Vilja ekki auðlindirnar í forsjá þjóðarinnar

Sjálfstæðisflokkurinn ber meginábyrgð á því hvernig byggðum landsins hefur blætt undanfarna áratugi. 

Davíð Oddsson og Halldór Ásgrímsson hönnuðu kerfi sem markvisst saug arðinn af íslenskum auðlindum og íslenskri vinnu og skilaði fjármununum inn á aflandsreikninga sem tilheyrðu kvótafurstum og mönnum sem sölsað höfðu undir sig ríkisbanka með fulltingi Davíðs og Halldórs. 

Sjálfstæðisflokkurinn gerði dómskerfið á Íslandi vanhæft með klíkuráðningum. DV segir frá tengslum hæstaréttardómara sem dæmdu í stjórnlagaþingsmálinu við kvótaklíkuna og sjálfstæðisflokk:

Viðar Már Matthíasson dómari er bróðir Guðbjargar Matthíasdóttur í Vestmannaeyjum, en hún og fyrirtæki hennar eru einn voldugasti handhafi veiðiheimilda í landinu og aðaleigandi Morgunblaðsins.
Jón Steinar Gunnlaugsson dómari barðist árum saman fyrir óbreyttu kvótakerfi og séreignarrétti í sjávarútvegi áður en hann settist í Hæstarétt. Hann var einnig í svonefndum Eimreiðarhópi frjálshyggjuarms Sjálfstæðisflokksins á áttunda og níunda áratugnum.
Gunnlaugur Claessen dómari var einnig í Eimreiðarhópnum ásamt Jóni Steinari, Davíð Oddssyni, Baldri Guðlaugssyni, Þorsteini Pálssyni, Geir H. Haarde, Hannesi Hólmsteini Gissurarsyni og fleirum.
Árni Kolbeinsson dómari var lengi ráðuneytisstjóri í sjávarútvegsráðuneytinu meðan kvótakerfið, framsal og annað var fest í sessi. 

 

Skapa þarf vissu um framhaldið

Athugasemdir

[nafnlaus (IP-tala skráð) 26.1.2011 kl. 17:07]

Ok gott og vel.

En geturðu gagnrýnt ákvörðun Hæstaréttar á málefnalegan máta?

[Ársæll Steinarsson (IP-tala skráð) 26.1.2011 kl. 17:16]

Veit ekki betur en að núverandi kvótakerfi hafi verið fest í sessi árið 1990 af þáverandi ríkisstjórn sem í sátu m.a.

....ta, da, da, daaaahhh.......

Jóhanna Sigurðardóttir og Steingrímur J. Sigfússon, hvorki meira né minna.

Davíð Oddsson var ekki í þeirri stjórn.

Og Davíð og Halldór hönnuðu ekki neitt kerfi sem saug fé í aflandsfélög.

Þetta kerfi var samið og hannað af hvorki meira né minna en ESB og kom hingað í formi EES samningsins sem Íslensk stjórnvöld skuldbundu sig til að innleiða.

Jakobína, hættu nú þessari vænisýki og líttu þér nær.

Samfylkingin og VG eiga eftir að lenda í sögubókum framtíðarinnar sem verstu stjórnsendur þessa lands sem stjórnuðu með hótunum, frekju og yfirgangi. 

[Populus (IP-tala skráð) 26.1.2011 kl. 17:17]

Þetta er mjög sláandi listi, sem þú ert með þarna, Jakobína. Mann er hætt að undra þótt þessi stofnun hafi ekki lengur traust þjóðarinnar.

[Ásthildur Cesil Þórðardóttir, 26.1.2011 kl. 17:27]

Orðið "málefnalegt" er hlægilegt í munni sumra hér sem vilja verja sjálfstæðísflokkinn út yfir grög og dauða.  Það þarf engan meðalmann til að sjá samhengið og hvernig allt er í pottinn búið.  Ég vona bara að almenningur fari að opna augun og sjá spillinguna sem viðgengst enn og allt til unnið til að viðhalda óbreyttuástandi.  Þeir sem vilja breytingar vilja heldur ekki gefa fjórflokknum atkvæði sitt.  Þeir heimta óspillt öfl og margir biðja nú um utanþingsstjórn meðan hreinsunin fer fram. 

