Leikreglurnar

Í samfélagi manna hefur í gegnum tíðina verið til staðar siðferði og kröfur um framferði. Hugmyndir um það hvað sé eðlilegt og sæmandi eru í sífelldri þróun. Alþingi setur leikreglur um leyfilega hegðun í samfélaginu og eiga þessar leikreglur að spegla siðferði í nútímasamfélagi.

Nú ber svo við að undanfarinn áratug eða áratugi hafa verið við völd einstaklingar sem hafa hunsað siðferði almennings mótað leikreglur eftir vafasamri hugmyndafræði sem þeir hafa síðan haft uppi tilburði til að troða í almenning. Þetta var hægt að gera í skjóli þess kerfis sem er við lýði núna.

Athugasemdir

[Rannveig H, 13.10.2008 kl. 22:51]

Algjörlega sammála þér,og ef við breytum ekki þessari hugmyndafræði og reglum núna þá erum við að berja hausnum við stein.

[Rannveig H, 13.10.2008 kl. 22:55]

Þá meina ég að herða þessar reglu svo það sé ekki hægt að sveigja þær til og frá eftir misvitrum stjórnmálöflum

[Jakobína Ingunn Ólafsdóttir, 13.10.2008 kl. 22:58]

Það þarf að endurskoða grunngildi og breyta kerfinu.

[Máni Ragnar Svansson (IP-tala skráð) 13.10.2008 kl. 23:14]

Hjartanlega sammála þér Jakobína. Á undanförnum áratug hefur frelsið til að steypa sér í glötun verið rýmkað, en ekki sá innri kjarni í hverri manneskju styrktur sem allt frelsi byggist á. Síðasti áratugur hefur í sannleika verið andlegt og siðferðilegt niðurbrot, innaní sjúklega sykurkenndri glansmynd.