Barist gegn ofríki fjármálakerfisins

Á morgun hefur þú tækifæri til þess að segja NEI. Þú hefur tækifæri til þess að taka þátt í baráttunni gegn eignaupptöku og ofríki fjármálakerfisins.

Icesave er ekki deila á milli vinstir og hægri.

Icesave samningurinn er tilraun til þess að kúga íslenska skattgreiðendur til þess að taka á sig ábyrgð af viðskiptum fjármagnseigenda og auðmanna. 

Þingmenn í flokkum Samfylkingar, Sjálfstæðismanna og VG hafa stillt sér í lið með fjármálakerfinu og vinna að því með alþjóðasamfélaginu (sem er samtök fólks sem lifir á því að kreista lífið úr atvinnulífi og viðskiptum annars fólks) að gera ríkissjóð að tryggingakerfi fyrir sparifjáreigendur. Þetta þýðir að í stað þess að skattar almennings fari í að byggja upp þjónustu og innviði samfélagsins er þeim veitt inn í fjármálakerfið og í vasa bankaeigenda.

Vopn fjármálamafíunnar eru hræðsluáróður og höfðað er til undirgefni og þrælslundar til þess að fá almúgann til þess að vinna gegn sjálfum sér. 

Ég ætla að standa mér sjálfri mér, skattgreiðendum og kjósendum og segja NEI

Ég ætla að standa með íslenskri þjóðmenningu, íslensku atvinnulífi og íslenskum viðskiptum og segja NEI.

Írar horfa til Icesave-kosningar

Athugasemdir

[Friðrik Hansen Guðmundsson, 8.4.2011 kl. 12:56]

Góður pistill að vanda. Takk fyrir hann og einnig takk fyrir frábæra baráttu síðustu vikur.

[sr (IP-tala skráð) 8.4.2011 kl. 13:25]

Sammál þér í einu og öllu, meintir vinstri og jafnaðarmenn hafa að engu gert vonir almennings hér á landi um réttlæti.

Nú er ekkert annað eftir en að segja nei. Þá er kannski von.

[Ómar Geirsson, 8.4.2011 kl. 17:08]

Mikið sammála, og tek undir með Friðrik.

Það er vor í vændum og gott fólk mun taka yfir.

Kveðja að austan.

[Rakel Sigurgeirsdóttir, 8.4.2011 kl. 22:13]

Sterkur og góður pistill Jakobína!