðarkerfi. Eða hvað?

þetta eru svik við flokksmenn og kjósendur VG.

Það er fullkomlega eðlilegt að venjulegir flokksmenn bregðist við þessu með því að andmæla því (eins og Jakobína hefur gert hátt og skýrt). Sú hugmynd að fólk eigi að ganga úr VG að því að forystan hefur breytt um stefnu að almennum flokksmönnum forspurðum er út í hött. hún inniheldur að forystan eigi í einhverjum skilningi flokkinn; að flokkar séu fyrst og fremst byggðir utan um foringja sem fólk getur valið að fylgja. Þetta er mjög ólýðræðisleg hugmynd. Forysta flokkanna á fyrst og fremst að lúta vilja flokksmanna ekki öfugt. 

[Ómar Geirsson, 25.1.2010 kl. 21:20]

Flottur pistill Jakobína.

Og virkilega flott andsvar hjá þér Benedikt.

Þetta er kjarni málsins, ef foringjar sveigja stefnu síns flokks í þveröfuga átt en af stað var lagt með, þá fólk ekki að yfirgefa  vagninn heldur krefjast þess að hann snúi aftur inn á rétta braut.

ICEsave stefna Steingríms er ekki bara ávísun á óhefta virkjunarstefnu var sem öllu verður fórnað til að kröfu Alþjóðagjaldeyrissjóðsins,  hún er líka bein ávísun á ESB aðild.

Hvað er þá eftir af sérstöðu VG???

Var það í stefnuskránni að fá ameríska vogunarsjóði til landsins???

Ef fleira fólk en Jakobína hefur þann manndóm  að segja hingað og ekki lengra, við viljum flokkinn okkar aftur, þá er ennþá von fyrir VinstriGræna.

Kveðja að austan.

[Jakobína Ingunn Ólafsdóttir, 25.1.2010 kl. 21:29]

Takk strákar fyrir að útskýra muninn á foringjadýrkun og fylgi við hugsjón út fyrir Jóni Óskarssyni. Vona að hann hafi lesið pistlana ykkar.