Regla hins ríkjandi valds

Hið ríkjandi vald á Íslandi hefur skapað vont samfélag.

Valdið hefur búið til reglur sem færa eignir frá almenningi inn á fjármálastofnanir.

Valdið hefur tryggt vinnuveitendum aðgang að sparifé launþega.

Valdið hefur búið til reglur sem færa auðlindirnar á hendur fárra

Valdið hefur fært stjórnendum stórfyrirtækja ábyrgðarleysi við brot á lögum um samráð og fákeppni

Valdið hefur gert hinn íslenska neytanda máttlausan og kúgaðan

Valdið hefur byggt múr um hina ríkjandi flokka með kosningalögum sem taka kosningaréttinn af hluta þjóðarinnar.

 

Ekki ástæða til að endurskoða 5%-reglu

Athugasemdir

[Jón Flón (IP-tala skráð) 29.4.2013 kl. 00:26]

Ég hefði haldið að formaður Sjálfstæðisflokksins hefði nú eitthvað vit á mannlegu eðli. Hann giskar út í bláinn á að dræma kjörsókn megi skýra með fjölda kosninga undanfarið. En Bjarni minn, leyfðu mér nú að útskýra þetta þannig að jafnvel þú megir skilja.

Þessi dræma kjörsókn stafar af því að stór hluti þjóðarinnar var ekki að samsvara sig með þeim flokkum sem buðu fram - þínum meðtöldum. Fyrir sumum virkar lífið nefnilega stundum þannig að ef þú veist ekki hvað þú átt að gera þá endarðu á að gera ekki neitt. Það er nákvæmlega það sem er gerðist hér.

Eitthvað segir mér þó að næstu 4 árin munir þú ekki nenna að gefa þér tíma í að finna út af hverju tæplega 75% þjóðarinnar vildi ekki kjósa flokkinn þinn og ÞAÐ er ekki góð þróun. Skemmtu þér annars vel við að stjórna landinu og vinsamlegast reyndu að brjóta sem minnst á leiðinni út.

[Austur-Íslendingur (IP-tala skráð) 29.4.2013 kl. 06:46]

Ég skil bara ekki baun í bala hvað þú ert að fara. Kannski er það nú einmitt málið.Framsókn er í stórsókn út á landi (austan Hveragerðis) og á þessu má skýra þetta mikla fylgi. Kannski er komin tími á að við höfum þetta eins og víða er, að Reykjavík hefur þingið en þeir fá enga þingmenn. Þar með myndi það fólk sem býr og starfar næst auðlindum þjóðarinnar (Landsbyggðarvargurinn) hafa öll spil í hendi sér og þar með þyrftuð þið ekki að hafa Sjálfstæðisflokkinn á þingi lengur heldur hreinan meirihluta Framsóknar.

Þeir sem annars segja að Framsókn eða sjálfstæðisflokkurinn hafi ekki unnið þessar kosningar með 51% skulu hugsa sig þrisvar um, því sá mikli meirihluti sem myndaður var á síðasta kjörtímabili var 51,5% og hana nú.

Ég legg til að ef þetta verður ekki viðurkennt sem líðræðisleg kosning þá verði landinu skipt upp í landsbyggð og Reykjavík. Þá ætla ég Austur-Íslendingur að njóta þeirra auðlinda án, sjóræningja úr Reykjavík, sem landið hefur upp á að bjóða eins og ég hef alla tíð gert og komist sæmilega til manns.

[Grímur (IP-tala skráð) 29.4.2013 kl. 08:03]

Ef 5% yrðu lækkuð

þá sætum við uppi með slatta af

Þvermóðskufullum einstaklingum sem ekki geta unnið með neinum

Þeir þyrftu jafnvel bara að eiga stóra fjölskyldu í sumum kjördæmum sem vill losna við þá burt til Reykjavíkur.

[Jakobína Ingunn Ólafsdóttir, 29.4.2013 kl. 16:01]

,Eða ætlar einhver í alvöru að halda því fram að það sé eitthvert réttlæti í því að 2.430 kjósendur Framsóknarflokks fái sinn fulltrúa á þing á meðan 5.855 kjósendur Dögunar fá engan fulltrúa á þing?"

[Pétur D. (IP-tala skráð) 30.4.2013 kl. 02:11]

Auðvitað vill Bjarni Ben ekki lækka lágmarksprósentuna, því að það myndi auka lýðræðið og Sjálfstæðisflokkurinn er sérstaklega ólýðræðislegur og spilltur flokkur, nú sem fyrr.

Í Danmörku er lágmarksprósentan 2%,  sem þýðir að minnihlutahópar fá rödd í Þjóðþinginu (Folketinget). 2% (af 175 dönskum þingmönnum) gefa 3 þingsæti, hér myndu 2% gefa 1 þingsæti/þingmann, sem gæti verið þunginn á vogarskálinni ef blokkirnar eru jafnar.

Grímur, það er allt í lagi að hafa þvermóðskufulla einstaklinga, ef þeir hafa skynsamlega stefnuskrá og eru heiðarlegir og óspilltir, sem eru eiginleikar sem á Alþingi er tilfinnanlegur skortur á. 

[Pétur D. (IP-tala skráð) 30.4.2013 kl. 02:13]

Með orðinu minnihlutahópar átti ég að sjálfsögðu við pólítíska minnihlutahópa, bæði til hægri og vinstri.