Ofbeldi lögreglunnar

Lögreglan hefur misst stjórn á sér og beitir efnahernaði gegn mótmælendum. Stöð tvö hvetur lögreglu til frekari ofbeldisverka.

Efni í úða sem beittur er gegn mótmælendum er skaðlegur og dæmigerð pyndingaaðferð. Úðin veldur fornarlömbunum miklum kvölum og yfirvöld réttlæta af hörku þessar misþyrmingar.

Enginn þeirra einstaklinga sem beittir hafa verið þessu ofbeldi hafa beitt aðra ofbeldi.

Valdhafar hafa gjörsamlega misst stjórn á sér í siðblindu og þörf fyrir ruddaskap í framgöngu sinni.

Spyrja um efni í lögreglugasi

Athugasemdir

[Björgvin R. Leifsson, 6.1.2009 kl. 19:34]

Einhver hélt því fram á einhverju blogginu hér að einhver efni í þessum úða hafi verið bönnuð hér á landi í nokkra áratugi. En það er svo langt síðan og allar löggur búnar að gleyma því.

[Hólmfríður Bjarnadóttir, 6.1.2009 kl. 20:06]

En voru ekki mótmælendur með sprengjur sem innihéldu skaðleg efni, ekki man ég betur

[Björn (IP-tala skráð) 6.1.2009 kl. 20:17]

Ertu þá að tala um stórskaðlegu matvælin? Sykurinn sem étur upp tennur og saltpéturinn sem er talinn geta valdið krabbameini ef kjöts verkað með honum er neytt í tugkílóavís á hverjum degi árum saman?

Það er rétt stórskaðleg efni. 

[Vilborg Traustadóttir, 6.1.2009 kl. 21:11]

Það verður að slá af í þessu öllu saman. Enginn er bættari þó skemmdir eða slys verði. Nema síður sé!

[Þór Jóhannesson, 6.1.2009 kl. 21:34]

Hólmfríður það er ljóst að þú trúir lygum fjölmiðlanna eins og nýju neti - þetta skaðlega efni sem þeir eru að reyna að ljúga að fólki að hafi verið beitt er saltipétur eins og þú kaupir úti í búð til að nota við baksturinn. Ef þú blandar honum við sykur (sem þú notar líka í baksturinn þinn) þá færðu mjög handhæga reyksprengju - við guttarnir lékum okkur að því að búa þetta til þegar við vorum að skríða inn á unglingsárin - stálum því úr eldhúsum foreldranna.

Þetta er það sem þú og þessir valdhafar sem þú ert svo hrifin af eru að kalla eiturefni!!!

[Jakobína Ingunn Ólafsdóttir, 6.1.2009 kl. 22:12]

Já sykurinn er hættulegur ef hann er neyddur ofan í fólk í miklu magni getur það orðið spikfeitt.

[Lárus Dór Christiansen, 6.1.2009 kl. 23:11]

Ágæta fólk,

Eftir að hafa lesið í gegnum tilsvör við þessari færslu get ég hreinlega ekki orða varist... Þvílík mælskulist af hálfu Jakobínu, Björns og Þórs. Maður er bara snortinn.

Álíka heimskuleg, barnaleg og málefnaleg rök má færa fyrir notkun varnarúða lögreglu, bon appetit:

Ég sé ekkert að notkun piparúða á manneskjur þar sem að virka efnið (OC) er unnið úr pipar sem er einmitt notaður í matargerð og finnst mér fátt betra en að fá mér beikonpullu á Select með kartöflusalati og smá chili tómatsósu...LÖGREGLUOFBELDI.

Þór: myndiru flokka við sem eiturefni? hvað með reykinn sem myndast þegar kveikt er í viði?

Merkilegt að fólk geti dáið úr reykeitrun þegar kviknar í sumarbústað... ég meina, þarna eru bara spýtur, spýtur sem menn eins og hann Þór lék sér með sem sverð þegar hann var gutti

Mér finnst greindarkreppan sem ríkir hér á moggablogginu talsvert alvarlegri og angrar mig meira en fjármálakreppan í þjóðfélaginu

[Þór Jóhannesson, 6.1.2009 kl. 23:24]

Svona vinnur útrölulið Sjálfstæðisflokksins - persónuárásir og gera fólki upp skoðanir. leyfum þeim að gera sig að fífli, svona skrif eins og þessi Lárus Dór er með eru bæði skopleg og sorgleg.

[Lárus Dór Christiansen, 6.1.2009 kl. 23:35]

Þar sem að Þór hefur lokað fyrir það að ég geti birt athugasemdir á síðu hans þar sem að hann taldi ummæli mín þar meiðandi fyrir sína persónu eða álíka.

Bréf Lárusar til Þórs:

Ágæti Þór,

Ég vil biðja þig velvirðingar á því að hafa ráðist að persónu þinni jafn ómaklega og ég gerði með því að lýsa yfir skoðun minni á þessum opna en jafnframt persónulega vettvangi sem þú virðist nota til þess að rökræða við aðra en mig um málefni þau er brenna þér á hjarta.

 Vonbrigði, Þór, er það orð sem best lýsir tilfinningu þeirri er fyllir hjarta mitt nú.

Vil ég mæla með því við þig að þú eyðir bara út fyrri færslu minni svo hún sverti ekki fínu síðuna þína... Varðandi málefnalegar umræður þá væri ég einna helst til í að hitta þig yfir kaffibolla bara og heyra hvað þú hefur málefnalegt að segja um þessi helstu málefni

Með kveðju,

Lárus

Svo ég bæti nú aðeins við Þór, þá er ég hvorki Sjálfstæðismaður né fylgismaður ríkjandi stjórnar. Í síðustu alþingiskosningum skilaði ég auðum kjörseðli og kæmi til með að gera slíkt hið sama ef gengið yrði til kosninga nú. Ég er ekki fylgjandi því að menn skipti út drullu fyrir skít.

Takk fyrir að vera þú

Kær kveðja,

Lalli

[Rakel Sigurgeirsdóttir, 7.1.2009 kl. 01:02]

Jakobína: Ég fagna því að þessi fyrirspurn um innihald piparúðans sé komin fram. Það eru nú reyndar greinilega einhverjir sem telja það til faglegra vinnubragða að fletta upp á Wikipedia til að leita sér upplýsinga um slíkt...

Ég var við Hótel Borg á gamlárskvöld og horfði upp á kvalirnar sem þessi  úði veldur þeim sem fá hann í andlit og í augu. Ég varð reyndar fyrir þó nokkru áfalli þegar ég horfði upp á kvalir og í sumum tilvikum örvæntingu þeirra sem höfðu fengið hann á sig. Suma sá ég líka engjast og æla.

Ég hef heyrt ýmsu fleygt sem hefur átt að réttlæta beitingu piparúðans þenan dag en mér fannst ekki einu sinni lygin sem sumir héldu á lofti réttlæta beitingu þessa efnavopns. Beiting hans er ekki í neinu samræmi við það sem ég sá þennan dag og hef síðan séð á myndum og myndböndum frá þessum degi. Til hvers ætlar lögreglan að grípa í alvöruneyð??

Es: Ertu búin að lesa þetta? Hitt sjónarhornið en þar réttlætir heldur efnahernað lögreglunnar. Eftir lestur þessarar frásagnar spyr ég mig líka um önnur vinnubrögð höfuðborgarlögreglunnar þennan dag. Ég reikna með að þú áttir þig á því hvað ég á við.