Er þetta í svörtu bókinni hans Davíðs?

Ný frétt í fréttaveitu götunnar segir að meðal ótrúlega heppinna eigenda Hans Petersen voru systur, afkomendur Petersen. Önnur þeirra er vel gift manni í áhrifastöðu, Davíð Oddssyni seðlabankastjóra.

Ný tækni kippti fótunum undan ljósmyndaverksmiðju Hans Petersen en gríðarlegar fjárfestingar höfðu verðið gerðar í húsnæði og tækjum sem urðu úrelt. Síðar kom svo stafræna ljósmyndatæknin sem gerði endanlega út af við fyrirtækið.

DeCode fyrirtækið hafði nýlega hafið starfsemi á Íslandi og það bauðst til að kaupa af fyrirtækinu húsnæðið á afar hagstæðu verði fyrir seljendurna, mörg hundruð milljónir.

Stuttu eftir þessi kaup fékk DeCode og Kári Stefánsson, spilavinur Davíðs, ábyrgð frá íslenska ríkinu til að taka afar hátt erlent lán. Bankar, sem enn voru í eigu ríkisins, keyptu svo hlutabréf í fyrirtækinu sem leiddi til mikillar hlutbréfabólu sem margir muna.

En ævintýrið var ekki úti því fyrirtæki sem aðeins hafði stundað innflutning á olíu og bensíni og dreifingu á þessum vörum til þessa vildi allt í einu bæta við sig þjónustu í framköllun. Það þótti mörgum skrítið að fyrirtækið Skeljungur vildi allt í einu borga mörg hundruð milljónir fyrir, að margir töldu, dauðadæmdan rekstur.

Forstjóri Skeljungs sem keypti rekstur Hans Petersen er giftur konu sem óvænt fékk stöðu dómsmálaráðherra í ráðuneyti Davíðs Oddssonar. Síðar þegar olíufélögin vor sökuð um samráð sluppu allir vel frá því, enginn fékk dóm og aðeins smá vinstrilegur borgarstjóri þurfti að segja af sér.

Og Davíð gerir Ísland að aðhlátursefni

Athugasemdir

[Offari, 22.12.2008 kl. 21:30]

Mér finnst vont að heyra illa talað um Davíð.   Er hvergi hægt að finna saklausann mann í þessu þjóðfélagi?

[Guðrún Jónína Eiríksdóttir, 22.12.2008 kl. 22:22]

Já kanski er sumt tilviljun annað ekki, ekki allt. Gleðileg jól Bíbí mín, takk fyrir að vera til.

[Sigrún Jónsdóttir, 22.12.2008 kl. 23:46]

Við erum á sama stjórnarfarslega planinu og "bananalýðveldi" Afríku

[Björgvin R. Leifsson, 22.12.2008 kl. 23:53]

Já en munurinn er þó sá að bananalýðveldin vilja helst ekki láta líkja sér við Ísland.

[S.Þ.R (IP-tala skráð) 23.12.2008 kl. 10:07]

Góður punktur hjá þér Jakobína !

Davíð þar að færa þessa færslu í hvítbókina sem Björn Bjarnason er að skrifa á fullu þessa dagana.

Bananalýðveldið Kongó á sér talsmann sem gaf út þá yfirlýsingu í nóvember sl.  þar sem hann sagði Kongóbúa langt yfir Ísland hafna þar sem glæpamenn í flokki þeirra sem hér stjórna, hefðu ekki fengið tækifæri til að halda störfum áfram í Kongó, heldur hefðu þeir verið dregnir fyrir dómstóla götunnar eins og skot.                                                                                                                       

Ekki að ég sé að mæla fyrir hönd bananalýðveldanna heldur finnst mér það slæmt þegar að talsmenn bananalýðvelda hér í heimi flokka íslendinga sem óttalegar gungur sem láti traðka á sér miskunnarlaust og halda síðan áfram að dásama kvalara sína eins og ekkert annað sé í boði.

Gleðilega Hátíð!