Loforðin

Skv DV

·         Afskrift af húsnæðislánum. (B)

·         Afnám verðtryggingar (B)

·         Viðræðum við ESB slitið eða spurning sett í þjóðaratkvæði (D /B)

·         Afnám auðlegðarskatts (D)

·         Hækkun persónuafsláttar (D)

·         Lyklalög (D og B)

·         Stjórnarskráin í salt (D og B)

·         Fleiri virkjanir

·         Lækkun tekjuskatts, tryggingagjalds, virðisaukaskatts, auðlindagjalds, tolla og vörugjalda, eldsneytisgjalda, erfðafjárskatts og áfengisgjalds (D)

·          Afnám stimpilgjalda, gistináttagjalds, kolefnisgjalds á eldsneyti, raforkuskatts og bifreiðagjalda (D)

·         Þak sett á verðtrygginguna fram að afnámi (B)

·          Snjóhengjan leyst og afnám gjaldeyrishafta (D og B)

·         Innlend matvælaframleiðsla verður aukin (B)

·          Styttri námstími til stúdentsprófs (D)

·          Breytingar á kvótakerfinu endurskoðaðar (D)

 

 

Byggja viðræður á stefnu Framsóknar

Athugasemdir

[anna (IP-tala skráð) 5.5.2013 kl. 00:03]

Þjóðaratkvæðagreiðsla vegna ESB og Stjórnarskrá, hefur þegar farið framm.

Allir sem kusu þessa flokka eru andvígir. Semsagt meir en 50% af þjóðinni.

[Jakobína Ingunn Ólafsdóttir, 5.5.2013 kl. 00:26]

Kjósendur allra flokka eru ekki sammála öllum stefnumálum þess flokks sem þeir velja að kjósa. Sumir kjósendur sjálfstæðisflokksins kjósa hann ekki vegna stefnumála heldur af trúarlegum ástæðum. Hvorki stjórnarskráin né ESB var kosningamál í þessum kosningum. Skuldir heimilanna voru það hins vegar.

Vilji þjóðarinnar í málum eins og ESB og stjórnarskránni kemur ekki tær fram nema í þjóðaratkvæðagreiðslu.

[Pétur D. (IP-tala skráð) 5.5.2013 kl. 01:15]

Þetta er ekki rétt hjá þér, Jakobína. ESB-aðlögunin og stjórnarskrárbreytingarnar sem áttu að gera aðild mögulega var ein aðalástæðan fyrir það afhroð sem Samfylkingin og VG urðu fyrir. Þannig urðu þessi mál sjálfkrafa kosningamál eins og Anna bendir réttilega á, jafnvel þótt ríkisstjórnin reyndi að þegja um það.

Þjóðin hafnaði ferli sem miðaði að því að sölsa landið undir ESB-ríkið þar sem ráðgefandi þjóðaratkvæðagreiðsla mundi ekki koma í veg fyrir endanlega aðild í trássi við vilja 70% þjóðarinnar. Kjósendur höfnuðu ESB-flokkunum þremur, Samfylkingunni, Vinstri grænum og Bjartri framtíð. Vegna ESB og IceSave-samninganna sem óneitanlega tengdust þjónkun við ESB.

[Ómar Bjarki Kristjánsson, 5.5.2013 kl. 01:46]

Það sem skiptir máli varðndi ESB og hugsanlega samstjórn Sjalla og Framsóknar (sem er enn líklegasta niðurstaðan) er að athuga hvað afstöðu nýju þingmenn Framsóknar hafa gagnvart Íslandi og umheiminum.

Eg hef prófað það. Það er td. hægt að sjá á kosningaprófi DV afstöðu sumra og annarra á skrifum þeirra í aðdraganda kosninga (þó þeir hafi að vísu ekki sagt mikið því fólk svo neðarlega á lista er yfirleitt ekki í miklu forsvari fyrir flokkinn beinlínis)

Til að stytta málið, þá virðist mér nýju þingmenn Framsóknar langflestir eiga það sameiginlegt að Ísland eigi að vera einhvernveginn sér á parti og utanvið allt og alla með sínar ,,auðkindir" og þjóðernisreisn og bla bla bla. Afar andsnúnir ESB. Jafnframt sem þeir virðast nánast hafa krónuna og Sigmund Davíð í guðatölu.

Það er algjörlega ljóst hvert stefnir við samstjórn þessara flokka.

Í raun er Framsókn ekki svo langt frá hugmyndafræði Jakobínu að sumu leiti.

[Ómar Bjarki Kristjánsson, 5.5.2013 kl. 01:49]

Edit: ,,með sínar ,,auðlindir"

Og það má bæta við að þessi þjóðernis bla bla er líka vandamál innan VG. Ögmundur gæti alveg verið Framsóknarmaður að sumu leiti. Jón Bjarna er ekkert nema framsóknarmaður.

Framsóknarflokkurinn er öðruvísi en VG að því leiti að þar er miklu sterkari hefð að fylgja forystusauðnum.

[Gunnar Heiðarsson, 5.5.2013 kl. 07:03]

Hvar varst þú staddur í veröldinni síðustu fjögur ár Ómar? Hefur foringjaræði nokkurs stjórnmálaflokks verið jafn rætið og innan VG þessi sömu ár, þar sem foringinn hefur farið hamförum í svikum við sína kjósendur?

[Benedikt V. Warén, 5.5.2013 kl. 09:24]

Gunnar. ÓBK var í strútagarði sínum með sama útsýnið og hræddur strútur og víðsýnið eftir því.

[Pétur D. (IP-tala skráð) 5.5.2013 kl. 15:54]

Benedikt: Ég vil ítreka þá staðreynd, að strútar stinga ekki höfðinu í sandinn, þegar þeir eru hræddir. Það er lífsseig goðsögn sem er hreinlega móðgun við strúta. Ég hef meira að segja þurft að benda Össuri á þetta, sem var ekki betri að sér í afrískri dýrafræði en það.

Það sem gerist, þegar strúturinn kemur auga á rándýr, er að hann leggst flatur á jörðina. Þá verður ljóslitur háls og fætur samlita sölnuðu grasinu og sandinum á sléttunni og svörtu fjaðrirnar líkjast runna úr fjarska. Þannig hverfur strúturinn úr augsýn og verður óhultur.

Manneskja, sem á að heita gáfaðri en dýrin, myndi í sömu kringumstæðum hlaupa æpandi í hringi þar til hún yrði étin af ljóninu. Bon appetite.

[Pétur D. (IP-tala skráð) 5.5.2013 kl. 15:55]

Hins vegar eru stjórnmálamenn og embættismenn, sérstaklega íslenzkir, þekktir fyrir að stinga hausnum í sandinn, þegar vandamál koma upp.