Kvenfyrirlitning í röðum Pírata

Hvað ætla píratar að gera við sýn Jón Þórs á konur en hann hefur skrifað:

Sjálfstæðir karlmenn sem sætta sig ekki við að sóa lífinu í rifrildi og vilja vernda tilvonandi börn sín fyrir því að alast upp við stríðsástand, leita þar til þeir finna konu sem finnst mikilvægara að veita fjölskyldu sinni griðastað en að rífast um heimilisverk; konu með fjölskyldufaðm, þar sem frið er að finna. Það er auðvelt að gleyma því sem við viljum í raun og fórna meiru fyrir minna.

Inntakið í þessum texta er að konur beri ábyrgð á því að halda friðinn, skulu vera auðmjúkar og hlífa karlinum við röfli um húsverk. Konur sem ekki eru búnar þessum kostum virðast vera "ónýtar" konur að mati Jóns Þórs.

 

Hvetja til útstrikana

Athugasemdir

[H.T. Bjarnason (IP-tala skráð) 13.4.2013 kl. 15:23]

Vonandi hefur hann þroskast eitthvað síðan hann skrifaði þetta árið 2006.

[Tómas, 13.4.2013 kl. 15:24]

Þú hleypur ansi hratt yfir pistilinn. Hvað um þessar setningar:

"AFLIÐ sem býr í kvenréttindahreyfingunni hefur tryggt konum mörg þau réttindi sem þær eiga réttilega að hafa og enn má betur gera"

"Konur eiga rétt á því að velja sér störf sem þær vilja vinna og fá fyrir vinnuna sömu laun og karlmenn. Eiga þær að leggja jafnt af mörkum og karlmenn, en fá minna fyrir? Konur með sjálfsvirðingu sætta sig auðvitað ekki við slíkt."

Ekki að ég vilji afsaka restina af pistlinum. En þetta er ekki jafn svart og hvítt og fólk vill láta vera, að mínu mati... :)

[Jakobína Ingunn Ólafsdóttir, 13.4.2013 kl. 15:49]

Pistillinn er barnalegur og afhjúpar barnaleg viðhorf til kynjahlutverka. Það er ekkert merkilegt að benda á að konur eigi að hafa rétt til starfs en spurningin er hins vegar hvernig á að tryggja þann rétt. Um það þurfa snillingarnir að ræða en ekki þá eiföldu staðreynd að konur eigi að hafa þennan rétt.

Það er líka barnalegt að halda því fram að konum hafi verið tryggð réttindi. Það er alls ekki rétt og langt í land að konur hafi viðundandi tækifæri, njóti virðingar sem konur o.s.frv.

[Jakobína Ingunn Ólafsdóttir, 13.4.2013 kl. 16:36]

Þorsteinn bendir t.d. á að:

Nú undanfarið hefur hið illræmda árásargúgl leitt það í ljós (sem margir vissu fyrir) að oddviti Pírata hann Jón Þór er eða hefur verið frjálshyggjumaður sem efast um hlýnun jarðar og telur stöðu konunnar vera á heimilinu. Sem sagt mjög langt til hægri, hefðbundið hægri. Jón Þór er á leið á þing. Margir vinstrimenn voru að fara að kjósa hann þangað. Þeir vakna upp við vondan draum og ég er ekki frá því að þeim finnist flokkurinn alls ekki sérstaklega gegnsær – því þetta var greinilega eitthvað sem kjósendur áttu ekki að fá að vita, miðað við viðbrögð flokksmanna í dag og í gær. Sem hafa verið ofsafengin.

 http://silfurgeitin.wordpress.com/2013/04/13/skrimslavaeding-pirata/

[Jón Flón (IP-tala skráð) 13.4.2013 kl. 16:42]

Tek undir þetta með þér, Jakobína. Þetta er í besta falli barnalegt og óþarft rit og það er alveg merkilegt viðhorf að líta á konur sem hóp sem þarf að "veita" eða jafnvel úthluta réttindi, rétt eins og matarskammta í landi fátæktar.

[Tómas, 13.4.2013 kl. 16:56]

Ég hafði aldrei lesið þessa grein, né vissi af efasemdapistlum hans Jóns. Og ég ætla ekkert að fara að verja þessa grein neitt sérstaklega. Má vel vera að Jón sé búinn að kúvendast í þessu og öðru.

Enda hefur það ekki skipt máli í flokksstarfinu hingað til. Enda byggja okkar ályktanir á upplýsingum og starfið er eins gagnsætt og vera má. Auk þess skipta skoðanir einstakra þingmanna ekki höfuðmáli, heldur stefna flokksins og ályktanir - sem eru lýðræðislega kosnar :)

Ég skil ekkert í þeim aðdróttunum að kjósendur hafi ekki átt að fá að vita eitt eða annað. Gagnsæi er gott - það gidlir líka um okkur. Ekki veit ég til þess að píratar séu að fela neitt.

Hvað varðar skrýmslavæðinguna - dunno. Má vel vera það sé eitthvað til í því - en ég ætla persónulega ekki að taka afstöðu til þess fyrr en sannanir fást.

Grundvallaratriðið er það að Píratar standa enn fyrir sína grunnstefnu. Píratar standa alls ekki fyrir stefnu einstaklinga eða persónuleika. Ég veit að þú ert áhugamaður um aukið lýðræði. Það er það sem skiptir hvað mestu.

En ég skil líka ef þér er of misboðið. Eins og ég segi, þá get ég svosem ekki talað fyrir Jón. Býst við því að hann sendi frá sér tilkynningu bráðum..

[Jakobína Ingunn Ólafsdóttir, 13.4.2013 kl. 17:17]

Hver og einn sem fer á þing þarf að taka afstöðu til mála og frumvarpa sem fara í gegn um þingið. Ég vil ekki hafa karla á þingi sem fyrirlíta konur vegna þess að það mun birtast  í afstöðu þeirra til málefna. Það ætti engin að kjósa flokk sem ekki opinberar stefnu um grundvallarmálefni samfélagsins en málefni kynjanna eru þar á meðal.

Pistillinn sem Jón skrifar ber ekki einungis vott um kvenfyrirlitningu heldur afhjúpar hann einnig einfaldan og grunnt hugsandi karakter þegar vikið er að félagslegum málefnum.

