Talað til auðtrúa almúgans

Framsóknarflokkurinn er sá flokkur sem valdið hefur þjóðinni meiri skaða en nokkur annar flokkur miðað við stærð.

Fjárglæframenn hafa sífellt lagt undir sig forystu í flokknum með skelfilegum afleiðingum. 

Fréttir fóru af því eftir hrun að byggingarverktakar hefðu verið gjöfulir við stjórnmálamenn bæði hjá borg og ríki. Ráðherrar í tíð Framsóknar voru líka góðir við verktakana og hækkuðu fasteignamatið ólöglega til þess að auka veðhæfni eigna og skapa grundvöll fyrir hækkun fasteignaverðs. Þar sem fasteignamatið er álagningagrunnur í skattaútreikningum má ekki hækka það nema fyrir því sé sérstök heimild í lögum. En aukin veðhæfni fasteigna var grundvöllur fyrir fasteignabólunni.

Framsóknarmenn tóku þá stefnu eftir hrun að selja auðlindir til þess að tryggja auðmannaklíkunni að komast frá borði með ránsfeng. Óskar Bergsson var sendur inn í Borgarstjórn til þess að reita það sem eftir var að HS orku í erlenda fjárfesta. Ekki hefur heyrst eitt orð um það frá Framsóknarflokknum að tryggja það að arður af auðlindunum skili sér til þjóðarbúsins enda hentar það ekki plútókrötunum.

Það er hægt að velja tvær leiðir til þess að slá á skuldir þjóðarbúsins en þær eru annars vegar að selja erlendum aðilum auðlindir eða hins vegar að tryggja þjóðarbúinu arð af auðlindunum. Ef fyrri leiðin er valin þá erum við að láta afkomendurna borga fyrir gerræði valdaelítunnar með því að gerast leiguliðar í eigin landi. Seinni leiðin er siðferðilega sterkari en valdaelítan berst gegn henni vegna þess að hún vill ekki skila neinu. Hún vill selja landið og skuldsetja þjóðina til þess að komast frá borði með ránsfenginn.

Framsóknarflokkurinn ber mikla ábyrgð á spilltri stjórnmálamenningu. Forysta hans hefur jafnan selt velferð almennings til þess að komast að gnægtaborðinu með Sjálfstæðisflokki.

það er nánast regla að menn sem taka að sér forystu í Framsókn hafa auðgast vel, á kvótakerfi, með einkavæðingu banka, með því að selja sjálfum sér einkarétt á þjónustu við ríkið (pabbi Sigmundar Davíðs), með því að afhenda einstaklingum úr sínum röðum rétt til skattheimtu (mælagjald til Finns Ingólfssonar) og svo má lengi telja.

Það er veikt að benda sérstaklega á núverandi valdhafa og kenna þeim um sundrungu því allur fjórflokkurinn hefur beitt orðræðu sundrungar í áróðri sínum og kappi um völd. 

Íslendingum allir vegir færir

Athugasemdir

[Jón Valur Jensson, 28.4.2012 kl. 14:52]

Ýmsir í SÍS-klíkunni, sem stungu af með eignir kaupfélaganna og stóru samvinnufélaganna, sem og fleiri braskarar, voru kannski undir verndarvæng gömlu Framsóknar og maka nú krókinn, en nýrri kynslóð þingmanna þess flokks verður ekki um það kennt.

Steingrímur J. Sigfússon var nú með heimskulegum Icesave-lögum sínum kominn langleiðina með að gera flokk sinn að þeim "sem valdið hefur þjóðinni meiri skaða en nokkur annar flokkur miðað við stærð", hefði ekki þjóðin sjálf með forsetann í fararbroddi komið í veg fyrir tiltækið.

Engu að síður er skaðinn af VG augljós, m.a. alger frysting virkjana- og stóriðjumála, meðan við búum við sem mest atvinnuleysi.

Mesti skaðvaldurinn, með einbeittasta brotaviljann, er þó Samfylkingin.

[Jakobína Ingunn Ólafsdóttir, 28.4.2012 kl. 22:14]

Virkjanir og stóriðja er ekki atvinnuskapandi. Innan við 2% vinnuaflans vinna við þá iðju. Það var sjálfstæðisflokkurinn sem átti upphafið að Icesave. Baldur Guðlaugsson ráðuneytisstjóri og Árni Matthiesen þáverandi fjármálaráðherra samþykktu þessa óhæfu fyrst og komu því í gegn um þingið að ríkisstjórnin fengi umboð til þess að semja við Breta og Hollendinga.

