Er forsætisráðherra strengjabrúða hernaðarráðgjafans?

Í frétt á ruv.is segir m.a.:

"Þá hefur Johansen lagt drög að ræðum eða ummælum Geirs. Þar segir meðal annars að ríkisstjórnin hafi gripið til ákveðinna aðgerða og leggi hart að sér við að finna lausn mála. Blaðið er dagsett viku eftir að bresk stjórnvöld ákváðu að beita hryðjuverkalögum gegn Íslendingum. Í ræðudrögum handa Geir hefur Johansesn skrifað nokkur lykilatriði. Meðal annars að forðast eigi að leyfa efnahagsglundroðanum að breytast í milliríkjadeilu.

Johansen gegndi áður starfi upplýsingafulltrúa Glitnis í Noregi. Hann sendi frá sér fréttatilkynningu 21. Október; fimm dögum eftir að hann setur fram fjölmiðlaáætlun fyrir forsætisráðherra. 

Fyrir stuttu var Kristján Kristjánsson ráðinn upplýsingafulltrúi forsætisráðuneytisins. Eftir ríkisstjórnarfund í morgun svaraði Geir spurningum blaða- og fréttamanna í tvær og hálfa mínútu eða þangað til upplýsingafulltrúinn batt enda á þennan óformlega blaðamannafund." 

Athugasemdir

[Jón Ólafur Vilhjálmsson, 22.11.2008 kl. 09:39]

Það er nú þannig að þegar þeir sem er í forsvari fyrir hvort það er ríkistjórn banka eða önnur samtök geta ekki  tjáð sig frá hjartanu án fals þá er illa komið og hægt að líkja því við mann sem kallaður er í dómsal og lýgur hann verður margsaga þá er virðingin og allt sem sagt er tilfinningalaust og dautt því það vantar sannfæringu í fasið. Þeir sem eru að hlusta finna það um leið því rökræðan verður innantóm og þessi framkoma skin úr öllum þessum blaðamannafundum sem skilja eftir fleiri spurningar en svör.

[Magnús Sigurðsson, 22.11.2008 kl. 10:13]

Þetta val á upplýsingafulltrúa lýsir vel því trausti sem er á milli stjórnvalda og þjóðar.

[Sigrún Jónsdóttir, 22.11.2008 kl. 10:16]

Komin með nóg af strengjabrúðunum

Sjáumst á Austurvelli í dag kl. 15:00!

[Vilborg Traustadóttir, 22.11.2008 kl. 12:57]

Geir á heima á vaxmyndasafni, segi það enn og aftur. Svei mér þá....

[Kjartan Pétur Sigurðsson, 22.11.2008 kl. 13:42]

Það er eitthvað allt annað sem við þurfum þessa dagana en hernaðarráðgjöf!

[Jakobína Ingunn Ólafsdóttir, 22.11.2008 kl. 22:54]

Já þetta er ekki traustvekjandi