Vitgrannir skósveinar valdhafanna

Ef þú ert fylgjandi mótmælum ertu fylgjandi ofbeldi halda skósveinar valhafanna fram í umræðunni. Ef þú hefur samúð með vígvæddum lögreglumönnum ert þú á móti ofbeldi segja líka hjáróma raddir.

Hugtakinu ábyrgð hefur verið rækilega nauðgað undanfarna mánuði. Valdhafarnir koma fram og segja við vissum ekkert, við gátum ekkert og sýna með því fádæma lágkúru. Siðmenningin á meðal skósveina þeirra er í lágmarki þegar þeir vaða nú um götur meðal fólks með hnefanna reidda til þess að hemja tjáningarfrelsi almennings.

Valdhafa hafa brotið á trausti almennings og reyna nú linnulaust að endurvekja traust almennings. Ekki með iðrun, ekki með yfirbótum heldur með því að slæva dómgreind almennings með óþreytandi nauðgun á tungumálinu og merkingu orða.

Valdhafar kalla friðsamleg mótmæli ofbeldi. Valdhafar kalla ofsóknir á hendur einstaklingum mótmæli. Með endalausum áróðri fjölmiðla af þessu tagi er reynt að slæva dómgreind almennings því valdhafar vilja heimska þjóð.

Mótmælendur hafa fram að þessu skilyrðislaust sýnt í verki að þeir forðast allt ofbeldi. Spellvirki hafa verið minniháttar og mótmælendur hafa fyrst og fremst haft sig í frammi í ræðu og með táknrænum athöfnum.

Mótmælendur eru persónur, einstaklingar sem eru að mótmæla að tilverugrunni hefur verið kippt undan fjölskyldum í landinu. Þeir eru að verja þjóð sína.

Valdhafar eru persónur, einstaklingar sem hafa það að markmiði að rústa tilverugrunni fjölskyldna í landinu í þeim tilgangi að halda upp stétt auðmanna í landinu. Þeir eru að verja valdhafanna og auðmennina.

Þegar valdhafar eða skósveinar þeirra gera eignarspjöll hjá einum mótmælenda eru það ekki mótmæli heldur ofsóknir vegna þess að valdhafinn er að misbeita valdi sínu gegn einstaklingi vegna pólitískra skoðana hans.

Það er varhugavert ef að dólgar úr hópi sjáfstæðismanna fara að ráðast að fóki í skjóli nætur vegna þess að það tjáir sig um spillingu meðal valdhafa og auðmanna.

Já þannig er Ísland í dag.

Athugasemdir

[Rut Sumarliðadóttir, 3.1.2009 kl. 11:22]

Ekki gleyma einelti!!!!!!!!!!!!

[Ævar Rafn Kjartansson, 3.1.2009 kl. 13:40]

Mbl.is tekur upp ritskoðun eða hvað?

Tvær greinar á mbl.is þar sem fjallað er um „að tveir menn gengu um meðal mótmælenda og ógnuðu þeim eins og sést í myndskeiði Mbl sjónvarps“ eru núna þannig að ekki er hægt að blogga um fréttirnar og athugasemdir sem var búið að senda eru horfnar út. Skyldi þetta eitthvað hafa með það að gera að annar mannanna Ólafur Klemensson er hagfræðingur í Seðlabankanum. Samstarfsmaður Davíðs og sjálfstæðismaður? Kom einhver skipun að ofan um tölvubilun á þessar tvær greinar eða notaði bróðir Ólafs sem var með honum þarna og er svæfingalæknir, meðölin sín á blaðamenn? Allavega er hægt að blogga inn á allar aðrar fréttir mbl.is. Hér er tenging inn á horfnu athugasemdirnar:

Taldi sér ógnað - mbl.is - athugasemdir horfnar… og komnar aftur inn

Innlent | mbl.is | 2.1.2009 | 20:35 Taldi sér ógnað

Innlent | mbl.is | 2.1.2009 | 16:44 Mótmælendum ógnað á gamlársdag

[Jakobína Ingunn Ólafsdóttir, 3.1.2009 kl. 13:53]

Skyldi almenningur vera farinn að taka eftir þessu svona fyrir utan bloggara.

[Rut Sumarliðadóttir, 3.1.2009 kl. 13:57]

Ó já, held það. Ef ekki vekjum við athygli á því.

[Ævar Rafn Kjartansson, 3.1.2009 kl. 13:58]

Almenningur virðist enn heilalaus hjörð sem er leidd til slátrunar án mótþróa.