Ekki fyrir fátæka að búa á Íslandi

Það er ekki auðvelt að vera fátækur á Íslandi. Umræðan á Íslandi hefur verið mótuð á þann veg að Íslendingar búi við besta heilbrigðiskerfi í heimi og þess vegna eigi þeir að vera mjög hamingjusamir Íslendingar. Það gleymist hins vegar að benda á að þessi ágæta heilbrigðisþjónusta er varla aðgengileg fátæku fólki og það fer sífellt versnandi.

Baldur McQeen ber komugjöld á heilsugæslu á Íslandi saman við komugjöld í nágrannalandi.

Ég var í London fyrir tveimur árum og þá handleggsbraut sonur minn sig. Ég fór með hann tvisvar á bráðamóttöku. Í fyrra skiptið fór hann í röntgenrannsókn og fékk bráðabirgða mót á handlegginn. Í seinna skiptið fór hann í aðgerð og var sett á hann varanlegra mót. Fyrir þetta borgaði ég ekki neitt.

Þegar heim kom fór ég með hann á bráðamóttöku og mótið var fjarlægt en fyrir það þurfti ég að greiða háa fjárhæð eða einhverjar þúsundir.

Þannig er Ísland í dag.

Athugasemdir

[Hólmdís Hjartardóttir, 15.12.2008 kl. 08:33]

Kostnaðarhlutdeild sjúklinga hefur stóraukist undanfarin ár.....og stefnir í versnun

[Rakel Sigurgeirsdóttir, 15.12.2008 kl. 23:33]

Enda hefur Sjálfstæðisflokkurinn lengi átt sér þann draum að einkavæða heilsugæsluna.

[Jakobína Ingunn Ólafsdóttir, 16.12.2008 kl. 15:26]

Það er mjög hætt við að þeir muni nota tækifærið núna. Ég er þegar farinn að heyra frasa í fjölmiðlum sem benda til þess.