Ólöglegar aðgerðir

Staðan er sú að þúsundir íbúða standa nú auðar á höfuðborgarsvæðinu. Því ætti bæði fasteignaverð og leiguverð að hafa hrunið miðað við markaðsaðstæður eða offramboð. 

Þetta hefur þó ekki gerst. Hvers vegna? Vegna ýmissa ólöglegra aðgerða eftir því sem best verður séð. Samráð virðist vera milli fjármálafyrirtækja um að halda þessum eignum bæði af leigumarkaði og sölumarkaði. Þetta myndi í bókum einnhverra kallast markaðsmisnotkun. 

Ríkið er gegnum íbúðalánasjóð þátttakandi í þessum leik. 

Tapið af hruninu er með þessum hætti fært yfir á leigjendur og þá sem eru að kaupa í fyrsta skipti eða að stækka við sig í fasteign.

18% af ráðstöfunartekjum í húsnæði

Athugasemdir

[Elín Sigurðardóttir (IP-tala skráð) 30.4.2012 kl. 16:53]

Þetta er náttúrulega allt Sjálfstæðisflokknum og Framsóknarflokknum að kenna. Við verðum að gera allt til að tryggja að þessir tveir flokkar komist ekki til valda. Kjósendur þessara tveggja flokka bera mikla ábyrgð. Stjórnarflokkarnir tveir eru ofurliði bornir. Þess vegna verða menn að kjósa smáframboðin. Menn verða að reyna að kjósa rétt einu sinni. Ekki stóru vondu flokkana tvo. Ekki vanmáttugu flokkana tvo - heldur þessa pínulitlu. Þá er smá von.

[Árni Davíðsson, 30.4.2012 kl. 16:53]

Ég er sammála þér. Það er greinilega verið að takmarka framboð á fasteignum til að halda uppi verði.

Að hluta getur það líka verið að allar krónurnar sem skvampast um hagkerfið og eru ekki að fara í alvöru fjárfestingar fái útleið þarna í steypu.

[Jakobína Ingunn Ólafsdóttir, 30.4.2012 kl. 20:39]

Elín þú ert voða fyndin. Það eru kjósendur sem ráða stærð flokkanna og það er kominn tími til þess að þeir losi sig við fjórflokkinn. Það er þó ekkert fyndið hvernig fjórflokkurinn er búin að fara með þjóðina. Mér er alla vega ekki hlátur í huga.

Árni ástæðan er fyrst og fremst sú að bankar, lífeyrissjóðir og íbúðarlánasjóður vilja halda bókhaldinu í lagi. 

[Elín Sigurðardóttir (IP-tala skráð) 30.4.2012 kl. 22:13]

Áhersla smáframboðanna á vondu stjórnarandstöðuna mun ekki afla þeim fylgis. Þau eru kjánaleg í meðvirkni sinni með stjórnvöldum.

[Gapandiundrandi (IP-tala skráð) 1.5.2012 kl. 02:13]

Elín, nú er ég gapandiundrandi á þér. 

Ertu gengin í B eða D og boðarðu nú að það skuli allir gera?

Ma..ma..mar skilur þig ekki núna.

[Jakobína Ingunn Ólafsdóttir, 1.5.2012 kl. 08:27]

Elín ég hef ekki orðið vör við neina sérstaka áherslu STÓRU NÝJU FRAMBOÐANNA á vondu stjórnarandstöðuna. Þetta er einhver paranoja en hún þessi paranoja er oft tilefni til að menn fara að ímynda sér alls konar hluti.

[Elín Sigurðardóttir (IP-tala skráð) 1.5.2012 kl. 12:02]

Ágæti Gapandiundrandi. Ómar Geirsson var með fínar hugleiðingar á síðunni hennar Jakobínu hér um daginn. Einhverra hluta vegna brást hún hvumpin við þeim.

http://kreppan.blog.is/blog/kreppan/entry/1235383/

[Jakobína Ingunn Ólafsdóttir, 1.5.2012 kl. 12:59]

Í pistlinum sem Ómar vinur minn setti sínar hugleiðingar við gagnrýndi ég alla flokkanna. Mér er illa við að fá athugasemdir um að nú megi ekki gagnrýna sjálfstæðisflokkin. Ég hef ávallt í mínum skrifum tekist á við stjórnmálin á málefnalegum forsendum og gagnrýnt alla flokka þegar ég hef séð ástæðu til þess, Hreyfinguna líka.

Það er forysta sjálfstæðisflokksins sem ber ábyrgð á óförum samfélagsins. Ég skil ekki hvers vegna þarf að stimpla suma menn sem sjálfstæðismenn eins og þeir séu eign Flokksins. Eru við ekki öll bara menn?

[Gapandiundrandi (IP-tala skráð) 1.5.2012 kl. 15:14]

Ágæta Elín, nú skil ég þig alveg,

en ég skil ekki hvers vegna þú snérir í upphafsathugasemd þinni pistli Jakobínu yfir í að hún væri hér að kenna bara Sjálfstæðisflokknum og Framsóknarflokknum um. 

Mér sýnist þessi pistill Jakobínu fjalla um samansúrrun fjármálakerfisins og ríkisvaldsins og þar hafa B, D, S, V verið glaðbeittir þáttakendur í gegnum valdatæki flokksapparatanna.

