Áróðurinn

 

Menn telja ekki eftir sér að misnota gamla fólkið í æstum tilburðum til þess að selja hugmyndir um að ástandið sé nú ekki svo slæmt. Í kvöldfréttum ríkissjónvarpsins voru tekin viðtöl við fólk á níræðisaldri og það fengið til þess að skýra út að kreppan hafi verið verri fyrir það árið 1927.

Auðvitað var hún verri fyrir þetta fólk sem þá stóð í lífsbaráttunni.

Í dag er samfélagið breytt. Ýmis gæði sem í boði voru árið 1927 þarf ungt fjölskyldufólk að greiða fyrir árið 2008. Fólk hefur í dag alls konar skuldbindingar sem ekki voru til staðar hjá ungu fólki árið 1927. Tímarnir voru erfiðir árið 1927 og þeir eru erfiðir árið 2008 en það er ekki hægt að bera þessa tíma saman til þess að gefa þeim einkunnir.

Gamla fólkið á að njóta friðhelgi. Það er afar ósmekklegt að vaða inn á stofnanir og tefla því fram í svona áróðri. Gamla fólkið sýnir erfiðleikum ungs fólks virðingu og það eiga fjölmiðlar að gera líka.

Athugasemdir

[Sigurjón Þórðarson, 17.10.2008 kl. 19:54]

Það sem er sárast við núverandi kreppu er að hún er algerlega óþörf og stjórnvalda sem hvetja fólk til að standa saman.

[Jakobína Ingunn Ólafsdóttir, 17.10.2008 kl. 20:05]

Já auðlindirnar eru í góðu lagi en í röngum höndum