[Jakobína Ingunn Ólafsdóttir, 13.4.2013 kl. 17:21]

Pistill Jón Þórs virkar á mig eins og pistill sem fjallar um gæludýr og hvernig menn eigi að fara að því að velja sér góðan hund.

[Jakobína Ingunn Ólafsdóttir, 13.4.2013 kl. 17:27]

Þegar ég fæ mér hund þá reyni ég að passa upp á að hundurinn sé þannig lyntur og uppalin að ég missi ekki völdin á heimilinu til hundsins enda hefur hundurinn ekki burði til þess að stjórna heimilinu. Fólkið á heimilinu er betur til þess fallið að komast að sanngjörnum málamiðlunum um rekstur heimilisins.

[Tómas, 13.4.2013 kl. 17:29]

Ég held þú takir heldur djúpt í árinni þegar þú segir hann fyrirlíta konur - jafnvel þótt hann skrifi barnalega að þínu mati.

Afstaða þingmanns Pírata í málefnum verður byggð á upplýsingum, ekki tilfinningu, og verður ferlið gert sem mest gagnsætt sem hægt verður. Þingmenn pírata munu fyrst líta til grunnstefnu Pírata við ákvarðanatöku, því næst samþykktir. Hugmyndin er að lágmarka persónulegar skoðanir þingmanna.

En well.. þetta skýrist vonandi allt fljótlega :)

[Jakobína Ingunn Ólafsdóttir, 13.4.2013 kl. 17:35]

Afstaða byggist aldrei á upplýsingum einum sér. Maðurinn er ekki tölva og það fer eftir því hvernig hausinn á honum er víraður hvernig hann vinnur úr upplýsingum, hvernig hann forgangsraðar upplýsingum, hvernig hann túlkar upplýsingar osfrv.

Stærsti vandi upplýsingasamfélagsins er ekki eingöngu aðgangur að upplýsingum heldur einnig getan til þess að vinna úr upplýsingum. 

Grein Jón Þórs sýnir hvernig hausinn á honum er víraður og hann er ekki eins og á manni sem ég myndi treysta til að taka góðar ákvarðanir. T.d.  til þess að setja sig í spor annarra og skilja þarfir annarra en hins miðaldra hvíta karlmanns.

[Tómas, 13.4.2013 kl. 17:43]

Jújú, rétt er það - við erum ekki beinlínis tölvur :)

Well.. ef þú hefur rétt fyrir þér, þá vona ég sannalega að hann hafi breyst.

Mér þykir of vænt um grunnstefnu, nálganir og málefni Pírata til þess að sjá starfið fara í súginn.

Við þurfum Pírata inn á þing. Ekki alla, og við þurfum ekki að taka yfir þingið. En við þurfum fólk sem skilur hve mikilvægt gagnsæi er og bætt lýðræði.

[Einar Örn Gissurarson, 13.4.2013 kl. 19:17]

Jedúdamía hvað ég vissi að þetta myndi gerast. Nú er búið að finna einhvern innan raða nýgræðingaflokks, sem er ný skriðin yfir 5% markið, sem hefur hent út vafasömu áliti og allir setjast á háa hestinn sinn.

Nú er ég ekki að segja að það sé í lagi að hleypa inn mönnum sem vilja stíga á réttindi annar en þetta hlýtur að sýna ykkur hversu meingallað flokkakerfið er.

Staðreyndin er einfaldlega sú að ef þú vilt reyna að komast inn á þing í dag, verðurður að rassakyssa þig upp listann hjá flokki sem er búinn að fastróta sig inn á þing og fylgja stefnum þeirra og skoðanir eða stofna heilan nýjan flokk. Ef þú vilt reyna fyrir þér síðarnefndri leiðinni þarftu að ganga í gegnum það ævintýri að safna nógu mörgum einstaklingum til að mynda fulla sveitastjórn í kjördæminu sem þú hyggst bjóða þig fram í, ef ske kyni að þú fengir 100% atkvæða.

Og núna ertu orðin hluti af þeim flokk. Núna skiptir minna hvað þú stendur fyrir og hvað flokkurinn þinn stendur fyrir, nema náttúrulega að hægt sé að draga upp eitthvað neikvætt um þig. Þá skiptir auðvitað mun meira hvað þú stendur fyrir og minna hvað flokkurinn stendur fyrir. Eins og þið getið séð af ummælum fólks, smitar eitt skemmt epli út fyrir sig og getur því haft neikvæð áhrif á skoðanakannar fyrir allan flokkinn.

Auðvitað mun þetta svo bætast við þreyttu umræðuna "Þetta er orðið svo mikið rugl með alla þessa nýju flokka/Maður nennir bara ekki að fylgjast með þessu/Hef ekki hugmynd hvað þeir eru að reyna fyrir sér/..." sem stendur svo algjörlega andstætt "Það verður að leggja niður þennan illa Fjórflokk/Spörkum út þessum spilltu liði og fáum inn nýtt fólk!/Nýja flokka inn!/..." umræðunni sem var í gangi við síðustu sveitastjórnarkosningar.

Nú þegar yfir 10 flokkar rísa upp og drepast áður en þeir ná inn einu manni, munu fólk gefast upp á hugmyndum um nýja stjórn og hættan á að við festumst í nákvæmlega sama hjólfarinu mun vaxa. Ef þetta ævintýri hefur ekki kennt okkur hversu mikilvægt það er að við skoðum einstaklingskjör af fullri alvöru, veit ég ekki hvað mun fá fólk til að skilja það.

En hvað veit ég? Ég er bara einhver einstaklingur með mínar skoðanir.

[Jakobína Ingunn Ólafsdóttir, 13.4.2013 kl. 19:30]

Það þarf nokkra aðgát við val á nýjum flokkum. Mér líst ekkert á mannkostina í pírötunum. Fólk ætti fremur að skoða regnbogann, dögun eða lýðræðisvaktina. Reyndar er lýðræðisvaktin of ESB-skotin fyrir mig og einnig finnst mér nýja stjórnarskráin vera hálfgerð lufsa miðað við það sem hún hefði getað orðið.

