Hverjir leita sannleikans?

Eftirfarandi færslu er að finna á bloggi spámannsins, komið þessu á framfæri:

Samkvæmt frumvarpinu um rannsóknarnefndina er það tilgangurinn.  Gott og vel. Skoðum samt aðeins hverjir ætla að leita sannleikans. Sturla Böðvarsson (xD) semur, ásamt aðstoðarmönnum (xD), frumvarpið. Birgir Ármannsson (xD) er formaður allsherjarnefndar sem fjallar um frumvarpið, svo kemur rúsínan í pylsuendanum, líklegt er að Páll Sveinsson (xD) hæstaréttardómari muni leiða rannsóknarnefndina. Hafa ber í huga að Páll þessi Sveinsson er fyrrum skósvein Davíðs Oddsonar (xD) og Geir H. Haarde (xD). Hvernig haldið þið að hann hafi orðið hæstaréttardómari?

Það er nokkuð ljóst að undanfarnar vikur hafa bankamenn staðið vaktina við tætaranna og því er fáránlegt til þess að hugsa að þessi vinna á að taka ár. Mér er fyrirmunað að skilja hvaða sannleik þeir ætla að finna úr þessu annan en þann sem er þeim þóknanlegur. Þessi rannsókn mun aðeins fara fram EINU sinni. Munið það kæru landar, HÚN VERÐUR AÐ FARA FAGMANNLEGA FRAM.

Með þetta í huga veltir maður fyrir sér hvort það að „leita sannleikans“ sé í raun tilgangur nefndarinnar. Sjálfstæðismenn eru þarna allir í öllu. Ég held að flestir geti verið sammála um það að sú stefna sem hefur leitt okkur til glötunar sé frjálshyggjan. Ríkið á ekki að skipta sér að markaðnum, markaðurinn leiðréttir sig sjálfur, því meira frelsi því betra, það er gott að græða á daginn og grilla á kvöldin o.s.frv. Ég ásamt fleirum erum hrædd um að tilgangur „réttarrannsóknarinnar“ sé fyrst og fremst að finna einhverja einstaklinga til að skella sökinni á. Þar af leiðandi róast almenningur og við sitjum eftir með sama viðbjóðslega kerfið sem þessir háu herrar uppnefna lýðræði. Þið skuluð ekki gleyma því að hugtakið löglegt en siðlaust er ekki bara hugtak á Íslandi. Hvar er allt menntafólkið okkar? Af hverju eru þau ekki að mótmæla Þessum vinnubrögðum?  Eru háskólarnir á landinu bara heilaþvottastöðvar flokkanna?

Athugasemdir

[Hólmdís Hjartardóttir, 3.12.2008 kl. 16:47]

Mér líst ekkert á þetta

[Rannveig H, 3.12.2008 kl. 17:15]

Helv.... afhverju kemur þetta mér ekki á óvart, Spámaðurinn á að senda þetta á alla þingmenn stjórnarandstöðu og miðlana líka.

[Birgitta Jónsdóttir, 3.12.2008 kl. 17:38]

takk fyrir að vekja athygli á þessu - mikið er samfélagið okkar óendanlega mikil ormagryfja...

langaði líka að þakka þér fyrir þínar hugmyndir á fundinum sem við vorum saman á varðandi nýtingu á húsnæði - var einmitt að hugsa á þessum nótum sjálf.

[Jakobína Ingunn Ólafsdóttir, 3.12.2008 kl. 17:57]

Takk fyrir það Birgitta.

[Haraldur Bjarnason, 3.12.2008 kl. 20:16]

Þetta er málið. Þeir sem ýta á takkana á tæturunum rannsaka svo eigin gjörðir og jábræðra sinna. - Burt með spillinguna! (sem er auðvitað borin von því þeir sem henni stýra sitja sem fastast.)

[brana (IP-tala skráð) 3.12.2008 kl. 21:58]

Það verður að stöðva þessa rannsóknarnefnd. Jafn nauðsynlegt og það er að rannsókn fari fram, þá er það KRAFA að menn sem komu glundroðanum af stað (xD), fái að auki ekki tækifæri á að hylja slóðir sínar. Það verður aldrei sátt í samfélaginu með svona vinnubrögðum.

Kveðja, brana 

[Rakel Sigurgeirsdóttir, 3.12.2008 kl. 23:50]

Það er svo margt sem maður les, heyrir og sér af aðgerðum stjórnvalda þessa daganna að maður hefur ekki undan að taka við. Mér hefur stundum verið hugsað til þess hvort allir lögfræðingar haldi vinnunni sinni og ef ekki hvort þeir geti ekki tekið sig saman og farið ofan í saumana á stærstu málunum og fundið flöt á því að kæra íslensk stjórnvöld fyrir mannréttindabrot fyrir það fyrsta. Þeir hafa hins vegar brotið margar aðrar reglur líka en þetta er það sem mér svíður mest undan í augnablikinu.

Er þetta afleit hugmynd? Ef ekki hvar ætti maður þá að koma henni á framfæri?

[Jakobína Ingunn Ólafsdóttir, 4.12.2008 kl. 00:04]

Þetta er ekki afleit hugmynd og ég held að það sé verið að vinna í svona hugmyndum. Fólk er að safnast saman og nýta þekkingu til þess að styrkja almenning.

[Rakel Sigurgeirsdóttir, 4.12.2008 kl. 00:07]

Mér er huggun af því að heyra það

[Sigrún Jónsdóttir, 4.12.2008 kl. 00:24]

Var að koma heim úr vinnu, sé til hvað ég get gert við þetta á morgun, því þetta er náttúrulega algjört hneyksli