Lýðræði

Íslendingar hafa litið svo á að þeir búi við lýðræði. Ýmsum aðferðum hefur verið beitt af valdaklíkunni til þess að draga úr lýðræðinu.

Fyrst má nefna sú leynd sem hvílt hefur yfir atriðum sem hafa áhrif á almenningsálit s.s. styrkir til flokkanna og hagsmunatengsl þeirra við atvinnulífið.

Það má nefna hvernig þrískipting valdsins hefur verið hunsuð þannig að sömu einstaklingar hafa þræði áhrifa inn í löggjafarvald, framkvæmdavald og dómsvald.

Blekkingarleikur flokkanna fyrir kosningar hefur lamað getu almenningsins til þess að taka upplýstar ákvarðanir um það hverjir skulu hljóta atkvæðin.

Blekkingar sem almenningur er beittur við íþyngingu skatta með óhefðbundnum aðferðum. Þetta hefur leitt til mikils ójöfnuðar milli þeirra sem hafa minni tekjur og þeirra sem hafa mestar tekjur hinum tekjuhærri í hag.

Vald ríkisins hefur orðið að ofurvaldi. Við sem búum í landinu, venjulegir borgarar, stöndum berskjaldaðir frammi fyrir þessu. Það hafa verið sett lög í landinu sem eiga að vernda borgaranna fyrir ofríki ríkisvaldsins að fyrirmynd siðmenntaðra þjóða. Ríkið hefur hvað eftir annað hunsað þessi lög enda hefur það alla þræði í hendi sér og mikið vald yfir framkvæmd og eftirfylgni vegna ítaka í stofnunum landsins.