[Öfgafemínismi (IP-tala skráð) 13.4.2013 kl. 19:32]

Allt er nú orðið kvenfyrirlitning...

Þarna er hann að tala almennt um samfélagið eins og það er orðið.

Mjög eðlilegar pælingar, og algjör óþarfi að snúa svona útúr.

Það fer ekki á milli mála að örvæntingin er gríðarleg.

[Jakobína Ingunn Ólafsdóttir, 13.4.2013 kl. 19:34]

Örvænting hverra?

[Anna Sigríður Guðmundsdóttir, 13.4.2013 kl. 19:43]

Það er viljandi þaggað niður í réttlætisröddum á öllum fjölmiðlum. Það er ekkert nýtt á Íslandi.

Flokkafárið og geðveikislegur ótti þeirra gömlu og spilltu, er orðið verra heldur en síðasta ríkisstjórn, og þá er mikið sagt.

Það er margt gríðarlega frambærilegt og jarðtengt fólk í Pírata-flokknum, sem ekki fær að komast í sviðsljósið. Sama má segja um framboð Sturla Jónssonar og Flokk heimilanna.

Gamla klíkan óttast nýju framboðin svo mikið, að sú gamla klíka er komin á alvarlegt áfallastig. Því miður verður ekki deild fyrir geðsjúka á nýja landsspítalanum!

Það er ekki allt jafn gott og látið er í veðri vaka, um nauðsyn nýja spítalans, í boði gömlu klíkunnar siðblindu-geðsjúku!!!

Lyfjamafían kærir sig ekkert um mannréttindi né lýðræði!!!

M.b.kv.

[B.N. (IP-tala skráð) 13.4.2013 kl. 19:45]

Þegar ég las fréttirnar af þessu máli á visir.is og dv.is má sjá mynd af Smára McCarthy oddvita Pírata í Suðurkjördæmi með fréttinni.

Ég hélt í fyrstu að það væri verið að fjalla um Smári McCarthy en þegar maður opnar fréttirnar til að lesa hana alla sem fæstir gera þá skilur maður dæmið betur. En afhverju mynd af honum með þessum hætti?

Er þetta fjölmiðlatækni sem kennd er í háskólanum til að stýra almenningsálitinu í þá átt sem viðlomandi eigandi fjölmiðlis vil eða það sem þeir vilja sem auglýsa mikið eða mest í viðkomandi fjölmiðli?

Fréttin um þetta mál var vönduð ó mbl.is

Baldvin Nielsen

[Hörður Þórðarson, 13.4.2013 kl. 20:16]

"Sjálfstæðar konur sem sætta sig ekki við að sóa lífinu í rifrildi og vilja vernda tilvonandi börn sín fyrir því að alast upp við stríðsástand, leita þar til þeir finna mann sem finnst mikilvægara að veita fjölskyldu sinni griðastað en að rífast um heimilisverk; mann með fjölskyldufaðm, þar sem frið er að finna. Það er auðvelt að gleyma því sem við viljum í raun og fórna meiru fyrir minna."

[Jakobína Ingunn Ólafsdóttir, 13.4.2013 kl. 20:22]

Það er mjög óviðeigandi  að birta mynd af Smára McCarty undir fyrirsögninni: Frambjóðani hefu hlotið 17 refsi dóma en í fréttinni er verið að ræða um annan mann. Mér sýnist að það sé búið að breyta þessu enda er þetta ótrúlega rætið.

[Jakobína Ingunn Ólafsdóttir, 13.4.2013 kl. 20:32]

Já Hörður hljómar dálítið kjánalega

[Guðmundur Ásgeirsson, 13.4.2013 kl. 20:36]

Höfundur er nemi og virkur baráttumaður fyrir réttindum kvenna og gegn kynbundnu ofbeldi.

Jakobína. Finndu þér alvöru óvini. Jón Þór er vinur þinn.

P.S. Tek 100% undir það sem hann segir um muninn á kynjunum. Þeir sem halda því fram að kynin séu eins ættu að skoða í nærbuxurnar hjá sér.

[Geir (IP-tala skráð) 13.4.2013 kl. 21:47]

Hvað ætlar þú að kjósa Jakobína?

[Jakobína Ingunn Ólafsdóttir, 13.4.2013 kl. 23:30]

Guðmundur þessi umræða varðar pólitískar  áherslur. Ég vil einfaldlega ekki fólk á þing sem telur að konur eigi að vera eins og karlar vilja hafa þær. Umhverfisvernd og kvenfrelsi er mér ofarlega í huga í pólitík og þá gildir einu hverjir eru vinir mínir eða hvar í flokki þeir standa.

[Tómas, 15.4.2013 kl. 14:41]

Jæja.. þá er Jón búinn að skýra stöðu sína. Ég held hann sé klárlega bandamaður þinn Jakobína, þótt þið getið eflaust deilt um einhver atriði :)

En aðal málð er vitanlega það að hann er bara einn Pírati, og Píratar munu taka afstöðu á málum eftir grunnstefnu þeirra (http://www.piratar.is/stefnumal/grunnstefna/), svo ályktunum, fyrst og fremst.

En hér er ný færsla frá Jóni:

http://jonthorolafsson.blog.is/blog/jonthorolafsson/entry/1293372/

Þ.e., eins og ég skil hann, þá er hann aðallega að benda á að _til_ sé umræða í samfélaginu sem veldur kannski smá kúgun. Ekki endilega að það sé algilt, og að það sé eitthvað stórt vandamál :)

Ojæja.. ég læt þér eftir að dæma um þetta. En ég vona þú getir endurskoðað þína stöðu gagnvart Pírötum.

