LÍÚ og fasisminn

Það er alveg sama hvernig menn útlista kvótakerfið. Frumbyggjarétturinn var tekinn af mönnum sem stundað hafa sjósókn öldum saman. Kvótasagan er að öllu leiti af sama meiði og þegar fasistastjórnir taka jarðir af smábændum og afhenda þær óðalseigendum. Í þessu ljósi má skoða LÍÚ sem fasistaafl. Svo virðist vera sem hugmyndafræði nasismans hafi ílengst hér í stjórnmálaflokkum í gegnum einstaklinga sem gengdu trúnaðarstörfum fyrir gamla nasistaflokkinn.

Í kvöld ætla ég að vera algjörlega heilaþvegin. Horfa á Eurovision og ímynda mér að ég búi í samfélagi sem skipar ekki hálfvitum í flesta ráðherrastóla. Loka augunum fyrir eymd annarra og sitja stjörf fyrir framan túpusjónvarpið. Kannski fer ég að sjá fjórflokkinn í gegn um rósrauða móðu.

Vonast eftir lögfestingu fyrir árslok

Athugasemdir

[Joseph (IP-tala skráð) 14.5.2011 kl. 15:20]

Sæl Jakobína

Nú segist þú vera menntuð í félagshagfræði, þannig að ég tek því sem gildu að þú kunnir eitthvað fyrir þér í hagfræði.

Nú. Þú veist vel að ekki er hægt að ganga endalaust á fiskinn í sjónum. Það sést vel á ofveiðinni sem á sér stað hjá ESB (notabene, ESB eru að ræða um að taka upp kvótakerfi svipað því íslenska).

Af þessum sökum verður að takmarka veiðar svo að stofnar viðhaldi sér.

Ertu með mér?

Allt í lagi, höldum áfram.

Nú er spurning hvort þú viljir að ríkið reki 'Ríkisútgerð' eða að fiskveiðar verði stundaðar af einkareknum fyrirtækum. Nú sýnir reynslan að ríkisútgerðir eru iðulega reknar með tapi og því mikill baggi fyrir þjóðina. Þess vegna eru hér einkarekin fyrirtæki víðsvegar um land sem veiða fisk, skila hagnaði og greiða tekju- og auðlindaskatt.

Þú veist kannski líka að Ísland er eitt af fáum ríkjum í heiminum þar sem sjávarútvegur er EKKI ríkissstyrktur, heldur þvert á móti skattlagður umfram aðrar atvinnugreinar. Útgerðirnar greiða milljarða á ári í auðlindagjald til þjóðarinnar. Á sama tíma er t.d. landbúnaðurinn niðurgreiddur af ríkinu bæði með tilfærslum og innflutningstollum. Í rekstri landbúnaðarins er mikið allratap. Hugsanlega þyrfti frekar að stokka upp hlutunum þar heldur en í sjávarútvegnum.

Finnst þér því ekki heimskulegt að setja sjávarútveginn á hausinn því að nokkrir einstaklingar vilja koma honum í "hendur þjóðarinnar" því að ef sjávarútvegur í núverandi mynd fer á hausinn munum við Íslendingar tapa gríðarlegum útflutningstekjum á versta mögulega tíma.

Með því að taka kvóta af fyrirtækjum sem eru búin að hagfræða mikið undanfarin ár og hafa mikla framlegð og færa hann til "þjóðarinnar" að þá mun allt þjóðarbúið tapa, því að hagræðing minnkar til muna.

Fyrirtæki sem hefur kannski fengið 100x í kvóta og keypt sér skip til að veiða 100x með lánum lendir kannski í því að ríkið tekur til baka kvóta sem fyrirtækið KEYPTI LÖGLEGA og þá á fyrirtækið kannski eftir 75x en það þarf ennþá að borga af skipinu sem það keypti með það að markmiði að veiða 100x. Þannig að fyrirtækið nær ekki að hámarka afsköst sín og skilar tapi. Þá mun fyrirtækið ekki greiða tekjuskatt til ríkisins.....þannig að allir tapa!

Þetta er svipað og ef að Krónunni og Bónus væri bannað að reka verslanir stærri en 150fm og í stað fengjum við 5 litlar verslanir í staðin fyrir hverja Bónus verslun. Þá myndi vöruverð hækka í öllum litlu verslununum því hagræðingin væri miklu minni (hærri hlutfallslegur fastakostnaður).

Í staðinn fyrir að vera með upphrópanir og kalla útgerðarmenn og félaga í Landsambandi íslenskra útvegsmanna fasista, þá skaltu frekar færa rök fyrir þínum skoðunum.

