Herbrögð

Herbragðasnillingar í íslenskri pólitík vinna nú að því hörðum höndum að koma ár sinni fyrir borð. Gordon Brown er kynntur í fjölmiðlum sem helsti óvinur íslensku þjóðarinnar. Ráðamenn ganga fram í fjölmiðlum og hughreysta íslensku þjóðina. Þeir hinir sömu og eru ábyrgir fyrir ríkjandi ástandi. Síðan hvenær hefur það verið siðlegt að glæframenn gangi fram og hughreysti fórnarlömbin? Er ekki nær að þeir sýni iðrun.  

Á meðan þessu fer fram ráða menn ráðum sínum og skipa „bjargvætti" að sínu skapi til þess að stýra og hafa „eftirlit". Aðgerðirnar miða nú að því að fá íslensku þjóðina til þess að treysta þeim sem hafa komið landinu á kalda kol.

Við búum einfaldlega við kerfi sem viðheldur sukkinu. Kerfið ver þá valdhafa sem sitja að störfum hverju sinni. Jafnvel við aðstæður þar sem valdhafar hafa með löggjöf og eftirfylgni laga komið landinu í þrot, gert fjölda einstaklinga að öreygum og skapað ástand sem nú teflir lífi og heilsu einstaklinga í hættu.

ÞAÐ ÞARF AÐ BREYTA KERFINU!