Starfið er btw. mjög opið, og ef þú vilt taka þátt í t.d. mótun á ályktun um jafnrétti, þá er þér velkomið að slást í hópinn ;)

[Dagný (IP-tala skráð) 15.4.2013 kl. 14:51]

Ég þekki þennan Jón Þór ekkert og ætla ekki að dæma hann á nokkurn hátt, en vil samt nefna það að mér finnst fullbratt að saka hann um kvenfyrirlitningu út frá þessum pistli. Ég tel ótvírætt að kynin eigi að hafa jafnan rétt og sömu tækifæri til að nýta hæfileika sína á hvern þann hátt sem hver og einn vill og kýs. Kona sem vill og hefur aðstöðu til að vera heimavinnandi á meðan börnin eru ung á ekki að þurfa að skammast sín fyrir þá afstöðu sína eða biðjast afsökunar á því vali, ekkert frekar en karlmaður sem kysi að vera heimavinnandi með börn. Aðalatriðið hlýtur að vera að fjölskyldan sé sátt og Það er einnig bjargföst skoðun mín að rifrildi um hver sér um heimilisstörfin hefur lítið með jafnrétti að gera.

[Jakobína Ingunn Ólafsdóttir, 15.4.2013 kl. 17:44]

Það er ekkert að því að konur séu heimavinnandi. Og það er ekkert að því að karlar séu heimavinnandi. Ég var heimavinnandi þegar börnin mín voru ung. Man ekki eftir að ég hafi neitt þurft að skammast mín fyrir það. Það er hins vegar brotið á heimavinnandi foreldrum t.d. með því að þeir afla sér ekki lífeyrisréttinda, réttinda til fæðingarorlofs eða  atvinnuleysisbóta. Jón þór er hins vegar ekki að taka þessa nálgun heldur virðist hann vera að halda því fram að konur sem ekki taka möglunarlaust að sér húsverkin skaði börnin sín og lætur einnig að því liggja að karlar beri enga ábyrgð í þessum efnum.

[Tómas, 15.4.2013 kl. 18:49]

Ég held þú sért að lesa allt of mikið í þennan mögulega óheppilega og illa skrifaða pistil, Jakobína :)

Eins og ég skil hann, þá er hann ekki að alhæfa að konur eigi að haga sér á ákveðinn hátt.

Hann er að gagnrýna einhverjar raddir í samfélaginu sem hann hefur sjálfur heyrt, sem gera konum erfitt að gerast það sem mætti kalla "húsmæður", sbr. systur hans. Mögulega eru þetta mjög fáar raddir.

Kannski er þetta ekki vandamál. Þá er það bara í góðu lagi. En mér þykir þú gera honum upp þær skoðanir að hann telji að allar konur eigi að vera svona eða hinssegin. Ég get ekki lesið það úr pistlinum.

Ég hvet þig til að senda honum skeyti og spyrja hann út í þetta, frekar en að mála eigin mynd af honum eftir einni gamalli grein.

Málið er líklega bara þetta: Greinin er mjög auðmisskilin og illa skrifuð. Kannski er hún bara hrenilega mjög léleg. Fine - getum alveg komist yfir það, vegna þess að við getum spurt hann í dag hver afstaað hans er. Hann er þegar búinn að skrifa eina litla grein um málið. Það er það sem skiptir máli :)

Og ég ítreka aftur: Vertu velkomin til að taka þátt í starfi Pírata. Okkur vantar enn meira af góðu fólki í málefnastarfið.

Auk þess hafa margir Píratar rætt um að réttindi fólks þurfi að bæta og stoðkerfið sé ekki nógu gott. Það er fullt af holum sem fólk dettur inn um (t.d. að vera einstæður námsmaður, öryrki með barn. Það er líkelga ómögulegt fyrir slíkan einstakling að fá þann styrk og stoð sem hann þarf. Þekki það þó ekki vel sjálfur.).

[Jakobína Ingunn Ólafsdóttir, 15.4.2013 kl. 20:04]

Þetta er nú nokkuð skýrt:

Sjálfstæðir karlmenn sem sætta sig ekki við að sóa lífinu í rifrildi og vilja vernda tilvonandi börn sín fyrir því að alast upp við stríðsástand (Hver skapar þetta stríðsástand), leita þar til þeir finna konu sem finnst mikilvægara að veita fjölskyldu sinni griðastað en að rífast um heimilisverk; konu með fjölskyldufaðm, þar sem frið er að finna. Það er auðvelt að gleyma því sem við viljum í raun og fórna meiru fyrir minna.

Það þarf ekki ríkt ímyndunarafl til þess að lesa karlrembu út úr þessum texta.

[Jakobína Ingunn Ólafsdóttir, 15.4.2013 kl. 20:09]

Reynsla mín af samstarfi við Jón Þór er alveg í takt við það sem hann skrifar í pistlinum. Hann reyndi að drottna yfir mér og þegar hann fékk það ekki var ég erfið en hann var auðvitað bara eðlilegur.

[Tómas, 15.4.2013 kl. 20:29]

Well, þú virðist þekkja hann betur en ég - ekki vissi ég að þú hefðir unnið með honum - skildist að þú værir eingöngu að miða út frá þessum pistli.

Annars segi ég nú lítið meira um málið. Jón þarf að svara fyrir sig, ekki hef ég frekari forsendur til þess :)

Það er nú ágætt samt að frambjóðendur - þótt þeir séu oddvitar - ráða engu einir um stefnu eða ákvarðanir Pírata ;)

[Ómar Bjarki Kristjánsson, 16.4.2013 kl. 01:45]

Þetta er svona right-wing íhaldssemi. Enda eru píratar mikið til hægri-anarkistar.

En maður skilur sífellt betur afhverju VG var svona tvístrað undanfarin ár. Fólkið þar inni var héðan og þaðan og lítil sem engin hugmyndafræðileg samræming að baki. Margir flokkar. Sem sýnir sig alveg í því hve margir sem kusu VG ætla núna að kjósa right-wing íhaldssemi.

Konur eiga að vera á bak við eldavélina og global warming er bara hoax. Allt eftir þessu.

[Jóhann Kristinsson, 16.4.2013 kl. 02:34]

"Konur eiga að vera á bak við eldavélina og global warming er bara hoax. Allt eftir þessu."

Loksins er ég sammála þér Ómar ;>)

Kveðja frá Las Vegas

[Hilmar Hafsteinsson (IP-tala skráð) 16.4.2013 kl. 09:33]

Jakobína Ingunn Ólafsdóttir er greinilega ekki "kona með fjölskyldufaðm" - það er hennar vandamál. :)

[Tómas, 16.4.2013 kl. 12:34]

Vá hvað ég er langt frá því sammála síðustu 3 hér... og mig grunar sterklega að Jón þór sé það líka, án þess að vilja leggja honum orð í munn.

