Slógu þeir skjaldborg um bankanna: Burt með spillingarliðið

Það er mjög undarlegt að ekkert er verið að aðhafast í þeim gríðarlega alvarlegu málum sem komið hafa upp á yfirborðið síðan bankarnir urðu gjaldþrota. Eru einhverjir í raun að rannsaka eitthvað eða er bara verið að tala um hlutina? Jú nú er Valtýr að kortleggja. Já og Björn Bjarna er að koma upp herliði til þess að hægt verði að verja glæfraliðið þegar almenningur fer að fatta hvað er á ferðinni og verður með uppsteyt.

Hegðun yfirvalda má túlka sem áhugaleysi eða samsekt. Hafa yfirvöld ekki áhyggjur af hegðun glæframanna, eru þeir kannski á móti því að þeir verði kallaðir til ábyrgðar eða jafnvel það sem verra er, eru þeir kannski svo flækir í málin að þeir geti sig hvergi hreift? Stjórnmálamenn hvarta yfir tortryggni almennings en hver sá sem ekki er tortryggin hefur ekki fylgst mikið með því sem hefur verið að gerast.

Það hefur hvílt mikil leynd yfir því hverjir hafa lagt fjármagn í kosningasjóði sjálfstæðisflokks gegn um tíðina. Sjálfstæðisflokkurinn hefur sýnt hvers konar gagnsæi andstöðu sem auðvitað vekur spurningar. Hvers vegna þessi leynd? Hvað eru menn að fela?

Menn tala eins og þessi leynd sé sjálfsögð en hún er það ekki. Hún er það ekki vegna þess að þessir aðilar hafa borið ábyrgð á velferð þjóðarinnar. Velferð sem hefur verið fótum troðin með þeim afleiðingum að þjóðin er orðin stórskuldug, ójöfnuður mestur í hinum vestræna heimi og orðspor þjóðarinnar og ráðamanna sjálfra ónýtt.

Er ekki kominn tími til þess að þessir menn pakki saman. Þeir sinna störfum sínum ekki af heilindum.

Athugasemdir

[Hólmdís Hjartardóttir, 5.11.2008 kl. 22:51]

við þurfum að losna við allt þetta lið. Hvað gerist ef allur almenningur segir sig úr flokkunum.....þá verða þeir varla til lengur....og deyja

[Vilborg Traustadóttir, 6.11.2008 kl. 00:09]

Það er greinilega mikið að og mikið í uppsiglingu fyrst Björn Bjarnason er að "vígbúast". Ég held að þetta þýði eitthvað meira en að uppsagnir taka gildi um áramót. Það er eitthvað svoooo dirty á ferðinni í þessum bankamálum....Hvers vegna eru allir þessir menn með lífverði?

Hvað halda þeir að við séum?

Morðingjar?

Það eru margir mjög reiðir en ég held að fáir grípi til slíkra örþrifaráða að reyna að vinna þeim mein og rústi þar með öllu lífinu fyrir sér og sínum í leiðinni.

Ekkert er þess virði.

Það sem við viljum eru UPPLÝSINGAR!

[Jakobína Ingunn Ólafsdóttir, 6.11.2008 kl. 00:26]

Já skortur á upplýsingum veldur óvissu og kvíða en leynd veldur tortryggni

[Arinbjörn Kúld (IP-tala skráð) 6.11.2008 kl. 01:58]

Það er alla vega talsverður beygur í mér. Svo virðist það vera þannig að því meira sem þú stelur því minni líkur eru á að þú verðir tekin. Ísland í dag.