[Samsæriskenningarverðlaunanefndin (IP-tala skráð) 26.1.2011 kl. 17:47]

Hver skrifaði þessa grein í DV ? ....tadadahh... Jóhann Hauksson samfylkingar blekbytta.

Og tilnefndir til samsæriskenningasmiðaverðlauna ársins eru.... tadada..... Jakobína Ingunn og Jóhann Hauksson.

Og verðlaunin hlýtur.....tadadaaaaaaahh.... Jakobína

Jakobína hlýtur verðlaunin vegna fjölda greina sem á svo ævintýralegan hátt væna allt að því alla nema hana sjálfa um samsæri, arðrán, glæpi og níðingshátt. Samsæris raddir hafa þó hvíslað því að okkur að í næstu grein muni Jakobína toppa sjálfa sig með því að væna sjálfa sig um samsæri gegn sér sjálfri. ...hún hafi hlerað allt sem hún hafi gert allt sitt líf, hafi safnað gögnum um sig sjálfa og notað það til að vinna markvisst gegn sjálfri sér ...stay tuned!

[TómasHa, 26.1.2011 kl. 18:06]

Það þarf nú ekki stjórnlaga þing til að innkalla aflaheimildir, fyrir utan að það var nú með öllu óvíst að menn hefðu komist að einhverri ákveðinni niðurstöðu um þetta mál á stjórnlagaþinginu. Niðurstaðan verður hvort sem er að fara í gegnum þingið eftir að hún er komin frá Stjórnlagaþinginu.

Ef það er vilji hjá Ríkisstjórninni að gera þessar breytingar þá getur hún gert það á morgun.

Hver skipaði annars Viðar, var það ekki Ögmundur.

[Ásthildur Cesil Þórðardóttir, 26.1.2011 kl. 18:07]

Afar málefnalegt innlegg eða hitt þó heldur.  Sjálfstæðismenn og fjórflokkurinn í heild eru sennilega að fara á taugum.

[Pétur Harðarson, 26.1.2011 kl. 18:14]

Samsæriskenningarnar eru orðnar æði margar og þær koma úr öllum áttum. Það sýnir kannski vantraustið sem fólk hefur á alþingi og þeim flokkum sem þar sitja.

[Viðar Ingvason (IP-tala skráð) 26.1.2011 kl. 18:25]

Ráðherrar sjálfstæðisFLokksins hafa skipað 9 af 12 dómurum hæstaréttar. Ríkissaksóknari er gjörspilltur og réttarkerfið mannað faglega vanhæfum, flokkshundum og ættingjum.

Kvótaþjófarnir í valhöll eru búnir að breyta SA í áróðursdeild innan LÍÚ. Vilhjálmur Egilsson hótar að fórna atvinnulífi landsins ef skerða á forréttindi kvótagreifanna.

Kominn tími á að henda þessu þessu kerfi í heilu lagi.

[Einar (IP-tala skráð) 26.1.2011 kl. 18:29]

Viðar:

Þú segir henda þessu kerfi í heilu lagi.

Er nokkuð annað en ESB eina leiðin til þess ?

[Ólafur Als, 26.1.2011 kl. 18:36]

Höfundur, sem titlar sig dýrum titlum, er hér á heldur hálu svelli. Það, að tilheyra stjórnmálahreyfingu, hvort heldur kenna má hana við Eimreiðar eða önnur faratæki gerir ekki einstaklinga sjálfkrafa vanhæfa. Að halda slíku fram eru ódýr fræði.