Það er vegna svona athugasemda að ekki er hægt að eiga samræður á netinu. Alhæfingar sem hafa ekkert á bak við sig... Nema þið séuð að vera kaldhæðnir (en þið ættuð að vita að kaldhæðni færist ekki mjög vel inn á texta :) ).

Jæja, gangi þér amk. vel Jakobína :)

[Ómar Bjarki Kristjánsson, 16.4.2013 kl. 13:45]

Það er greinilegt að píratar eiga erfitt með að svara fyrir þetta beinlínis. En hitt er annað, að þessi viðhorf þeirra virðast síður en svo draga úr fylgi þeirra.

Er nefnilega málið að þetta viðhorf, sem sjá hefur mátt mjög víða á internetinu undanfarin ár og misseri - hringir viðvörunnarbjöllum.

Á íslandi hefur undanfarin ár verið að myndast right-wing íhaldsamur kjánaþjóðrembingur og fékk hann mikla næringu á gróðærisárunum.

[Ómar Bjarki Kristjánsson, 16.4.2013 kl. 13:47]

http://img.visir.is/apps/pbcsi.dll/bilde?Site=XZ&Date=20130415&Category=SKODANIR07&ArtNo=130419427&Ref=AR&MaxW=649&NoBorder=1

[Tómas, 16.4.2013 kl. 14:42]

Ómar. Ég er pírati, og ég sveiflast nú yfirleitt mun meira til vinstri.

Píratar eru ekki hægrisinnað íhaldsafl. Almennt séð hafa píratar mun meiri áhuga á öðrum ás en vinstri-hægri, nefninlega auhoritarian-libertarian.

Hvað varðar skopmyndina af Birgittu og Smára, þá vona ég sannarlega að þú áttir þig á því að textinn er í algeru ósamræmi við stefnumál Pírata :)

Þó einn stakur Pírati hafi ákveðnar skoðanir, þá er alls ekki hægt að yfirfæra það yfir allan flokkinn.

Enginn pírati hefur verið að tala fyrir stuldi á hugbúnaði, allir píratar virðast vera jafnréttissinnar og samsæriskenningar verða tæplega að stefnumálum pírata.

[Jakobína Ingunn Ólafsdóttir, 16.4.2013 kl. 19:21]

Tómas það er hægt að rugla mikið með merkimiða sem hengt er á stjórnmálaskoðanir. Libertarian er telst hægri stefna og hefur verið skýrð svona:

Minimum wages and welfare provision in Iceland is insufficient to provide for basic needs. The Icelandic welfare policy is characterised as conditioned welfare which is in congruity with the libertarian model. This has in recent years directed many individuals to charity and hand-outs (Njáls, 2003).

[Jakobína Ingunn Ólafsdóttir, 16.4.2013 kl. 19:24]

Sem sagt stefnan sem rekin var á fyrirhrunsárunum var s.k. Liberarian stefna.

Á fyrirhrunsárunum var boðað frelsi sem í reynd var frelsi hins hvíta karlmanns. 

Klámvæðingin blómsraði og staða kvenna versnaði í samfélaginu. Ég finn eiginlega til með ungum konum nú til dags því að staða kvenna er að mörgu leyti verri en þegar ég var ung. 

[Ómar Bjarki Kristjánsson, 16.4.2013 kl. 19:58]

Eg er sammála þessu síðastnefnda. Eg var ungur á eitís - og sumt sem þykir sjálfsagt í dag af ungum karlmönnum hefði aldrei liðist þegar eg var í yngri kanti. Stelpurnar hefðu einfaldlega ekki liðið það - þó strákunum hefði dottið einhver vitleysa í hug. Eg er ekki að segja að allt hafi verið til fyrirmyndar þá - en í raun og veru var meira jafnrétti. Td. var ekki þessi krafa á stelpurnar sem nú þekkist. þessi furðulega krafa á sætleika. þetta þekktist ekki, að mínu mati.

[Jakobína Ingunn Ólafsdóttir, 16.4.2013 kl. 21:23]

Þegar ég fjalla um pírata þá er ég uppnefnd, mér eru gerðar upp skoðanir og mér eru lögð orð í munn. Svona viðbrögð eru kölluð skoðanakúgun. Ég hef hins vegar aldrei gefið á nokkurn hátt í skyn að ég telji að mannréttindi eigi að fylgja menntun. Það sem ég hef sagt er að þegar karl sem hefur minni menntun en ég fer að gera kröfu um að fá að leiðbeina mér á mínu fagsvið þá lít ég á það sem hroka og árás á mín réttindi.

[Jakobína Ingunn Ólafsdóttir, 16.4.2013 kl. 21:28]

Þegar ég var ung á sjöunda og áttunda áratugi síðustu aldar var mikið jafnara á milli kynjanna. Strákar voru oft með sítt hár og í mussum og stelpur líka með sítt hár og í mussum og gallabuxum. Þetta þótti töff og það þótti hallærislegt að ganga á háum hælum og fötum sem þrengdu að frelsinu.

Aldrei heyrðist um vændiskaup, nektarbúllur eða mannsal. Vissulega var valdið samt við sig og erfitt var að sækja réttindi gegn hinum hvíta miðaldra karmanni. Ýmislegt hefur svo sem þrifist í skjóli þöggunar en það var ekki samþykkt opinskátt eins og raunin var í valdatíð hægri stjórnar fyrir hrun. 

[Tómas, 17.4.2013 kl. 12:21]

Ég veit ekki hvaða pírati gerir þér upp skoðanir eða leggur þér orð í munn Jakobína. Ég hef vonandi ekki gert það.

Píratar eru nær því að vera liberterian frekar en authoritarian og frekar til vinstri en til hægri.

Eftir því sem ég best veit viljum við Píratar sem mest frelsi einstaklingsins - en um leið mjög sterkar samfélagslegar grunnstoðir.

Yfirleitt leiðist mér að draga fólk og flokka í dilka. Það fer svo oft eftir því um hvað er verið að tala.