[Árni Gunnarsson, 14.5.2011 kl. 15:58]

Rökin voru í upphafi pistilsins hjá Jakobínu. Þú tókst ekki eftir þeim af því þú kærir þig víst ekki um rök. Það er vitað - er í skýrslum - að í dag veiðum við þriðjung þess sem við veiddum í upphafi kvótasetningar. Er það árangur sem menntaðir félagshagfræðingar sætta sig við? Brottkastið er innbyggt í kerfið okkar sem er aflamarkskerfi. Til er kerfi sem kallast sóknarkerfi og þar er dögum uthlutað en ekki afla, svo bottkast er útilokað. Þetta kerfi nota Færeyingar og vilja ekki sjá okkar kerfi. Færeyingar eiga tvö hryllingstímabil í sögu sinna fiskveiða. Það fyrra var tími seinni heimsstyrjaldarinnar og það seinna árin tvö sem þeir notuðu íslenska kerfið frá Hafró og LÍÚ.

Það mun áfram verða veiddur allur sá fiskur sem miðin okkar bjóða upp á þótt hver einasta útgerð sem nú starfar fari á hausinn.

Málið snýst fyrst og fremst um það sem bloggritari lagði upp með og er að hinn svokallaði frumbyggjaréttur var tekinn og færður gullkálfum pólitískra óhappamanna. Sumir hafa talið að þar hafi orðið upphaf þeirrar fjármálspillingar sem líklegt má telja að stefni Íslandi í gjaldþrot innan fárra ára.

Þú setur upp dæmi og það er auðvelt að setja upp dæmi sem skilar niðurstöðu sem til er ætlast. Í sjávarútvegi gerir útgerðarmaður ráð fyrir því að aflabrestur geti orðið og þess vegna gangi áætlanir hans ekki upp.

Heimskulegasta röksemd sem ég hef á minni ævi heyrt er röksemd sú sem LÍÚ hefur beitt undanförnu og vinnulýður þeirra úr Sjálfstæðisflokknum inni á Alþingi. Og þetta er ályktunin um að útgerðir leggi ekki í fjárfestingu vegna þess hversu mikilli óvissu sé búið að stefna útgerðinni í. Telur LÍÚ að samtök þeirra geti séð útger á Íslandi fyrir jafnstöðuafla í einhverjum veiðistofnum?

Flestar rökleysur nota rökþrota menn í neyð.

En vonandi er sá tími liðinn að útgerðartittirnir geti selt sameiginlega auðlind þjóðarinnar fyrir milljarða og stungið af með ránsfenginn.

[Eyþór Örn Óskarsson, 14.5.2011 kl. 18:15]

Gott hjá þér Jakobína og þér líka Árni - ég held bara að það sé ágætis tillaga að taka sér pásu í kvöld og planta sér fyrir framan skjáinn og vona að grátkór LÍÚ syngi ekki milli atriða ............

[Jakobína Ingunn Ólafsdóttir, 14.5.2011 kl. 18:21]

Já ég ætla að gleðjast með góðri samvisku við túpusjónvarpið mitt sem ég veit með vissu að er ekki stolið frá neinum. Notaleg tilfinning sem sumir þekkja ekki.

[Hrafn Arnarson (IP-tala skráð) 14.5.2011 kl. 18:29]

Við skulum gæta að orðanotkun. Líú eru ekki fasísk hreyfing. Kvótakerfi hefur ekkert með fasisma að gera. Kvótakerfið í núverandi mynd verður til með lögum 1984. Á grundvelli veiðireynslu er aflaheimildum úthlutað. Aðferðin er mjög umdeilanleg. Fénýting kvóta sem byggist á rétti til framsals og lítilli veiðiskyldu leiðir til gífurlegra fjármagnsflutninga innan greinarinnar og út úr henni. Kvótinn hefur safnast á fáar hendur og neikvæðar afleiðingar hagræðingar blasa hvarvetna við. frumvarp ríkisstjórnarinnar er skref í rétta átt.

[Jakobína Ingunn Ólafsdóttir, 14.5.2011 kl. 19:21]

Hrafn Arnarson eigum við ekki frekar að spyrja hvað það er sem kallað er fasismi. Veiðistjórnun er eitt en að færa örfáum aðilum einkarétt á að nýta sjávarauðlindina sem hefur aflað hefur frumbyggjum lífsviðurværi um aldir er annað og ekkert hugtak nær betur að lýsa inntaki þessarar stefnu en orðið fasismi.

Annað einkenni fasismans hefur verið mjög áberandi undanfarið í tengslum við LÍÚ og það er yfirtaka á fjölmiðlum, gengdarlaus áróður og tilraun til þess að taka yfir lýðræðislega kosið stjórnvald. 