Það var sjálfstæðisflokkurinn sem bar ábyrgð á því að gera rekstur einkabanka Björgólfs Thors að pólitísku milliríkjamáli. Þetta fékk Steingrímur í fangið og spilaði illa úr því. En við skulum hafa söguna rétta.

[Jón Valur Jensson, 29.4.2012 kl. 00:34]

2% vinnuaflsins er ekki lítið, Jakobína Ingunn, og afleidd störf munu vera afar drjúg til viðbótar (þetta var í fréttum í Mbl. nýlega, mig minnir byggt á athugunum Ragnars Árnasonar hagfræðiprófessors), enda eru laun í þessum geira og þar með tekjuskattar og útsvör tiltölulega há. Þar að auki tek ég undir kröfuna um hærra raforkuverð til stóriðju og hef sjálfur mælzt gegn áframhaldandi upphleðslu mengandi verksmiðja á mesta þéttbýlissvæði landsins.

Varðandi Icesave-málið ver ég ekki gerðir Sjálfstæðisflokksins, enda gekk ég úr honum vegna slakrar frammistöðu hans þar. Hitt mátti Árni Mathiesen eiga, að ekki laut hann ógnunar- og kúgunarvaldi Evrópusambandsins, Breta og Hollendinga, þegar hann neitaði að taka þátt í skyndi- og sýndarréttarhöldum gerðardóms á vegum þessara ofsækjenda okkar, þ.m.t. Esb.

[Jón Valur Jensson, 29.4.2012 kl. 00:36]

Svo máttu ekki gleyma hlut kratanna Björgvins G. Sigurðssonar og Jóns Sigurðssonar, stjórnarformanns Fjármálaeftirlitsins, í Icesave-málinu löngu fyrir bankahrunið.

[Jón Valur Jensson, 29.4.2012 kl. 00:38]

Gervi-gerðardómurinn, sem ég nefni, í Icesave-málinu, var eins dags afgreiðsla málsins haustið 2008.

[Óskar Helgi Helgason (IP-tala skráð) 29.4.2012 kl. 01:08]

Heil og sæl Jakobína Ingunn; sem og aðrir gestir, þínir !

Jón Valur !

Bágt; eigum við með, fyrrum starfsfólk Kaupfélags Árnesinga, að taka undir - vel meintan; en tilgangslausan hvítþvott þinn, til handa Sigmundi D. Gunnlaugssyni, Súkkulaði dreng, sem borinn hefir verið, á höndum illa fenginna auðæfa gamla SÍS; hreyfingar; sem íslenzkir Bændur komu á laggir, í erfiði sínu, fyrr á tíð.

Sigmundur Davíð; er viðlíka Bjarna yngra Benediktssyni, álíka ógeðfelld afurð frjálshyggju Kapítalismans, Jón Valur.

Tek að sjálfsögðu; undir réttmæta gagnrýni þína, á vinstra liðið - en miðju moðið, er jafn svæsið einnig, Jón Valur.

Með beztu kveðjum; úr Árnesþingi /

[Jón Valur Jensson, 29.4.2012 kl. 05:52]

Ég held, Óskar minn, að Sigmundur Davíð hafi einkum verið borinn á höndum sinnar vellríku konu. Við megum nú ekki öfunda hann um of!

[Jakobína Ingunn Ólafsdóttir, 29.4.2012 kl. 06:24]

Ef sjálfstæðisflokkurinn hefði haft einhvern dug þá hefði hann farið í mál við Breta og Hollendinga vegna hryðjuverkalaganna. Mesti Icesaveskaðinn gerðist á vakt sjálfstæðisflokksins sem nú vill helst að fólk gleymi þeim hluta málsins. Jón Valur hnýtingar þínar í Óskar Helga eru lítilmannlega. það hefur ekkert með öfund að gera að samþykkja ekki glæpi.

[Ingibjörg Guðrún Magnúsdóttir, 29.4.2012 kl. 10:20]

Jakobína hver setti neyðarlögin á og hvað gerðu þau fyrir okkur...

