Ísland og IMF

Menn líta á aðstoð Alþjóða Gjaldeyrissjóðsins mismunandi augum. Sumir fullyrða að allt verði einkavætt og útgjöld til málaflokka þurrkuð út. þetta virðist m.a. vekja ugg frjálshyggjumanna.

Menn tala eins og það sé gefið að þetta sé allt af hinu vonda. En ég spyr af hinu vonda fyrir hverja. Hversu miklu þurfum við að eyða í utanríkisþjónustu sem reynist grútmáttlaus þegar á reynir við aðstæður sem þær sem ríkja núna? Hafa milljarðar í utanríkisþjónustu verið að skila okkur góðum árangri í almannatengslum nú á vátímum? Hefur utanríkisþjónustan bara verið til staðar sem hvíldarhæli fyrir fyrrverandi stjórnmálamenn og þá sem hafa notið velþóknunar yfirvalda? Hefur enginn hugsað um það hvaða þekking þarf að liggja fyrir í utanríkisþjónustunni og hvernig eigi að beita henni? Gleymdist að byggja undir eiginlegt hlutverk hennar?

Það má líka spyrja sig að því hvernig er verið að nýta það fjármagn sem veitt er til heilbrigðis- og félagsmála. Eru gæði þjónustunnar í samræmi við þau gífurlegu útgjöld sem þar eru. Einkaneysla heilbrigðisþjónustu er mikil á Íslandi, þ.e. við greiðum mikið sjálf fyrir utan það sem greitt er í gegn um skattkerfið. Þetta gerir erfitt um vik við samanburð á kostnaði við heilbrigðisþjónustu við önnur lönd.

Ekki hefur stuðningskerfi við námsmenn verið til fyrirmyndar og við óbreytt fyrirkomulag kemur fólk ekki til með að geta menntað sig í framtíðinni.

Hugsum málið, hvaða þýðingu og fyrir hverja.

Mönnum ber ekki saman um það hvaða þýðingu það hefur fyrir almenning, valdhafa eða fyrirtæki að fá íhlutun/fyrirgreiðslu IMF. Viðræður eru nú í gangi við IMF og óljóst er ennþá hvaða þýðingu inngrip þess getur haft en Árni mun að líkindum reyna að verja einhverja hagsmuni í því sambandi.

Athugasemdir

[Arinbjörn Kúld (IP-tala skráð) 11.10.2008 kl. 16:21]

Jæja mín kæra. Gaman að sá þig blogga. Við erum einnig sammála um flest sé ég. Hefðir þú nokkurn tíma getað ímyndað þér að við ættum eftir að lifa slíka tíma? Ekki ég. En hvað gerum við nú?

[Jakobína Ingunn Ólafsdóttir, 12.10.2008 kl. 01:47]

Sæll Ari

 Bítum á jaxlinn