[Jakobína Ingunn Ólafsdóttir, 14.5.2011 kl. 19:21]

Ergo fasísk hreyfing

[Jakobína Ingunn Ólafsdóttir, 14.5.2011 kl. 19:23]

Orðið fasismi missir ekki gildi sitt þótt stefnunni hafi verið komið á með löggjöf

[Ólafur Örn Jónsson, 14.5.2011 kl. 23:48]

Já Jakobína það er ákkúrat það sem verið er að gera. Taka veiðilendur okkar og setja þær í hendur manna sem færast lengra og lengra frá veiðunum. Ég er síðustu 15 ár búinn að starfa við ráðlegginar erlendis og það er bein tengsl milli illa rekinna fyrirtækja í sjávarútvegi og fjarlægðar eingendanna frá veiðinni. Þar sem eigendurnir eru á skipunum eru flottustu útgerðirnar.

Jóseph gefur mér eitt tækifæri í viðbót að sanna fullyrðingu mína sem kostaði mig starfið í sjávarútvegi á Íslandi. Að aðeins HEIMSKA eða GRÆÐGI fá menn til að mæla með kvótakerfinu.

Jóseph það var stjórnkerfi hér fyrir Kvótakerfið og það gafs vel og virkaði bæði við að byggja upp stofnanna og hámarka afraksturinn. "Ertu með mér"?

Ég er ekki með ríkisútgerðum en hér voru tvær bæjarútgerðir í Sóknarmarkinu sem skiluðu ágætis afkomu. BÚR og ÚA svo að allir með eitthvað milli eyrnanna get gert út Íslandsmiðum. "Ertu með mér"?

Aðrar þjóðir þar sem sjávarútvegur er 70% af útflutningstekjum??? Já Auðlinda skatturinn er 5 milljarðar en afskriftirnar vegan óðaskulda eins og Skinney/Þinganes var fjárdráttur upp á 2,6 milljaða. Nei við fáum ekki mikið út út stærstu auðlind landsins. Hvað fær Noregur í auðlindasjóðinn af Olíunni? "Ertu með mér"? 

Sjávarútvegur á Íslandi er tæknilega á hausnum í dag með þær skuldir sem stofnað hefur verið til með margfeldi kvótaveðanna. Í hópi þeirra úðgerða aðila sem núna stunda veiðarnar eru vel að sínu hlutverki komnir en það eru margir fleiri eins færir og að taka hluta af heimildunum og skipta uppá nýtt mun ekki færa veiðina í Ríkisútgerð heldur í hendurnar á sjómönnum sem kunna sitt verk ekki síður en þeir sem eru fyrir. Enginn á að hafa einokun á atvinnurétti allir eiga að sitja við sama borð. Virða á rétt einstaklingsins til orðs og athafna.

Hagræðing olíufélaganna fór fyrir lítið þegar upp komst um samráðið. Sama með korta fyrirtækin og núna gosið. Eiga byggingaverktakar ekki að fá "kvóta" á bygginar og tannlæknar á sjúklinga o. s.frv. ? Einokun er bara góð fyrir þá sem njóta.

Einar Ben seldi manni í London norðurljósin. Eignin er þjóðarinnar og verður alltaf. Enginn þurfti að veltast í vafa um hvað gæti gerst þar sem þjóðin hefur marg lýst skoðun sinni á kvótakerfinu. (Sagan um Ís bílinn)

Þvaður Krónan og Bónus eru í beinni samkeppni og engin einokun þar eins og núna er á kvótanum. Þetta er það sem verður að afnema og færa veiðarnar nær þjóðinni svo óða skuldsetningin stoppi. Hvernig geta menn mælt með að fjárdráttur sé stundaður út á eign þjóðarinnar.

Þú ferð fyrst með rökleysu sleikjandi r......ið á félögum þínum og hefur örugglega ríka ástæðu til. Hvort þetta er fasismi sem stundaður hefur verið veit ég ekki en ofbeldið sem beitt hefur verið til að keyra niður mótmæli gegn þessari endaleysu sem leiddi okkur í gjaldþrot bendir til að ekki gangi allir heilir sem standa að baki þessu. 

[Jakobína Ingunn Ólafsdóttir, 15.5.2011 kl. 00:43]

Ólafur ef þú vilt senda þessum Joseph tölvupóst þá er netfangið sem hann gefur upp: [e-mail]

[Ólafur Örn Jónsson, 15.5.2011 kl. 12:15]

hahahaah já ákúrat ahahhahahah