Bottom line: Stefna pírata er mótuð út frá bestu þekkingu sem við höfum um málefnin, og stefnum að réttlátara samfélagi. Það er amk. í grófu máli þannig sem ég sé okkur.

Það þýðir m.a. að við erum feministar, viljum enn betra styrkjakerfi, en viljum um leið virða frelsi einstaklinsins eins og unnt er.

[Jóhann Kristinsson, 17.4.2013 kl. 12:37]

Tómas

Ef ég skil það rétt þá eru vinstri stefna í pólitík aðallega stefna sem vill að all flest sé gefið frá Ríkinu og fólk skattlagt fyrir kostnaðinum.

Liberterian getur ekki verið til vinstri, af því að liberterian vill sem minst afskipti Ríkisins í lífi sínu og eins littla skatta og mögulegt er, þar af leiðandi ríkisbákn eins lítið og mögulegt er. Þar á ég við t.d. sjúkrakostnað.

Kveðja frá Las Vegas, Nevada þar sem er ennþá mikið um liberterians hversu lengi það endist.

[Tómas, 17.4.2013 kl. 12:48]

Ég lít ekki á að við séum "pjúra" vinstri flokkur, eða "pjúra" libertarian flokkur. Þetta er aðeins flóknara en svo.

Ég er klárlega hlynntur sterkum grunnstoðum samfélags - þó vil ég lágmarka, eins og unnt er, afskipti ríkisins.

Það er vel hægt að vinna gott jafnvægi þarna á milli. Ertu annars að segja að það sé lítið til í t.d. prófum á borð við politicalcompass.org?

(ekki að ég taki mikið mark á því, en þar er gerður greinarmunur á þessum tveimur ásum).

[Jóhann Kristinsson, 17.4.2013 kl. 13:07]

Hér í Nevada er mikil liberterian hugsun og afskipti Ríkisins hefur verið frekar lág, en með flótta manna frá Kalíforníu vinstri sæluni, því fleirri sem þeir verða hér því meiri vinstrisælu vilja þeir, einmitt það sem þau voru að flýja frá.

Íslendingar eru ekki nema 320 þúsund svona circa og eru með þingið í gangi frá september mánuði til apríl maí á hverju ári.

Nevada er með þingfundi annað hvort ár og þá aðeins í 5 mánuði og það er enginn þörf á lengri þing tíma. Samt er mansfjöldi og landssvæði mikið stærra en á Íslandi.

Það er í Stjórnarskrá Nevada að aukning skatta getur ekki átt sér stað nema að super meirihluti á þingi samþykkji það eða kjósendur leifi það í almennum kosningum. Þetta er gert svona af því að fólk vill Ríkisbáknið eins lítið og hægt er. Ef það er líttlir peningar til að eyða þá getur Ríkisbáknið ekki túttnað út eins og gerist á Íslandi og BNA Federal Government.

Þetta er hugsun liberterians þannig að liberterian getur ekki verið vinstri maður sem vill allt frá Ríkinu og borgar fyrir það með hærri sköttum ef að ný þjónusta er veitt eða Ríkisbáknið túttnar út.

Kveðja frá Las Vegas

[Tómas, 17.4.2013 kl. 13:18]

Mér er svosem alveg sama hvernig þú skilgreinir nákvæmlega merkimiðana.

Þegar ég tel mig vera meira í áttina að libertarianisma frekar en authotorianisma, þá er ég ekki að kalla mig 100% liberterian sko.

Sama gildir um pírata held ég. Skítt með merkimiðana - takið frekar mark á grunnstefnu og ályktunum pírata, frekar en að troða okkur pírötum í fyrirfram skilgreinda og þrönga kassa :)

http://piratar.is ;)

[Jóhann Kristinsson, 17.4.2013 kl. 13:31]

Það er einfallt hvar Píratar eru í stjórnmálum af því að þeir vilja allt frá Ríkinu og borga svo með hærri og hærri sköttum fyrir þjónustuna.

Þetta er kallað vinstri stefna, ósköp einfallt.

Er ég að segja að það sé slæmt að vera vinstri maður, alls ekki, fyrir þá sem vilja allt frá Ríkinu er vinstri stefna upplögð. Þess vegna verða menn að kjósa það sem þeir vilja helzt og þess vegna eru kosningar.

Gangi ykkur Pírötum vel í kosningunum, en ekki gæti ég kosið flokkinn.

Kveðja frá Las Vegas

[Tómas, 17.4.2013 kl. 13:36]

"þeir vilja allt frá Ríkinu og borga svo með hærri og hærri sköttum fyrir þjónustuna"

Hvaðan færð þú þessar upplýsingar? Hvað þýðir að "vija allt"?

Við viljum jú að fólk hafi jöfn tækifæri, og að hér sé öflugt samfélagsnet. En það þýðir ekki að við viljum að allir fái t.d. ókeypis bensín. Það verður að vera grundvöllur fyrir samkeppnishæfum markaði á flestum sviðum.

Held þú verðir að kynna þér stefnumálin betur.

[Tómas, 17.4.2013 kl. 13:37]

Þakka annars hlý orð til okkar Pírata - vona sömuleiðis að okkur gangi vel. Vona þú getir skipt um skoðun, ef þú kynnist okkur betur ;)

[Jóhann Kristinsson, 17.4.2013 kl. 13:45]

Eru Píratar á móti fæðingarorlofi og greiðslum frá Ríkinu?

Kveðja frá Las Vegas

[Tómas, 17.4.2013 kl. 13:50]

Nei. Það er hluti af öflugu samfélagsneti sem við teljum mikilvægt að styðja.

[Jóhann Kristinsson, 17.4.2013 kl. 14:02]

Af hverju á fólk að borga öðrum fyrir að eiga krakka, ég hef aldrei getað skilið það?

En þetta er þessi vinstri stefna sem ég er að tala um. Fólkið vill þessa þjónustu og Ríkið lætur þjónustuna af hendi og fólkið borgar með hærri sköttum.

Það er ekkert peningatré í Alþingishúsinu eða Gamla tugthúsinu við Lækjartorg, þess vegna verða peningarnir að koma frá ungum sem gömlum, einhleypum sem giftu fólki.