Það eiga allir flokkar sinn þátt í því hvernig farið er og það er ósköp gott að geta verið vitur eftir á verð ég bara að segja, en að kenna einhverjum einum Flokki um allt sem aflaga fór er bara ekki rétt einfaldlega vegna þess að það voru eigendur þessarra banka sem ollu því sem gerðist en ekki einhver flokkur...

Það er Björgúlfur Thor sjálfur sem bar ábyrgð á rekstri þessa einkafyrirtækis síns og honum sjálfum að kenna að þetta fyrirtæki hans varð að pólítísku milliríkjamáli, honum sjálfum að kenna vegna óvandaðra vinnubragða ef við getum nefnt gjörningana svo. Hitt er annað mál að þegar saga gjörninga er skoðuð varðandi stefnur og ákvarðana í fjármálastefnu okkar Þjóðarinnar þá virðist það liggja meira vinstra megin er hægri...

[Jónas Guðmundsson (IP-tala skráð) 29.4.2012 kl. 12:28]

Óbeit á flokkum réttlætir ekki persónuárásir. Við erum öll manneskjur, sálir og eigum rétt á mannhelgi og virðingu. Og eins og þeir segja í Ameríku "Two wrongs don't make a right"

[Jónas Guðmundsson (IP-tala skráð) 29.4.2012 kl. 12:34]

@Jón Valur. Það er enginn minni manneskja fyrir að eiga peninga, þó ófáir hafi tapað lífi sínu og sinna nánustu sínu af höndum öfundarmanna og gráðugra þjófa, fyrir engar stærri sakir. Það er heldur ekki meiri glæpur að elska ríka konu en fátæka konu, svarta konu, fatlaða konu, feita konu eða rauðhærða konu. Allt eru þetta bara yfirborðslegir hlutir sem koma ástinni ekkert við. Þú virðist ekki virða mannhelgi Sigmundar, sem er sköpunarverk Guðs eins og þú sjálfur, að fullu, heldur hafa þörf til að draga hana í efa og gera lítið úr honum vegna yfirborðslegra hluta af því tagi sem valda fordómum og hatri. Einkalíf Sigmundar eða yfirborðslegir hlutir varðandi hann, svo sem mögulegur fjárhagur, fötlun eða litarháttur manns eru, kemur málinu ekkert við. Ef þú hefur enga málefnalega gagnrýni fram að færa, ættir þú sem fulltrúi ýmis konar skoðana sem eiga undir högg að sækja, að hafa vit á því að sýna meiri dómgreind, sæmd og siðferði en að snúa þér að persónuárásum. Það lætur fólk bara efast um dómgreind þína og heilindi og er alls ekki gott mál. Ég er að gera þér greiða með að hafa orð á þessu, og takir þú því illa þá er það bara af andlegum vanþroska. Og Jakobína, þú ert búin að ráðast nóg að þessari fjölskyldu. Einbeittu þér frekar að alvöru glæpamönnum ef þú þarft nauðsynlega að fara í stríð við einhverja. Það er nóg af þeim í ríkisstjórninni.

[Óskar Helgi Helgason (IP-tala skráð) 29.4.2012 kl. 13:56]

Komið þið sæl; á ný !

Jakobína Ingunn !

Þakka þér fyrir; drengilegt andsvar þitt, fyrir mína hönd, Jóni Val, til handa. 

Reyndar; þóktist ég kenna kerskni nokkurrar, í hans viðbrögðum, til mín, en vita  má Jón Valur, og aðrir þátttakendur umræðu þinnar, hér á síðu, að vitaskuld; meinti ég öll orð, S. D. Gunnlaugssyni, til handa.

Með; ekki síðri kveðjum - en hinum fyrri / 

[Jakobína Ingunn Ólafsdóttir, 30.4.2012 kl. 14:25]

Jónas eigendur illa fengins fé eru lítilmenni. Verstu lítilmennin eru þeir sem í krafti valdastöðu sem þeir komast í í gegn um stjórnmál nota aðstöðu sína til þess að hafa fé af skattgreiðendum eða ræna auðlindaarðinum. Að þessu leyti hafa Framsóknarmenn staðið í fremstu línu og farið um rænandi og ruplandi.