Bjarni Ármanns vildi svona samfélag

Er iðrun Bjarna Ármannsonar sönn? Bjarni Ármannson hefur gengið út úr bankanum með fleiri milljarða, verið áhrifavaldur í hruninu, lifir sældarlífi í Noregi og þykir það leitt.

Honum finnst samt gott að eiga peninga en hann er leiður yfir því að saklaus almenningur þurfi að greiða skuldir hans.

Hann segir við vildum svona samfélag. Hverjir eru þessir við? Það eru ekki þeir sem nú eiga að greiða skuldirnar fyrir hann. Hann talar ekki fyrir hönd þjóðarinnar.

Hann játar klúður sitt en heldur fast í persónulegan ávinning sinn af klúðrinu. Iðrun hans má ekki hafa afleiðingar fyrir hann heldur eiga þeir sem ekki tóku þátt í græðginni að borga brúsann.

 

Hann vildi líka komast yfir orkuauðlindirnar sem börnin okkar eiga að erfa. Reyndi það en mistókst.

Ef hann vill fá fyrirgefningu synda sinna þarf hann að skila öllu því fjármagni sem hann hefur tekið og deila fátæktinni með þeim sem hann hefur gert fátæka.

Bjarni sagði að það hefðu verið mistök af sinni hálfu að þiggja það að koma að REI málinu.

Var Bjarni ekki forstjórinn?

Samkvæmt mínum skilningi hafa forstjórar völd og eru ekki teymdir heldur eru það þeir sem teyma.

Athugasemdir

[hilmar jónsson, 5.1.2009 kl. 19:57]

Eftir 1-2 viðtöl í viðbót við Bjarna verðum við öll farin að gráta og kenna okkur sjálfum um þetta allt saman.

[Baldur Gautur Baldursson, 5.1.2009 kl. 20:03]

Hann talar ekki fyrir munn minn að minnsta kosti. Hann slær sig ekki til riddara með flötu sverðinu heldur lætur eggina mæta öxlinni.  Óskaplega er þetta fólk vitlaust að dásama gjörðir sínar, þegar viðbrögðin verða þveröfug. Veit þetta fólk ekki að við höfum góða hugmynd um hvað þau hafa fengið undir borðið og hvað var siðlaust....  Þetta fólk ætti að skammast sín.

[Hákon Jóhannesson (IP-tala skráð) 5.1.2009 kl. 20:05]

Bankamenn sem taka hundruði miljóna í starfslokasamninga, eða að hefja starf eru veruleikafirrtir.

Flóknara er það nú ekki.

[Rut Sumarliðadóttir, 5.1.2009 kl. 22:32]

æi, ansi ristir þetta nú grunnt hjá manninum.

[Hólmfríður Bjarnadóttir, 5.1.2009 kl. 22:36]

Horfði á gott viðtal við Bjarna Ármannsson í Kastljósinu. Hann talaði þar af mikill hreinskilni um sinn þátt í ofvexti peningakerfisins og þá þætti sem honum finnst að unnir hafi verið af óvarkárni. Hann upplýsti líka að hann hefði endurgreitt Glitni 370 milljónir sem hefi verið sú upphæð sem hann fékk í sinn hlut við starfslok hjá Glitni. Hann var þarna að gera það sem svo margir hafa krafist, að viðurkenna mistök, viðurkenna ábyrgð og greiða til baka. Eflaust finnst einherjum að ekki sé nóg að gert, en ég tel að hann hafi með grein sinni, Kastljósviðtalinu og endurgreiðslunni, verið að opna á leið fyrir fleiri til að gera hreint fyrir sínum dyrum með einhverjum hætti. Ég tel að Bjarni hafi reyndar verið nokkuð varkár miðað við ýmsa aðra.

Tek undir með Tómasi Ha hér að ofan að útreikningar Þínir Jakobína séu mokkuð ríflegir. Ef reikningskústin er ætíð svona frjálsleg, er ekki að undra þó skuldabaggi komandi kynslóða sé risavaxinn

[Vilborg Traustadóttir, 5.1.2009 kl. 23:23]

Einmitt, hann á að deila fátæktinni.

[Rakel Sigurgeirsdóttir, 5.1.2009 kl. 23:28]

Bjarni Ármanns lítur út eins og engill enda veitti honum ekki af Þetta útlit virkar líka greinilega áfram sem huliðshjálmur fyrir suma sem sjá ekki enn í gegnum hann.

[Sigrún (IP-tala skráð) 5.1.2009 kl. 23:48]

Mér finnst Bjarni maður að meiri að hafa endurgreitt. Hins vegar í allri þessari umræðu varðandi ofurlaun bankastjóra að þeir hafa viðsemjendur sem eru bankastjórnir, sem þegar upp er staðið ráða bönkunum. Við þá er ekki síður að sakast með þessu háu laun. Þeir sömdu um þessu laun við bankastjórana.

Ég held að við flest myndum þiggja svona launagreiðslur, stæðu þær okkur til boða.

En vonandi verður þessi skelfilega launastefna eitthvað sem heyrir fortíðinni til og verði ekki tekin upp aftur.

[Rakel Sigurgeirsdóttir, 6.1.2009 kl. 00:02]

Humm... nei takk! A.m.k. ekki fyrir illa unnin störf og engan veginn nema mjólkurlítrinn kostaði 9.000,- M.ö.o. laun mannsins voru ekki í takt við neitt í samfélaginu nema spillt eðli hans sjálfs og þeirra sem hömpuðu honum og/eða lutu. Það sem hann skilaði væri svona eins og ef ég teldi mig vera að bjarga efnahag landsins með því að reiða fram 37.000,- sem er þó miklu hærra hlutfall af mínum eigum en það sem hann auglýsir að hann hafi skilað er af hans. Ég er sannfærð um að hann skuldar íslenska þjóðarbúinu milljarða en hann er svo klókur spillingarrefur að hann hefur velt því sem hann skuldar yfir á okkur þjóðina. Klókindi hans birtast ekki síst í þeim gjörningi sem ég sé víða á blogginu í kvöld að sumir vilja kaupa

[Jakobína Ingunn Ólafsdóttir, 6.1.2009 kl. 00:06]

Ég myndi EKKI þyggja laun af þessari stærðargráðu. Satt að segja þá myndi mér líða eins og þjófi ef ég færi að nýta mér aðstöðu mína til þess að skammta mér laun sem ekki eru í neinu samræmi við skyldur mínar.

Sem betur fer er fjöldi fólks í þessu landi sem er ekki að drepast úr græðgi og treystir sér til þess að mæt í vinnu gegn sanngjörnum launum.

[Hákon Jóhannesson (IP-tala skráð) 6.1.2009 kl. 07:59]

Sigrún: Svona háar launatölur eru ekki í neinum tengslum við raunveruleikann hér og ekkert sem getur réttlætt þær. 

Það er enginn (bankastjóri) ómissandi, þó sumir haldi það.

[Rut Sumarliðadóttir, 6.1.2009 kl. 11:55]

Mjög góð ath. hjá Rakel, tek undir hana. Hversu hátt hlutfall? Held að þessi helv.  kreppa komi ekkert rosalega inna við Bjarna. Öfugt við okkur.