Við þurfum samræður en ekki bara ræður!

Fréttir herma að um 1000 manns hafi mætt til þess að krefjast þess að hreinsað sé til í forystu landsins. þetta þýðir að um 4000 manns hafi komið að mótmælunum ef dæma má af reynslunni af fréttaflutningi af þeim. Skyldu mótmælin verða fimmta frétt á RUV?

Mótmæli eru af hinu góða en það er þó ekki dæmigert fyrir karakter Íslendinga að mæta á mótmæli. Tölur um fjölda mótmælenda eru þó villandi þegar samanburður er gerður við stærri þjóðir. Hlutfallslega er nokkuð mikil mæting á þessí mótmæli.

En það þarf líka annan vettvang. Fólk þarf að koma saman og ræða málin. Það þarf að halda fundi og tilkynna niðurstöðu funda. Niðurstöður sem hafa upplýsandi gildi fyrir almenning og ná til þeirra sem ekki mæta á fundi og mótmæli.

Það þarf að auka skilning almennings á því sem er að gerast í þjóðfélaginu á þessari stundu.

Um þúsund mótmælendur

Athugasemdir

[Ómar Sigurðsson (IP-tala skráð) 1.11.2008 kl. 16:14]

Það er alveg makalaust með Hörð Torfason erkihomma. Hann hefur áratugum saman vælt yfir því að hafa orðið fyrir einelti vegna hommarísins á sér. Nú leggur hann Davíð Oddson í einelti. Séð og heyrthomminn fljótur að gleyma.

[Jakobína Ingunn Ólafsdóttir, 1.11.2008 kl. 16:21]

Ég sé ekki að kynkvöt Harðar komi málinu neitt við. Davíð Oddson hefur væntanlega líka kynkvöt og hefur ekki talið eftir sér að leggja fólk í einelti.

[Rakel Sigurgeirsdóttir, 1.11.2008 kl. 16:38]

Það er heldur ekki einelti að krefjast þess að menn sem standa sig ekki í vinnunni sinni víki.

[Jakobína Ingunn Ólafsdóttir, 1.11.2008 kl. 16:42]

Já það er sjálfsögð krafa að fólk standi sig í vinnunni. Þegar um stjórnun seðlabanka er að ræða kemur þetta okkur öllum við!

[Arinbjörn Kúld (IP-tala skráð) 1.11.2008 kl. 16:44]

Mótmæi, fínt, ég bara kemst ekki sökum landfræðilegar staðsetningar og vinnutíma. Ég er til í að mæta á hinn vettvanginn svo fremi sem ofangreint hamli ekki þátttöku. 

[Jakobína Ingunn Ólafsdóttir, 1.11.2008 kl. 16:47]

Ást á þjóðinni á að vera eina skilyrðið ekki aðrar ástir

[Stefán Lárus Pálsson (IP-tala skráð) 1.11.2008 kl. 16:51]

Flestar útgerðir losa sig við skpstjóra sem ekki fiskar, en níðist á skipi og skipshöfn og veldur þvílíku veiðarfæratjóni að útgerðin riðar til falls. Þannig stjórnendur eru  í brúnni á S.b. Svörtuloftum . Alls óhæfir hirða hæstu laun fyrir lítið. Látum þá taka pokann sinn. 

[Jakobína Ingunn Ólafsdóttir, 1.11.2008 kl. 16:57]

Stefán, sammála!

[Vilborg Traustadóttir, 1.11.2008 kl. 18:23]

Ég er sammála því að við þurfum að tala saman en ekki bara flykkjast niður í bæ og hlusta á ræður.

Á meðan við erum að eyða tímanum í það rennur stundarglasið út. Við eigum að koma með hugmyndir til úrbóta og vinna að framgangi þeirra!

Það gerist einmitt þegar fólk kemur saman og ræðir málin.

[Rakel Sigurgeirsdóttir, 1.11.2008 kl. 18:31]

Ég held að það fari best á því að blanda þessu saman. Þ.e.a.s. mótmælum, ræðum og samræðum. Mér hefur sýnst að þetta sé reyndin.

Það þarf kannski að hafa fyrir því að þefa þessa „sellufundi“ uppi og fá að vera með. Borgarafundurinn sem var sl. mánudag var blanda af ræðum og samræðum en það er erfitt að skapa skilyrði fyrir eðlilegar samræður í stórum hópi en hins vegar ekki líklegt að margir litlir fundir hafi sama slagkraft og slíkur fundur.

Þeir sem eru að skipuleggja mótmælin vona svo auðvitað að það mæti fleiri á mótmælin en venjulegir salir rýma. Þeir dreymir auðvitað um að fjöldinn verði nógu mikill til að stjórnvöld taki mark á kröfunum. Kröfurnar eru mótaðar í litlum sellum sem, ef ég hef skilið rétt, eru þó nokkrar í Reykjavík.

[Jakobína Ingunn Ólafsdóttir, 1.11.2008 kl. 18:42]

Já enda er ég hlynt mótmælum og hef mætt bæði á þau og borgarafund. Kjarni málsins er að það þarf á einhvern hátt að virkja almenning. Hugmyndir þeirra sem vilja breytingar þurfa að fá meiri hljómgrunn. Fjölmiðlar eru 99% að koma á framfæri orðræðu sem er mótuð af yfirvöldum. Hlutirnir eru kallaðir þeim nöfnum sem hagstæð eru yfirvöldum. Tungumál þeirra sem krefjast umbóta þarf að komast að í orðræðunni.