Bandsjóðandivitlaust samfélag

Sigurður Einarsson fer ekki í grafgötur með hvað sé eðlilegt. Það er hluti af mannréttindum þessa gulldrengs að fá að skrapa sparifé almennings innan úr bönkum og setja þjóðarbúið á hausinn. Sigurður Guðjónsson er aldeilis gáttaður á rannsóknarfýsn landans. Jakob Fr. Magnússon telur að farið sé offari gegn mönnum sem framið hafa níðingsverk gegn þjóðinni. Hann notar frasann að menn séu saklausir þar til sekt þeirra sé sönnuð. Þessi frasi hefur sennilega verið hannaður af glæpamanni sem hefur sloppið undan armi réttvísinnar. Fjöldi manna eru sekir þótt sekt þeirra hafi ekki verið sönnuð. Það er veruleikinn.

Mútuþegar telja einnig að það sé ljótt eða jafnvel helber lygi að kalla mútur mútur. Sigurður Einarsson líkir framgangi réttvísinnar við leikhús. Jón Ásgeir telur að framgangur réttvísinnar sé í raun skemmdarfýsn. Pálmi í Fons stígur fram með nýpúðraðan rassinn. Verk Björgólfs Thors eru umvafin huliðshjúpi. Framkvæmdastjóri Félags löggiltra endurskoðenda hefur verið ákærður vegna 260 milljarða fjársvika. Mikill titringur er meðal þeirra sem rændu íslenskt samfélag og leppa þeirra á þingi og í stjórnsýslu.  

Pálmi: „Þetta er galið“

Athugasemdir

[jakob Ómarsson (IP-tala skráð) 12.5.2010 kl. 14:07]

Ég tel mun líklegar að orðatiltækið "saklaus uns sekt er sönnuð" kemur frá manni sem hefur verið ranglega dæmdur. Það er líklegt að margir sekir hafa komist undan hins vegar er það einnig staðreynd að saklausir hafa verið dæmdir fyrir eitthvað sem þeir gerðu ekki. Og að mínu mati þá finnst mér það verr.

[Jakobína Ingunn Ólafsdóttir, 12.5.2010 kl. 14:10]

Sekir eru sekir og saklausir eru saklausir hvernig sem þeir eru svo meðhöndlaðir af réttvísinni.

[Jóhannes Laxdal Baldvinsson, 12.5.2010 kl. 14:41]

Satt segirðu Jakobína. Leikhús fáránleikans í boði glæpamanna og klappliðs þeirra. Lögfræðingasnatarnir ættu að þegja og vinna vinnuna sína í dómssal en ekki í blöðum. Nú fer í hönd tíma gríðarlegs spuna og nauðsynlegt að halda ró og leyfa réttvísinni að starfa í friði. Blaðamenn mættu gjarnan setja sér siðareglur varðandi fréttaflutning af þessum aðgerðum.

[Hákon Jóhannesson (IP-tala skráð) 12.5.2010 kl. 15:10]

Ábyrgð "skoðunarmanna" - endurskoðanda er mikil, en þeir virðast hafa lagt blessun sína yfir og margir hverjir nafn sitt að veði við þessa snúninga.  Þetta á eftir að skýrast enn betur að mínu mati; hasarinn er rétt að byrja. Við höfum ekki sé neitt ennþá.

[Hörður B Hjartarson, 12.5.2010 kl. 15:36]

    Jakobína ! Því miður , þá get ég ekki annað en tekið heils hugar undir með þér , ég get ekki sannað það , að ég held , en ég tel mig vera búinn að vita það , allar götur síðan 1986 - 7 , að Flón Ásgeir er ekki einasta glæpamaður , heldur stórglæpamaður , en eins og ég hef ætíð sagt , það auðveldasta (sem og eitt algengasta) fyrir okkur ; manninn , er að dæma , jafnvel þó við vitumafar takmarkað , en ég ætla bara rétt að vona það eigi ekki við , í sambandi við handtökurnar , sem nú hafa dunið yfir , því ef Ólafur Hauks. og Eva Joly standa ekki með pálmann í höndunum , guð almáttugug hjálpi okkur þá , því þessir glæpamenn svífast , væntanlega , einskis hvað varðar kærur á hendur ríkinu , sjái þeir sér leik á borði .

[Árni Gunnarsson, 12.5.2010 kl. 17:42]

Ég er óttalaus hvað skaðabótakröfur frá þessum kvikindum áhrærir.

En það verður seint um þá sagt að þeir umgangist fórnarlömb sín, íslensku þjóðina með sérlegri auðmýkt. Nú er komið í ljós hvað mikill hugur fylgdi máli í þessari ástarjátningu sem Jón Ásgeir lét rita fyrir sig og fékk blöðin til að birta nú fyrir skemmstu.