Þess vegna get ég ekki kosið Píratana af því að flokkurinn er með svona stefnu að eyða peningum í algjöra óþarfa þjónustu.

Kveðja frá Las Vegas

[Tómas, 17.4.2013 kl. 14:37]

Eins og er, þá sé ég enga leið til þess að flest ungt fólk geti eignast börn án þess að fá félagslegan styrk.

Ef þú finnur lausn á því, þá getum við endurskoðað ríkisgreitt orlof.

Jújú, kannski mætti snarlækka skatta og hafa það þannig að fólk þurfi að safna sér pening inn á bók til þess að geta eignast krakka.

En börn gera ekki alltaf boð á undan sér, og staðan er þannig í dag að lang flestir eru vel skuldsettir.

Þetta á nú við um allt heilbrigðiskerfið svosem. Jújú, í fullkomnari heimi væri fínt að þurfa ekki að vera með svona stoðkerfi - þar sem fólk gæti eignast börn og greitt fyrir kostnaðinn úr eigin vasa. En í dag er þetta svona, og þess vegna styðja Píratar þessa þörfu þjónustu.

Jæja.. við erum búnir að ræða þessum þræði hennar Jakobínu.. en takk fyrir samræðurnar.

[Tómas, 17.4.2013 kl. 14:42]

"ræna" ekki "ræða"

[Jakobína Ingunn Ólafsdóttir, 17.4.2013 kl. 16:36]

Tómas það er ekki hægt að vera bæði hlyntur sterkum grunnstoðum samfélagsins og vera libertarian. Þar sem rekin er libertarian stefn fá þeir þjónustu sem geta greitt fyrir hana sjálfir og ríkið hefur ekki afskipti af slíkum málum.

[Jakobína Ingunn Ólafsdóttir, 17.4.2013 kl. 16:48]

Jóhann Kristinnson þú spyrð: Af hverju á fólk að borga öðrum fyrir að eiga krakka, ég hef aldrei getað skilið það?

Þá spyr ég á móti af hverju eiga gamlingjar sem eiga enga krakka að fá þjónustu frá krökkum sem foreldrar einir hafa kostað að mennta og ala upp. 

Það þarf að vera ákveðið samræmi í samfélaginu. Það gagnast öllum líka barnlausum að hin upprennandi kynslóð fái gott atlæti, uppeldi og menntun. Ef ríkið veitir öldruðum þjónustu þá er sjálfsagt að það komi einnig að því að tryggja að upp vaxi kynslóð sem getur tekið þetta á sig. 

[Tómas, 17.4.2013 kl. 16:54]

Ég hef aldrei sagst vera hreinræktaður libertarian. Hef alltaf talað um að ég hallist í áttina að libertarianisma þegar við berum saman libertarian og authoritarian. Ég sé þetta ekki sem binary kerfi - "on" eða "off".

Svo ég vil vera eins libertarian og ég get, án þess að rífa niður grunnstoðkerfi samfélagsins.

Sjá t.d. kosningavitann:

http://is.helpmevote.eu/images/map.php?userid=589591

(þetta er mín niðurstaða)

[Jakobína Ingunn Ólafsdóttir, 17.4.2013 kl. 17:19]

Kjósendur þurfa að fá skýr skilaboð frá framboðum. GAGNSÆI. Til þess að byggja upp sterkar grunnstoðir í samfélagi þarf vilja, fjármagn og þekkingu.

Það þarf að innheimta skatta og það þarf mikið eftirlit með stjórnsýslunni til þess að tryggja að þetta fé sé í góðri og skilvirkri nýtingu. 

Mikið eftirlit t.d. í formi opins bókhalds er í andstöðu við libertarian sem ver frelsi einstaklingsins á kostnað gagnsæis. 

[Jakobína Ingunn Ólafsdóttir, 17.4.2013 kl. 17:22]

Sönnum libertaian finnst að hann eigi að eiga peninganna sína sjálfur, að það eigin enginn að skipta sér að því hvernig hann elur upp börnin sín eða hvort hann lætur bólusetja sig. Líf hans er persónulegt og lokað hagkerfi. Alveg eins og hann vill ekki taka þátt í samneyslunni þá þarf hann líka að vera borgunarmaður fyrir þeirri þjónustu sem hann fær.

[Tómas, 17.4.2013 kl. 17:42]

Ég verð aftur að ítreka: Ég _hallast_ meira í áttina að libertarianisma, frekar en authotarianisma. Ég er ekki "sannur liberterian" :)

Og það eru píratar ekki almennt, ef grunnstefna og samþykktir eru skoðaðar.

Opið bókhald og gagnsæi er ekki beinlínis authoritarian.

[Tómas, 17.4.2013 kl. 17:44]

eins og sést á kosningavitanum (ekki að hann sé endilega mjög markvert próf), þá er ég tiltölulega frjálslyndur og aðhyllist félagshyggju.

En það þýðir þó ekki að ég telji stjórnvöld eiga að fylgjast með öllu í lífi fólks.

[Jóhann Kristinsson, 17.4.2013 kl. 19:59]

Jagga mín,

Þú ert að líkja eplum við appelsínur.

Það þarf engin fæðingarorlöf á bótum, þetta er lúxus sem fólk getur verið án. Ef fólk hefur ekki áhuga eða hefur ekki efni á því að ala upp sína króa þá eiga þau að sleppa barnseignum.

Ég veit ekki betur en að fólk stæði undir sínum eiginn barnseigna og barnauppeldis kostnaði þegar ég var að alast upp og það var ekkert eins árs fæðingarorlof á bótum.

Gamalt fólk eins og kerfið er á Íslandi hefur greitt í kerfið og á þá tilkall til þjónustu ef það þarf á því að halda annars ekki.

Og ég skil ekki afhverju það er sjálfsagt að ungt fólk sem ákveður að eiga krakka eigi einhverjar kröfur í annarra manna fé. Ef það hefur ekki efni á að eiga krakka nema fá eins árs frí á bótum þá á það að sleppa barnseignum.

Það má segja að ef að fólk hefur ekki efni á að kaupa Ferrari þá á það að kaupa sér eitthvað mina eins t.d. lítin Fíat. Ef að fólk hefur ekki efni á að eiga krakka, þá á það að fá sér kött eða hund.

