Atvinnuleysi og fátækt alvarlegasta ógnunin

Ég er að horfa á Ísland umbreytast fyrir augum mér. Landið sem bjó við velsæld horfir nú fram á langdregna erfiðleika sem eiga eftir að birtast í auknum félagslegum vandamálum og vandamálum sem stjórnvöld hafa ekki skýrt hvernig þau ætla að leysa. 

Viðvarandi sljóleiki hefur ríkt gagnvart innrás Alþjóðagjaldeyrissjóðsins í Alþingi og ríkisstjórn Íslands. 

Fjölmiðlar tala í glöðum tón um ánægjulega viðburði og dugnað Íslendinga. Fjölmiðlar hampa Jóni Gnarr og flokki hans sem birtir enga stefnu fyrir kosningar. Kannski ekki sérlega skaðlegt því stefnuskrá flokkanna virðist hvort sem er tómt plat þegar flokkseigendurnir komast til valda. 

Fjölmennir hópar hafa reynt að koma að máli sínu í fjölmiðlum og vekja athygli á þeirri atlögu sem gerð er á íslenskan almenning í skjóli núverandi ríkisstjórnar. 

Fjölmiðlar hafa ekki rými fyrir óánægjuraddir ekki nú frekar en fyrir hrun. 

Sannleikurinn blasir þó við fyrir þá sem eitthvað nenna að hugsa.

Raungengi krónunnar er 250 krónur gagnvart evrunni. Haldið er uppi gervigengi með gjaldeyrishöftum til þess að viðhalda neyslu og innflutningi. 

Þetta þýðir í raun að verið er að fjármagna neyslu núverandi kynslóðar á kostnað ungs fólks og komandi kynslóða. Það má til sanns vegar færa að 40% vöruverðs sé fjármagnað af börnum okkar og barnabörnum. 

Slæm staða fólks í dag er ekki aðaláhyggjuefnið heldur sú staðreynd að það er verið að festa viðvarandi fátækt í sessi á Íslandi. Þetta er að gerast á vakt Jóhönnu Sigurðardóttur og Steingríms J. sem trúa á velvilja og skynsemi Alþjóðagjaldeyrissjóðsins sem í raun hefur hernumið landið.

Aðkoma Alþjóðagjaldeyrissjóðsins á í raun meira skylt við valdarán en aðstoð. 

Staða heimilanna afar slæm

Athugasemdir

[Atvinnulaus (IP-tala skráð) 3.6.2010 kl. 03:45]

Vandamálin eru ekkert sem vor ríkisstjórn segir vera óyfirstíganleg, en á sama tíma hrannast upp hugmyndir vinstri stjórnar um sífellt nýjar og nýjar skattahugmyndir....

Atvinnuleysi er meðhöndlað sem stutt gengið óþekkt krabbamein, með tilraunastarfsemi sem miðast við að þeir sem hafa styst gengið með það fá mestu hjálpina, en þeir sem uppgötvast með með það á hæsta stigi og hafa áður haft sögu um svipaðan sjúkdóm fá fyrirlitningu þrátt fyrir fyrri reynslu og hafa ekki í nein hús að venda...

Ég er ein af þessum fordæmdu, alíslensk kona og hef borgað mína skatta frá unglingsaldrei, enda ekki þekkt fyrir annað en að vinna a.m.k. 2 - 3 störf að meðaltali og því hátekjumanneskja í hátt í 20 ár ! (2-3 störf til samans tákna hátekjur ekki satt !)

Nýlega þurfti ég að hætta starfi þar sem andlegri heilsu minni var ógnað sökum vinnutíma sem er flokkaður sem vaktavinna, og þá fór alllt í háaloft hjá vinnumálastofnun.  Ég sagði upp mínu starfi og sagði frá mínum veikindum sem ég hef átt við að stríða síðustu 2 ár að miklu leyti, án þess þó að hafa einn sérstakan lækni til meðhöndlunar.

En það kemur mér í koll í dag því VMST vill fá vottorð frá einhverjum lækni um veikindasögu mína, en gallinn er að ef vottorð berst þá verða atvinnuleysisbætur mínar endurmetnar þannig að ég fæ engar bætur frá þeim VEGNA VOTTORÐSINS, og hver er þá tilgangur að fá vottorð fyrir ekki neitt !!!!

Vinnubrögð Vinnumálastofnun eru í hæsta falli stórgölluð, því sem viðbót við þessa sorgarsögu þá er ég búin að sækja um tugi starfa, bæði á vef Vmst og á almennum vefjum  en engin eftirfylgni er hjá þeim varðandi slíkt !!!!

[Hákon Jóhannesson (IP-tala skráð) 3.6.2010 kl. 11:05]

Afbragðs samantekt, nú sem oft áður.

Þú segir:  "Fjölmiðlar hafa ekki rými fyrir óánægjuraddir ekki nú frekar en fyrir hrun". 

Spurning:  Var tekið viðtal við borgara  - íbúa - venjulegt fólk - á Suðurnesjum í framhaldi af sölu á HS til sænska skúffufyrirtækisins og spurt um viðbrögð ?   Held ekki !  Firringin er alger.

Áhugavert innlegg hjá Atvinnulaus.  Fram kemur að hún hafi verið í 3 stöðum til að framfleyta sér.  Hvað segir þetta okkur um lægstu launin hér ? Það verður nú ansi erfitt að lyfta þeim upp úr þessu, ekki síst vegna vinnubragða verkalýðsforystunnar sem er með allt niður um sig og hefur í áratugi skrifað undir smánarlaun fyrir verkafólk landsins. Hirðir ekki ekki forkólfurinn þar annars á hátt í tíföld laun verkamanns  ? Hvað segir það um afstöðu viðkomandi til umbjóðenda sinna og hugarástand ?

[Atvinnulaus (IP-tala skráð) 14.6.2010 kl. 20:35]

Sæl aftur,

 Merkilegt er að svokallaður jöfnuður í þjóðfélaginu sem Jóhanna og Steingrímur tala í sífellu um snýst um að jafna  öll laun og fríðindi en sá jöfnuður fer bara niður á við ef eitthvað er  .....

enginn má hafa hærri laun en forsætisráðherra sem er með ca 950.000 kr í laun á mánuði, og er ég ekki að draga úr launatölunni heldur ætti að draga þá niður öll opinber gjöld í samræmi við þessar launaskerðingar...  tölum varðandi  heilbrigðiskostnað og almenn þjónustugjöld, t.d. hjá bönkum, símafyrirtækjum og orkustofnunum !!! 

Og ekki má gleyma að þegar frysta á laun skal frysta allt verðlag og allar skuldir  í kjölfarið því annað væri ólöglegt, ekki satt ???