Breytingar

 

Það er almennt af hinu góða að vera móttækilegur fyrir breytingum. En einstaklingar spyrna gjarnan við breytingum. Við höfum tilhneigingu til þess að treysta betur því sem við þekkjum og forðumst óvissu.

Til þess að samþykkja breytingar þurfum við því að vera mjög pirruð á ríkjandi ástandi eða hafa skýrar hugmyndir um ábata af væntanlegum breytingum. Þetta birtist núna í vonleysi einstaklinga sem eru ósáttir við ástandið. Menn spyrja t.d. hvort einhverjir aðrir geti stjórnað þjóðarbúinu. Ég segi, það erfitt að finna fólk og stefnu sem getur gert verr en þeir hafa sem nú sitja við stjórnvölinn. Trúlega er erfitt að finna fólk sem getur komið landinu í kalda kol að sama marki og núverandi yfirvöld. Þetta er fólk sem hefur fengið falleinkunn.

Við vitum að við erum pirruð á núverandi ástandi en við þurfum að fara að móta hugmyndir um það hvernig við viljum breyta og hvaða ábata við viljum sjá.

Ég vil fyrir mína parta samfélag þar sem menn þurfa að standa skil á gjörðum sínum.

 Ég vil geta treyst stofnunum.

Ég vil sanngjarna skattlagningu.

Ég vil að löggjöfin þjóni almenningi.

Ég vil að auðlindum sé skilað.

Ég vil að stoðir skilnings og þekkingar séu styrktar.

Ég vil jafnrétti.

Ég vil almenna velferð.

Ég vil..........