Kveðja frá Las Vegas

[Jakobína Ingunn Ólafsdóttir, 17.4.2013 kl. 20:11]

Jóhann Kristinsson: Það sem er ólíkt með Ferrari og barni er að bíllinn gangnast eingöngu kaupandanum. Er meira að segja til óþurftar fyrir aðra en eigandann. Ef allir hætta að eignast börn (sem hefur verið tilhneiging í sumum löndum) hver á þá að sinna verkefnunum. Þegar þú ert orðinn áttræður og hálfblindur þá þarftu að panta þér leigubíl. Þú þarft að geta treyst leigubílstjórnanum til þess að nýta sér ekki bágborið ástand þitt. Einhver hefur alið upp leigubílsstjórann, fætt hann og klætt auk þess að mennta hann. Sá hluti hverrar kynslóðar sem tekur að sér að ala nýja kynslóð hann er að tryggja fólki sem á engin börn aðgang að þjónustu. Tryggja það að framboðið sé fyrir hendi.

[Jóhann Kristinsson, 18.4.2013 kl. 04:27]

Oh Jagga mín,

Þegar ég panta leigubíl á áttræðis aldri þá ættlast ég ekki til að Ríkið borgi mér bætur fyrir leigubílnum og alls ekki að fara í budduna þína.

Fólk verður að sníða sér stakk eftir stærð og ættlast ekki til að aðrir borgi fyrir aðgerðir þess með bótum frá Ríkinu.

Nú eru allir að tala um mengun í heiminum, kanski að það yrði einhver minni meingun ef það yrði fækkun á á fólki í heiminum t.d. færri Ferarris og Fíatar.

Fyrir utan það að þessi jarhnöttur sem við búm á þolir ekki endalaus fjólksfjölgun.

Kveðja frá Las Vegas

[Jakobína Ingunn Ólafsdóttir, 18.4.2013 kl. 22:03]

Ég er ekki að segja að ríkið eigi að kosta leigubílinn fyrir þig. Ég er að segja að einhver hefur tryggt framboð á leigubílsstjórum fyrir þig. Ákveðin hópur í samfélaginu ól upp leigubílstjóra og það skiptir engu máli hvað þú átt mikinn pening þú getur ekki tekið leigubíl nema einhver hafi alið upp leigubílstjórna fyrir þig.

Þú virðist líta svo á að þeir sem ekki eiga börn geti ætlast til að aðrir sjái um að tryggja framboð á mannafla fyrir þá. Barnauppeldi er ekki einkamál foreldra heldur samfélagsmál í þessum skilningi. 

[Jóhann Kristinsson, 19.4.2013 kl. 00:14]

Barnauppeldi er foreldrana en ekki Ríkisins, nema að þú viljir kommúnista kerfi eða gamla þýskakerfið.

Hitt er annað mál að mentastofnanir eru fjármagnaðar af samfélaginu og ég hef ekki mikið á móti því, en í sjálfu sér þá eiga það að vera einkaskólar og foreldrar borga kostnaðinn.

Það er alveg stórfurðuleg árátta hjá þér Jagga mín, að þú viljir endilega komast í budduna mína til fjármagna það sem þú ert að gera.

Hvar endar þetta hjá þér, þarf ég að borga kostnaðinn fyrir Sánarferðir fyrir þig líka?

Þetta er bara kommahugsjón hjá þér elsku kellingin mín, en eins og þú veizt kanski að þá virka ekki komma hugsjónir vel.

Kveðja frá Las Vegas

[Tómas, 19.4.2013 kl. 11:21]

Sry ég sé að stinga mér aftur inn í umræðuna :) Langaði bara leggja þetta til málanna:

Jóhann: Sú staðreynd að mannkyn býr á takmörkuðu svæði (jörðinni) krefst reyndar þess að mannkyn setji sér skorður hvernig það lifir lífinu.

Þ.e. það er engin önnur leið möguleg en að hafa einhvers konar yfirstjórn, eða samfélagssáttmála sem þarf að framfylgja.

Svo er okkar að ákveða hvort við viljum vera mannúðleg eða ekki. Og þá hversu mannúðleg.

Þú sért allt rosalega svart og hvítt. Kallar þá komma sem vilja hafa eitthvað öryggisnet - í stað þess að deila um hversu hátt eða lágt netið á að vera upp sett.

Fine. Kallaðu mig komma að vilja ókeypis grunnmenntun, ókeypis grunnheilbrigðisþjónustu og mannúðlegt grundvallar stuðningskerfi fyrir þá sem minna mega sín.

Mig langar amk. frekar búa í þannig samfélagi, frekar en samfélagi þar sem fólk sveltur ef það lendir í einhverjum skakkaföllum :)

Og það er enginn að tala um að borga fyrir ókeypis saunu. Það er bara strámenni hjá þér :)

[Jóhann Kristinsson, 20.4.2013 kl. 02:13]

Tómas

Það er hvergi ókeypis grunnheilbriðisþjónusta eða grunnmentun. Það borga allir í gegnum skattakerfið.

Spurningin er; t.d. ef að allir greiddu mentun fyrir sín börn og veldu einkaskóla sem þeim hentar, væri það ekki ódýrara heldur en að láta Ríkið taka peninga af þér sem 45% fara í papírspúka skrifstofubáknsins.

Ég held því fram að það væri ódýrara að borga sjálfur skólann fyrir barnið og þar afleiðandi yrðu skattarnir sem væru teknir af mér töluvert minni.

En ef við hugsum út í allar þessar bætur sem eru orðnar hefð á Íslandi, væri sleppt og skattar lækkaðir samkvæmt því og skrifstofum lokað vegna þess að þeirra er engin not lengur.

Tökum sem dæmi bankastjóra; hann/hún fá barn í heimilið og þá geta hjónin farið í fæðingarorlof í eitt ár og fá greiddar bætur.

Bankastjórinn er með Kr. 25 miljónir í fastalaun og svo allir bónusarnir og hlunnindin, af hverju á fátækur verkamaður að greiða fyrir barnseignir bankastjórans?

Kveðja frá Houston