Skrípaleikurinn stöðvaður

Í óskammfeilni sinni ætluðu valdhafar að koma fram í sparifötunum fyrir þjóð sem gefur þeim ekki lengur umboð sitt. Unga fólkið, skríllinn (sem eru m.a. konur á sjötugsaldri) fólkið sem er ekki þjóð Ingibjargar Sólrúnar mótmælti þessum tvískinnungshætti valdhafanna.

Valdhafarnir gerðu tilraun til þess að setja upp sviðsmynd sem ekki er annað en skrípaleikur og tilraun til þess að skapa falska ásýnd. Þeir sem stöðvuðu þennan skrípaleik eru mín þjóð.

Gleðilegt nýtt ár

 

Gas Gas Gas á gamlársdag

Athugasemdir

[Sigurður Þór Guðjónsson, 31.12.2008 kl. 18:58]

Þú hittir nákvæmlega naglann á höfuðið.

[Þröstur (IP-tala skráð) 31.12.2008 kl. 19:00]

Því miður eru stjórnvöld mafía.

Allar stjórnvaldsaðgerðir í þessu spilta landi réttlæta miklu harðari mótmæli en hingað til hafa orðið.

En aktví mótmæli eru lykilinn. Ekki ofbeldi. Hvorki frá lögreglu né Mótmælendum.

Af myndböndum dagsins í dag að dæma þá er lögreglan með meira ofbeldi en mótmælendur.

[Óskar (IP-tala skráð) 31.12.2008 kl. 19:03]

Þú átt bágt að styðja þetta pakk, ertu búin að horfa á fréttina? sástu þennan lýð sem var fremstur í flokki? drullu delar að reyna hafa gaman á kostnað okkar hinna.

[Jakobína Ingunn Ólafsdóttir, 31.12.2008 kl. 19:27]

Hver er þessi: við hin. Valdhafar troða út vasa sína á kostnað þessara: okkar hinna. Ég finn hinsvegar lítið fyrir kostnaði vegna þessara mótmæla.

[Hólmdís Hjartardóttir, 31.12.2008 kl. 19:40]

Gleðilegt ár

Kveðja frá stoltum mótmæleda

[Björgvin R. Leifsson, 31.12.2008 kl. 19:47]

Svo sammála þér Jakobína - og ekki í fyrsta skipti.

[Kristmann (IP-tala skráð) 1.1.2009 kl. 22:40]

Já, mikið óskaplega er ég nú glaður að einhverjir menn útí í bæ hafi ákveðið að ráðast á almenna borgara við vinnu sína

Skemma eigur einkaaðila (þar á meðal hurð á fornminjaskrá sem nú er ónýt) með hulin andlit.

Sérstaklega gleður mig hnefahöggið sem starfsmaður stöðvar 2 fékk, og ég hitnaði allur innan af gleði þegar ég sá að tekist hafði að kjálkabrjóta lögreglumann, en ég þekki af eigin reynslu hversu mikil ánægja hlýst af því að vera með víraðan saman á sér kjaftinn í nokkrar vikur eftir slík meiðsli.

Við megum vera stolt af þessu unga og kraftmikla fólki, ég vildi bara óska að við vissum hverjir þetta væru svo ég geti þakkað þeim í eigin persónu

Það er gott til þess að vita að mótmælin séu komin á það stig að einkaréttur almennings er ekki virtur lengur, þess getur ekki verið langt að bíða að ráðamenn fái heimsóknir að næturlagi... ekki væri ónýtt að sjá fréttamyndir af Ingibjörgu þar sem verið væri að bera hana út úr húsi sínu á náttfötunum, jafnvel bara allsbera

Mér er alveg sama hvað gerðist eftir þennan upphaflega fávitaskap lítils hluta mótmælenda, ef þessi lýður brytist inn til mín þá myndi ég ekki bíða eina sekúndu áður en ég myndi úða á það úr slökkvitækinu mínu

Þú þrífur ekki drullu með skít, sem er það sem þessi fífl voru að reyna í gær

[Kristmann (IP-tala skráð) 1.1.2009 kl. 22:44]

Það vantar þarna efst að gleði mín felst í því að þessi menn séu farnir að ráðast á almenna borgara við sín störf í mínu nafni...... yndislegt alveg

[Jakobína Ingunn Ólafsdóttir, 1.1.2009 kl. 22:51]

Kristinn valdhafa hafa lagt hrikalegar byrðir á almenning með samstöðu sinni við glæpalýð. Þessi samkunda valdhafanna var lágkúra ársins. Kurteis mótmæli eru ekki mótmæli heldur samkomur. Ábyrgð á þessari uppákomu bera þeir sem sátu við hringborðið og báru ábyrgð á lágkúrunni.

