Hvaða fjandans brimskafl er þetta?

Þeir félagar virðast hafa fengið snert af sjóriðu þarna úti í Ameríku. Steingrímur talar eins og hann hafi nánast með handafli beygt Moodys til þess að lækka ekki matið. Staðreyndin er einfaldlega sú að Moodys hefði aldrei verið stætt á því að lækka matið vegna þess að einkaskuldir voru ekki færðar yfir í ríkissjóð. Slíkt hefði rústað endanlega trúverðugleika fyrirtækisins.

Árni Páll Árnason talar eins og að hann sé sveittur og skítugur við að spyrna við óróa og segir tíðindin vekja vonir um að „takast muni koma í veg fyrir mikinn óróa í framhaldi af þjóðaratkvæðagreiðslunni um Icesave“.

Ég get alveg séð þessa peyja fyrir mér þarna í Ameríku með húfuna milli handanna eins og gamlir sveitamenn og biðja sér vægðar fyrir ímyndaðir vá. 

 

Varnarsigur fyrir Ísland

Athugasemdir

[Óskar Guðmundsson (IP-tala skráð) 21.4.2011 kl. 01:33]

Ætli Sólbrúni Sauður hafi lært að reikna í þessari ferð.

Hann viðurkenndi allavega áður en hann fór að hann væri ekki fær um að reikna út endurútreikninga lána eftir lögum sem hann sjálfur setti.

[Guðmundur Pétursson, 21.4.2011 kl. 02:00]

Þarna er jarðfræðingurinn og fyrrum íþróttaþulurinn Steingrímur að tala um hvernig brim og sjógangur hafa áhrif á berg með tímanum. Hann hefur sér til halds og trausts, kjánann og lagatækninn Árna Pál sem hefur víst mikið vit á sköflum eftir að hafa dottið í þá og um þá ótæpilega í gegnum tíðina.

[Pro-Joe (IP-tala skráð) 21.4.2011 kl. 02:54]

Þetta er ekki undirlægjuhætti, sleikjuskap og stanslausu slefi Steingríms utan í hvern erlendan peningamann að þakka, skóburstun hans eða öðrum undirlægju pervertisma sem hann sýnir AGS og sérhverjum bjúrókrata ESB, heldur hetjulund, hugrekki og réttsýni forseta vors!!!

[Þórður Runólfsson (IP-tala skráð) 21.4.2011 kl. 03:05]

Í gegnum brimskaflana öðlast Brima-Steingrímur aftur (vonandi) trú á Íslandi.

[Hrafn Arnarson (IP-tala skráð) 21.4.2011 kl. 08:05]

Ákvörðun Moodys er útskýrð ágætlega í tilkynningunni sem þeir sendu frá sér. Undir yfirlýsinguna skrifar starfsmaður þeirra Kathrin Muehlbronner sem samkvæmt mínum upplýsingum er þýskur hagfræðingur. Þeir sem hafa meiri áhuga á leðjuslag við Árna og Steingrím halda bara áfram að skrifa blogg og athugasemdir eins og er hér að ofan.

[Ragnar Gunnlaugsson, 21.4.2011 kl. 08:15]

Gleðilegt sumar Jakobína. Nú líkar mér skrifin þín.

[Helga Kristjánsdóttir, 21.4.2011 kl. 23:16]

  Þú segir svo spaugilega frá,rétt eins og handrit í  grínmynd. Hafðu þökk fyrir.

[Jóna Kolbrún Garðarsdóttir, 22.4.2011 kl. 01:40]