Það er ekki ásökun, það er staðreynd. 

Hins vegar er gott og heiðvirt fólk innan allra flokka hugleiði það, hvort við viljum áfram þessa spillingar hvetjandi samansúrrun fjármálakerfisins og ríkisvaldsins í gegnum lagasetjandi framvæmdavald flokksapparatanna?

Mig grunar að svar flestra sé að það viljum við ekki.  Því er nauðsynlegt að við sameinumst og stöndum saman um "hugmyndafræði lífsins" ... lífs og tilverugrundvöll okkar allra hér í þessu gósenlandi, líkt og Ómar hefur lagt til í nafni sátta, en ekki sundurlyndis. 

En þá er þess að geta að það er í reynd það sem Lilja hefur einnig gert, hún hefur skrifað haug af pistlum á liljam.is þar sem hún einmitt hvetur til sátta, í stað þess að næra sundurlyndisfjandann.

Stöndum því saman til lýðræðis og velferðar ... okkar allra:-)  Það er draumur okkar allra, svona innst inni og við vitum það öll.   

[Jón og Gunna (IP-tala skráð) 1.5.2012 kl. 15:24]

Og gleymum því ekki, að okkar ágæti Ómar Geirsson

hefur nefnt Lilju Mósesdóttur sem hagfræðing lífsins. 

Hagfræðingar lífsins vilja samstöðu í stað sundrungar.

[Elín Sigurðardóttir (IP-tala skráð) 1.5.2012 kl. 15:51]

Aumingja Jón og Gunna. Hagfræðingur lífsins vildi ekki ógna endurreistu bankakerfinu síðast þegar ég vissi.

http://www.visir.is/telur-breytingar-a-kvotakerfinu-ogna-bankakerfinu/article/2011110629114

[Pétur Örn Björnsson (IP-tala skráð) 1.5.2012 kl. 17:03]

En hvað segirðu um þessi nýlegu orð Lilju á facebook Elín?:

"Ástæða þess að ekkert gengur að breyta kvótakerfinu er ákvörðun SJS að flytja allar skuldir sjávarútvegsins yfir í nýju bankana. Skuldir langt umfram greiðslugetu greinarinnar. Ég benti á þetta en SJS var slétt sama og þá áttaði ég mig á því að hann ætlaði ekki að standa við kosningaloforðið um að breyta kvótakerfinu heldur hræra í því.

Kvótafrumvörpin staðfesta þetta.  Festa á í sessi tvöfalt kerfi - eitt fyrir stórútgerðina sem fær langtíma nýtingarsamninga og hitt fyrir smábátaútgerð sem býr við algjöra óvissu um nýtingarrétt sinn. Lítil og millistór útgerðarfyrirtæki sem keyptu kvóta dýrum dómum af hinum raunverulegu sægreifum verða látin fara í þrot."

-------------------------------------------------------------------

Og hvað segirðu um þessa útleggingu mína af þeim orðum Elín?

Af þessu sést að enginn munur er á einkavinavæðingarstjórn Framsóknar og Sjálfstæðisflokks, hrunstjórnar Samfylkingar og Sjálfstæðisflokks og helferðarstjórn VG og Samfylkingar. 

Alltaf skulu hagsmunir almennings, lítilla og meðastórra fyrirtækja vera fyrir borð bornir af sérhagsmunaöflum þessara flokka, amk. hingað til, þegar kemur að því að allt venjulegt fólk njóti einnig góðs af öllum landsins gæðum á sanngjarnan, gegnsæjan og heiðarlegan hátt.

Það er kominn tími til að almenningur galopni augun og krefjist sanngirnis, gegnsæis og heiðarleika og vitaskuld frelsis, jafnréttis og bræðra- og systralags okkar allra ... sem þjóðar í gósenlandi ... okkar allra. 

Fögur er hlíðin og við förum ekki rassgat, heldur spúlum viðbjóðnum út! ...:-)

[Pétur Örn Björnsson (IP-tala skráð) 1.5.2012 kl. 17:33]

En svo er líka tilvalið að lesa þessar fínu hugleiðingar Ómars Geirssonar, sem ég ætla hér að vísa til, því þær eru svei mér þá mannbætandi fyrir okkur öll Elín mín kær,

því aðalatriðið er að við látum ekki Villa og Gylfa og Vilhjálm Þorsteinsson og Össur og Bjarna og Sigmund og Jóhönnu og Steingrím og hvað þeir nú heita allir þessir "dindla-strákar" "hagsmunaaðilanna", sundra okkur og rugla alla orðræðu okkar til einhvers vits og lífs okkar allra.  Af hverju erum við öll, hinn sauðsvarti almúgi, aldrei talinn til hagsmunaaðila þegar þessir apparatastrákar véla um framtíð okkar?:

http://omargeirsson.blog.is/blog/omargeirsson/entry/1236149/

[Jakobína Ingunn Ólafsdóttir, 1.5.2012 kl. 18:09]

Ómar Geirsson hefur skrifa margan góðan texta og á þakkir skilið fyrir sína umræðu og úttekt á málefnum líðandi stundar.Einn af mínum uppáhaldsbloggurum á Moggablogginu. Það þýðir ekki að ég megi ekki vera honum ósammála um eitthvað tilgreint.