Í hvað fara skatttekjur ríkissjóðs?

Sókrates spyr eftir farandi spurninga á síðu Silfur Egils:

1. Er það rétt að Frú Vigdís Finnbogadóttir, fyrrverandi forseti, hafi þegið styrk frá ríkinu (skattgreiðendum) upp á 1.5 milljón króna á mánuði sem gerir 18 milljónir króna á ári síðan hún lét af störfum sem forseti?

2. Ef rétt, leggst þessi styrkur þá ekki ofan á þær lífeyrisgreiðslur sem hún hafði áunnið sér á meðan hún sat sem forseti?

3. Hver tók ákvörðun um þessar greiðslur á sínum tíma og á hvað forsendum?

4. Hvenær hættu þessar greiðslur til hennar eða fær hún þær enn? Ef já, á hvað forsendum?

5. Hvað er sú heildartala komin í samtals í dag sem frú Vigdis hefur þegið frá skattgreiðendum frá því hún vék úr embætti?

6. Eru einhver fordæmi fyrir svona greiðslum/styrkjum til fyrrverandi forseta Íslands?

Athugasemdir

[Helga (IP-tala skráð) 18.12.2008 kl. 15:02]

Ég held að það sé rétt hjá mér að Vigdís fær 80% af launum starfandi forseta og byggist hlutfallið á þeim tíma sem hún gegndi embætti.

Mig rekur minni til þess að gerður hafi verið sérstakur samningur við Vigdísi um að hið opinbera tæki þátt í rekstri skrifstofuhalds fyrir hana, vegna þess að nokkuð ljóst var að Vigdís myndi ekki draga sig í hlé heldur halda áfram að starfa "fyrir Ísland", eins og það var kallað. Um hvort þetta er sanngjarnt eða ekki, ætla ég ekki að segja - en rökin fyrir því að hið opinbera tæki þátt í kostnaðinum voru þau að Vigdís myndi áfram starfa "fyrir Ísland" þótt hún gerði það ekki sem forseti.

[Rut Sumarliðadóttir, 18.12.2008 kl. 16:39]

Þarna mætti spara, þekki ekki þetta dæmi en fullmikið amk. ef rétt er. Held hins vegar að hún hafi unnið mörg störf í okkar þágu eftir að hún lét af embætti. Hvort það er enn svo veit ég ekki.

Við höfum ekki lengur efni á n einu prjáli og það þarf að skera niður, mætti gera það í t.d. utanríkisþjónustunni frekar en að rífa matinn úr munni sjúklinga sem ekki geta borgað.

[Jakobína Ingunn Ólafsdóttir, 18.12.2008 kl. 17:01]

Ég held að við höfum ekki efni á því að vera með einn forseta hvað þá heldur tvo. Henni er í sjálfsvald sett hvort að hún vinni fyrir Ísland.

[Rut Sumarliðadóttir, 19.12.2008 kl. 10:40]

Sammála, það mætti fækka þingmönnum um helming, leggja af forsetaembættið og nýta þessa rándýru utanríkisstarfsmenn itl að mæta fyrir okkar hönd.

[Rakel Sigurgeirsdóttir, 19.12.2008 kl. 18:28]

Ef satt er, er þetta rosalegt!! Það er margt sem við þurfum að horfast í augu við og við verðum að hafa það hugfast að oft er spillingin í ákaflega fallegur gervi Mér þykir í sannleika sagt vænt um Vigdísi og vona að þetta reynist ósatt en ef svo er ekki þá má þetta ekki viðgangast bara af því það er hún.

[Jakobína Ingunn Ólafsdóttir, 20.12.2008 kl. 00:25]

Tek undir það.