Eins og reitt hæna...

...sagði einn hollenskur þingmaður um Ísland þegar hann vildi lýsta vanþóknun sinni á glundroðanum á Íslandi. Það er ekki furða þótt Jóhanna hafi verið skíthrædd þegar hún vildi frekar stefna þjóðinni í áratuga þrældóm heldur en að þurfa að hlusta á svona uppnefningar.

Nú er mikið fárviðri meðal valdhafanna í Evrópu sem ekki mega hugsa til þess að lýðræðið geti valdið þeim slíkum búsifjum.

Fyrir mér er heimurinn þó ekki sérlega ruglingslegur. Við vitum hvar við höfum Evrópuvaldið. Það vill ekki lýðræði. Við vitum hvar við höfum Jóhönnu hún er skíthrædd við uppnefningar.

En...

Hvar í andskotanum höfum við Bjarna Ben?

Dreymir hann um að koma sér á flug á enn einni loftbólunni?

---------------------------------------------------------------------------

Úr DV:

Viðskiptablaðið greindi frá því á fimmtudaginn að um 85 prósent af bótasjóði Sjóvár hefði runnið til Milestone og ættingja Bjarna í Vafningsfléttunni. Upplýsingarnar eru fengnar upp úr ársreikningi Sjóvár fyrir 2009 og hafa lánin, samtals um 19,3 milljarðar króna, verið afskrifuð í bókum tryggingafélagsins. Eftir stendur sú mynd að Bjarni og félagar hafi tæmt bótastjóðinn til að bjarga eigin skinni.

Talað er fyrir því á feisbókinni að lýsa vantrausti á.....

B(J)arna Ben

Þorgerði Katrínu

Tryggva Þór

og Guðlaug Þór

Loksins, loksins

Athugasemdir

[Gegn Evró-Centrisma, fyrir mannkynið. (IP-tala skráð) 12.4.2011 kl. 21:18]

Kæra Jakobína. Komið hefur fram að mál okkar mun líklega gagnast þriðja heims þjóðum, það er aðeins tímaspursmál hvenær, og einnig hversu mikið, það fer eftir árangrinum, en hvort er ekki spurning, eins og fjallað hefur verið um á fjölda erlendra netmiðla.......

Nú viðhafa menn mikinn og innantóman orðaflaum í sinni vondu samvisku um "þjóðrembu" og sést yfir það að helsta orðið yfir "rasisti" sem er notað í Englandi og víðar í kurteislegum félagsskap er orðið "Euro-centric", sem lýsir heimóttarlegum sveitalubba með rasískar kenndir, sem lætur hag Evrópu ætíð ganga fyrir, einblínir á Evrópu í öllum málum, menningarlegum, menntunarlegum, fjárhagslegum...og hagar jafnvel samvisku sinni eftir þessu rasíska viðhorfi sínu.

Þeir sem hafa hæst í dag og sætta sig minnst við lýðræðislegan vilja þjóðarinnar eru margir í þessum hópi. Þeir eru þjakaðir af bældum rasisma og það þarf að fara að kalla þetta sínu rétta nafni. Euro-centricismi á að tilheyra liðnum öldum og þykir villimannslegur og frumstæður í dag. Við skulum láta þetta orð heyrast víða og fagna því að Euro-centrísk viðhorf skuli ekki hafa náð yfirhöndinni á Íslandi.

Svo má nefna að hugmyndin um "Evrópumanninn" er upphaflega byggð á kynþáttahaturslegum grunni, svipuð og hugmyndin um "hvíta manninn" í Bandaríkjunum var, en um tilurð þeirra hugmyndar eru til margir áhugaverðir fyrirlestrar sem auðvelt er að nálgast.

Allir hafa sín dýrmætu verðmæti sem heimsvaldastefnan leitast við að hafa undir hælnum í hagnaðarskyni. Íslendingar eiga rétt á tilvist sinni sem þjóð, líkt og allir aðrir hópar manna, þar á meðal hópar eins og Baskar, Kúrdar og fleiri. Við varðveitum þannig okkar menningu handa öllum heiminum og njóti hver sem vill, en án okkar verður hún ekki lengur til.

Við erum öll systur og bræður og Evrópumenn eiga á engan hátt frekar skilið samúð okkar en aðrir. Við skulum segja það skírt og heiðarlega að annars konar hugsun ER kynþáttahatur og óásættanleg í samfélagi siðaðra manna, og fordæma þá sem halda í gamla rasisman og heimsvaldastefnuna með þessu viðhorfi, eins og sorglega margir já-sinnar sem þrá það helst að sameinast rasísku blekkingunni um "Evrópumanninn" hafa.