Er Davíð norn?

Nornaveiðum var hér áður fyrr beint gegn sjálfstæðum konum og körlum af lítilsigldum einstaklingum sem nýttu sér hjátrú og fáfræði almennings. Vel upplýstur og vel menntaður almenningur krefst þess nú að þeir sem hafa rústað fjárhag landsins standi skil á gjörðum sínum og það á ekkert skylt við nornaveiðar.

Þeir sem beita stóryrðum og borð við NORNAVEIÐAR virðast gera það í þeim tilgangi að berja fólk til hlýðni. Það má lesa nýja merkingu orða eins og t.d.:

Þegar fólk notar orðið LÝÐSSKRUMARAR þá þýðir það í raun að málfrelsi á að einskorðast við stjórnmálamenn en aðrir sem láta í ljós skoðanir sínar eru LÝÐSSKRUMARAR.

þegar orðið BLÓRABÖGGLAR er notað þá þýðir það að þeir sem sæta gagnrýni eigi að njóta friðhelgi gagnvart reglum samfélagsins sem aðrir þurfa að gangast undir.

Orð af þessu tagi eru notuð af þeim sem nú hafa brotið af sér í þeim tilgangi að fá brotaþola til þess að standa ekki með sjálfum sér heldur þeim sem brotið hafa af sér. Góðu fréttirnar eru að þessi vopn verða máttlaus þegar við förum að sjá við þeim sem nota þau.

Við þurfum bara að sjá

við þessu.

Athugasemdir

[Guðrún Jónína Eiríksdóttir, 18.10.2008 kl. 21:49]

Þetta er sko alveg rétt hjá þér.

[S.H. (IP-tala skráð) 18.10.2008 kl. 22:05]

Lítilsigldur, heter det doktorn! Nicht gut!

[Jakobína Ingunn Ólafsdóttir, 19.10.2008 kl. 00:27]

Takk fyrir það!

[Vilborg Traustadóttir, 19.10.2008 kl. 00:27]

Svo eru það "óreiðumenn" sem gæti útlagst ekki reiðir menn eða getulausir menn? Menn sem eru ekki til reiðu búnir!

[Sigurður Þórðarson, 19.10.2008 kl. 01:02]

Davíð var ekki einn í þessu. Hann starfar í umboði forsætisráðuneytisins. Hvað með Geir?  Fjármála- og viðskiptaráðherra voru varaðir við. Hvað með Árna og Björgvin?  Ingibjörg er búin að vera mikið í útlöndum t.d. Afganistan, Palestínu osf. er hún þá algeerlega stikk frí? Ef ekki hvað með Ingibjörgu?

[Anna Sigríður Pálsdóttir, 19.10.2008 kl. 11:57]

Auðvitað er Davíð ekki einn, en þetta sýnir svart á hvítu skaðsemi þess að setja einstakling á stall. Davíð hefur í mörg á komist upp með að hafa áhrif á hluti sem honum ber ekki að skipta sér af. Hann hefur skapað hræðslu flokkfélaga við að setja sig upp á móti honum.

Varðandi hitt liðið er það sekt um aðgerðaleysi, ég spyr hefði þessi umræða ekki átt að eiga sér stað í mars þegar krónan hrapaði fyrst? Mér finnst heimskulegt að segja að ekki hefði verið hægt að sjá fyrir þessu og að hlutirnir myndu reddast. Við námsmenn erlendis fundum þá strax fyrir höggi sem ekki var reynt að draga úr. Eigendur myntkörfulána urðu  fyrir skakkafalli þá ekki var neitt.

Að mínu mati tóku samfylkingarmenn við gallaðri vöru þegar þeir tóku við sæti í meirihluta ríkisstjórnar. Skaðin var skeður, einkavæðingin strax farin úr böndunum.