Mikið hefur verið um "þægileg mótmæli en valdhafar hunsa þau. Þeir beita þjóðina ofbeldi og virðast ekki skilja annað en ofbeldi.

Mótmælendur eru ekki hlynnt ofbeldi. Ofbeldi eða spellvirki virðist hinsvegar alltaf brjótast úr þegar mótmælendur eru í návist valdhafanna.

[Jakobína Ingunn Ólafsdóttir, 1.1.2009 kl. 22:54]

Já ég sá sakleysiningjana með gasið...Ég vorkenni þessum mönnum sem þurfa að hafa viðurværi af því að vernda lágkúruna.

[Kristmann (IP-tala skráð) 1.1.2009 kl. 22:57]

Ég veit fullvel hverju er verið að mótmæla og afhverju til hvers ertu að útskýra það
?

Útskýrðu frekar fyrir mér hvernig þú réttlætir árásir á saklausa borgara við sín störf og skemmdir á eignum einkaaðila

[Kristmann (IP-tala skráð) 1.1.2009 kl. 22:59]

Þar fyrir utan get ég ómögulega séð hvernig það er málstað okkar sem höfum verið að mótmæla undanfarið til tekna að láta kenna okkur við svona skríl

[Jakobína Ingunn Ólafsdóttir, 1.1.2009 kl. 23:07]

Ekki ætla ég að fara að verja ofbeldi. Ég tel hins vegar að ofbeldið eigi rætur sínar í athöfnum ráðamanna sem hafa skapað mismunun sem veldur reiði fólks. Í öllum samfélögum sem virða ekki mannréttindi og gæta ekki að velferð skapast reiði og í kjölfarið ofbeldi. Valdhafar hafa sáð í jarðveg sem er frjór illgresi reiðinnar. það er garðyrkjumönnunum að kenna ekki illgresinu.

[Kristmann (IP-tala skráð) 1.1.2009 kl. 23:13]

Hvernig sem þú það reynir þá getur þú ekki kennt öðrum um það fyrstu hendis ofbeldi sem lítill hópur mótmælenda beitti saklaust fólk í gær.

Ég hef val um það hvort ég kýli annan mann eða brjóti á honum á annan hátt af fyrra bragði

Það er jafn kjánalegt að kenna ráðamönnum um það ofbeldi það sem var beitt í gær og þegar menn kenna alkahóli um sínar misgjörðir framdar í ölæði en ekki sjálfum sér

[Kristmann (IP-tala skráð) 1.1.2009 kl. 23:16]

Þar fyrir utan skil ég ekki hvernig menn geta verið að réttlæta þennan verknað með því hvernig lögreglan síðan tók á því...

Það væri ekki vörn fyrir rétti að réttlæta innbrot með því að hafa fengið gat á hausinn við að vera stungið í steininn

[Jakobína Ingunn Ólafsdóttir, 1.1.2009 kl. 23:20]

Hver og einn sem beitir ofbeldi er ábyrgur fyrir gjörðum sínum hvort sem það er lögga með gasúða eða einstaklingur sem kastar grjóti. Það er hins vegar á okkar ábyrgð Kristmann að taka virkan þátt í því að móta samfelagsgerð sem virðir réttindi borgaranna. Sem hlúir að afkomendum okkar en arðrænir þá ekki. Valdhafarnir hafa ekki haft þetta í huga því þeir hafa í græðgi sinni gleymt hverju þeir eiga að þjóna, þ.e. friðsömu samfélagi sem byggir á mannréttindum.

[Jakobína Ingunn Ólafsdóttir, 1.1.2009 kl. 23:22]

Þeir sem afhenda löggunni gasúða og beina þeim tilmælum til þeirra að beita honum eru hlynntir ofbeldi.