þess vegna þurrkuðu Bretar út skuldir Íslendinga við Icesave

Ég hef látið það í ljós oftar en einu sinni að ég treysti ekki ríkisstjórninni til þess að leiða þjóðina í gegn um þann vanda sem við stöndum frammi fyrir núna. Fyrir nokkru síðan benti ég á það hér á blogginu að Bretar hefðu tekið ábyrgð Íslendinga á Icesave af þeim með því að yfirtaka Landsbankann. Þetta setti ég fram 27 október og er enn sömu skoðunar.

Bretar tóku málið úr höndum Íslendinga og þess vegna tóku þeir möguleika Íslendinga til þess að hafa áhrif á framgang málsins frá þeim. Valdið er því nú Bretanna og ábyrgðin líka.

Eignir Landsbankans í Bretlandi eru því nú eignir lánadrottnana, þ.e.a.s. eignir Icesave innistæðueigenda. Bretar verða að svara Icesave eigendum fyrir það hvernig nú er verið að fara með eignir Landsbankans. Tryggingasjóður innistæðueigenda hefur þrjá mánuði til þess að gera upp við innistæðueigendur samkvæmt reglum sjóðsins.

Sjóðurinn er því ekki kominn í vanskil við innistæðueigendur fyrr en að þessum þrem mánuðum liðnum. Þetta þýðir að aðför Breta að Landsbankanum var með öllu óréttmæt og með því að hrifsa til sín útibúið hrifsuðu Bretar til sín allar skuldbindingar þess. Líka við Icesave.

Nú virðist ríkisstjórnin ekki hafa dómgreind eða rökhyggju til þess að beita þessum rökum fyrir sig og er það áhyggjuefni. Eigum við að treysta þessu fólki fyrir framtíð okkar?

Athugasemdir

[Friðrik Hansen Guðmundsson, 11.11.2008 kl. 20:43]

Góður punktur.

[(IP-tala skráð) 11.11.2008 kl. 20:50]

Hárrétt,  þú ættir kannski að senda þingmönnum bréf þessa efnis, held þeim veiti ekki af, þá geta þeir allavega ekki sagt að þeir séu að koma af fjöllum hvað þetta varðar.

[Vilborg Traustadóttir, 11.11.2008 kl. 21:08]

Var sammála þér þá og er það enn!

[Jakobína Ingunn Ólafsdóttir, 11.11.2008 kl. 21:09]

Sigurlaug, búin að því.

[Hólmdís Hjartardóttir, 11.11.2008 kl. 21:37]

þetta segir Eiríkur Bergmann en segir ríkisstjórnina ekki tilbúna að ræða það

[Jakobína Ingunn Ólafsdóttir, 11.11.2008 kl. 21:39]

Já Hólmdís það er skrýtið

[Neddi, 11.11.2008 kl. 21:58]

Svo er fólk hissa á því að menn krefjist þess að ríkisstjórnin fari frá völdum.

[Sigurður Þórðarson, 11.11.2008 kl. 22:03]

Fínn pistill hjá þér.

Getur verið að Bretarnir séu að reyna að koma okkur í ESB?

[Jakobína Ingunn Ólafsdóttir, 11.11.2008 kl. 22:28]

Þetta er allt svo skrýtið að maður áttar sig ekki á tilganginum. Ferlega aggressívt.

[(IP-tala skráð) 12.11.2008 kl. 00:03]

Gott þá eru þeir í bænum hvað það varðar, hefur einhver þeirra svarað þér???

Kv Sigurlaug

[Jakobína Ingunn Ólafsdóttir, 12.11.2008 kl. 00:29]

Já, nokkrir

[Rakel Sigurgeirsdóttir, 12.11.2008 kl. 01:16]

Mikið er ég ánægð að þú sendir þessa skynsamlegu ábengingu til þingmanna! Vona að þeir kunni að meta hana en stingi henni ekki undir stól eins og svo mörgu skynsamlegu sem þeim hefur verið bent á undanfarin misseri

[Jakobína Ingunn Ólafsdóttir, 12.11.2008 kl. 01:21]

10% svöruðu mér strax og höfðu lesið bréfið. Allir jákvæðir. Ég sendi þetta bréf í kvöld

[Rakel Sigurgeirsdóttir, 12.11.2008 kl. 01:26]

Það er jákvætt að heyra það Frábært framtak hjá þér!! Eg verð svona mjúk og þakklát í hjartanu fyrir að við eigum svona snjalla og orðheppna konu eins og þig sem nær eyrum þingmannanna. Þetta er eflaust væmið en ég varð bara að koma þessu til þín

[Jakobína Ingunn Ólafsdóttir, 12.11.2008 kl. 01:33]

Úps en sætten takk fyrir

[Arinbjörn Kúld (IP-tala skráð) 12.11.2008 kl. 16:57]

Já, fylgist spenntur með. Þú mættir fara birta okkur svörin.