Að benda á rangfærslur í málflutningi hlýtur að teljast gott mál og einstaklingur á borg við Ásthildi ætti að sjá það. Hver afstaða Ásthildar og annarra er til kvótakerfis og því sem því tengist er svo annað mál. En að ætla Davíð að vera e.k. höfuðpaur kerfis sem lagt var af stað með árið 1983 og tók breytingum fram á hans pólitísku daga í landstjórninni - og reyndar einnig eftir það - er plebbalegt og ekki við hæfi einstaklings sem gefur svo víðtækan vitnisburð um sitt vísindalega upplag.

[Viðar Ingvason (IP-tala skráð) 26.1.2011 kl. 18:49]

Einar - án inngöngu í ESB er vonlaust að ráða niðurlögum glæpahópanna.

[Pétur Harðarson, 26.1.2011 kl. 18:58]

Rökstyddu það Viðar. Hvað færir ESB okkur sem breytir einhverju til batnaðar? Það er fólk í æðstu stöðum Evrópuþingsins án þess hafa hlotið lýðræðislega kosningu á sinni lífstíð. Þar er fólk líka ráðið út á klíkuskap. Af hverju ætti að ESB að breyta einhverju til batnaðar hér?

[Gunnlaugur I., 26.1.2011 kl. 20:13]

Tek undir með greinarhöfundi, að hér er maðkur er í mysunni svo sannarlega.

En tek einnig undir með Pétri Harðarssyni hér að ofan við að mótmæla Víði Ingvarssyni að ESB klíkan myndi eitthvað laga hér nema síður sé, því að það er svo sannarlega gjörspillt ormagrifja, sjálftökuliðs og siðspillts elítu pakks.

Það myndi aðeins verða til að auka möguleika spillingar og sóunar aflanna hér svona eins konar framlenging fyrir elítuna hér til að nýta sér enn fleiri smugur sem ESB apparatið framkallar með flóknu og ógegnsæju tilskipanavaldi sínu, einmitt til aukinnar valdasamþjöppunar og siðspillingar.

Elítur allra landa sameinast í ESB apparatinu !    

[Viðar Ingvason (IP-tala skráð) 26.1.2011 kl. 20:40]

Það er rík ástæða fyrir því að mafíósarnir berjast um á hæl og hnakka þegar stjórninni tekst að mjaka okkur í átt að ESB.

[Pétur Harðarson, 26.1.2011 kl. 20:50]

Er það ekki kallað mafíustríð þegar ein mafíufjölskylda berst við aðra mafíufjölskyldu? Að leggja þjóðina inn í ESB eingöngu til að koma höggi á íhaldið er mjög vafasamur leiðangur. Það væri best ef stjórnmálamenn hefðu kjark til að taka á málum sjálfir í staðinn fyrir að leiða okkur inn í deyjandi skrifstofubálkn þar sem við verðum kæfð í þríriti.

[Jakobína Ingunn Ólafsdóttir, 26.1.2011 kl. 22:21]

Hér er skemmtileg umræða. Kannski einhver ykkar fræði okkur um það hver var forsætisráðherra þegar framsal á kvóta var fest í sessi. Það er ekkert að því að hafa fiskstjórnunarkerfi en Davíð og Halldór eru höfuðpaurarnir í því að gera breytingar á þessu kerfi sem höfðu skelfilegar afleiðingar fyrir landsbyggðina og fyrir smábátasjómenn.

Engu af því sem haldið er fram í færslunni um hæstarréttardómara er andmælt hér. Þessar staðreyndir segja sitt um það hvernig búið er að rústa dómskerfinu með klíkuráðningum í hæstarétt.

Það var gert í boði Halldórs og Davíðs.

Ársæll Steinarsson þú ættir að leggja þig fram um að skilja merkingu hugtaka áður en þú ferð að nota þau.

Kannski nærð þú þá að hitta í mark með rökum þínum.

[Ásthildur Cesil Þórðardóttir, 27.1.2011 kl. 08:29]

Enda var Halldór að skara eld að eigin köku eða fjölskyldunnar.  Það þyrfti að rannsaka þá embættisfærslu sem færi honum og hans fólki milljarða á silfurfati.