Er hlýðni merki um manndóm?

 

Hluti þjóðarinnar hefur verið sýktur með sefjunartilburðum stjórnvalda. Búið er að rugla þessa einstaklinga þannig að þeir hafa glatað tengslum við raunverulega merkingu orða.

Þeir halda að hlýðni sé merki um manndóm og að traust sé eitthvað sem kemur í dósum. Við hvert tækifæri biðla stjórnmálamenn núna til hinna veiku og reyna að breiða út sjúkdóminn enn frekar með því að gefa sífellt fleiri orðum nýjar merkingar. Menn reyna að fela sig á bak við orð sem eru þrungin allt annarri merkingu en þeirri sem verið er að nota þau í.

Takist þeim að sýkja alla þjóðina verðum við þjóð sem er búið að heilaþvo. Ekki ósvipað þjóðverjum á fyrri hluta síðustu aldar.

Það er til merkis um heilbrigði þjóðarinnar ef hún vill að menn skuli vera ábyrgir gjörða sinna.

Þjóðin þarf að vera nógu þroskuð til þess að sjá við orðskrípishætti stjórnvalda. Þórhildur Þorleifs átti heiður skilinn fyrir frammistöðu sína í Kastljósi og ég gef henni hér með heilbrigðisvottorð.

Þeir sem vilja að menn svari til saka fá heilbrigðisvottorð frá mér!