Fyrir íslenska neytendur

Neytandinn í íslensku samfélagi á sífellt í vök að verjast. það stafar af þeirri fákeppni sem ríkir á íslenskum markaði á flestum sviðum. Stóru markaðsráðandi fyrirtækin eru staðin reglulega að samráði og eru dæmd til sekta sem þau snýta út úr neytandanum.

Þessu þarf að breyta. Það þarf að koma á ábyrgð stjórnenda gagnvart þeim lögbrotum sem þeir fremja í starfi. Skapa betri aðstæður fyrir minni fyrirtæki. 

Íslenskur almenningur er orðin leiður á þessu fokki sem viðgengst stöðugt í íslenskum viðskiptum.

Samráð

Regnboginn hafnar ofurtrú á frjálshyggjunni

Athugasemdir

[Rafn Guðmundsson, 13.4.2013 kl. 18:34]

algjörlega sammála - ert þú með hugmyndir um hvernig á að breyta þessu (aðrar en að ganga í esb)?

[Kolbrún Hilmars, 13.4.2013 kl. 19:07]

Ein leiðin er sú að segja upp EES eða að minnsta kosti ekki að éta upp hráar allar reglugerðir stórveldanna.
Við erum fá og smá og fyrirtækin okkar eru fá og smá.  Ástæðan fyrir því að við eigum eitthvað sem heitir "stór markaðsráðandi fyrirtæki" (sem eru það samt ekki í alþjóðlegu samhengi)  er reglugerð milljónalandanna og gróðasjónarmiðin sem búa þar að baki.

[Rafn Guðmundsson, 13.4.2013 kl. 19:13]

kannski Kolbrún en hefur þú trú á að við segjum upp EES - ekki ég

[Jakobína Ingunn Ólafsdóttir, 13.4.2013 kl. 19:24]

Það þarf fyrst og fremst að breyta lagaumhverfi fyrirtækja.

[Kolbrún Hilmars, 13.4.2013 kl. 20:14]

Í rauninni þarf ekki að breyta lagaumhverfi fyrirtækja.  Í dag er boðið upp á tvenns konar rekstrarform; með ábyrgð og án ábyrgðar. 
Hins vegar mætti skerða frjálsræði þeirra sem skipta um kennitölur og fyrirtæki (án ábyrgðar) eins og sokka.  En þá erum við að ræða fólk en ekki fyrirtæki.

[Jakobína Ingunn Ólafsdóttir, 13.4.2013 kl. 20:35]

Það þarf að gera stjórnendur ábyrgari þegar þeir brjóta lög. T.d. lög um verðsamráð. Slík brot eru árásir á neytendur. Það þarf líka að efla eftirlit og trúlega að reka nokkra embættismenn ef vel á að vera.