Framtíðin er okkar...Burt með spillingarliðið

Pólverjar hafa sýnt Íslendingum vináttuþel. Það framlag sem þeir eru að bjóða skiptir miklu máli en annað sem skiptir líka miklu máli og kemur ekki fram í fréttum er hvort þetta hangi á IMF. Ef þetta hangir ekki á IMF losar það um snöruna sem Evrópuþjóðir hafa verið að reyna að flækja okkur í í gegn um IMF.

Á hvorn veginn sem málið er þökkum við Pólverjum fyrir þá vinsemd sem þeir hafa sýnt okkur.

Ég er algjörlega þeirra skoðunar að við megum ekki undir nokkrum kringumstæðum ganga að ofurkröfum Breta og Hollendinga. Það þýðir einfaldlega framsal á lýðveldi þjóðarinnar. Ég hef sagt það áður og ég segi það aftur að fyrr skulum við japla á roði en afsala okkur fullveldinu og fyrr skulum við japla á roði en við látum hneppa börning okkar í skuldaánauð.

Við eigum okkar auðlindir, við eigum þekkingu til þess að nýta þær og við eigum okkar frelsi. Ég legg til að Björn Bjarnason hætti nú að eyða fjármunum okkar sem eru af skornum skammti í hervæðingar. Leggjum heldur krafta okkar í viðbúnað og uppbyggingu.

Bregðist IMF þurfum við á öllu okkar að halda. Bregðist IMF ekki þurfum við á öllu okkar að halda.

Burt með spillingarliðið

Geir staðfestir pólska aðstoð

Athugasemdir

[Guðrún Jónína Eiríksdóttir, 7.11.2008 kl. 21:59]

Já ótrúlegurtu lönd vilja koma til hjálpar, ég hefði haldið að Pólverjar ættu nóg með sig. Takk Pólland.